Hebreos 7:24 - Triqui de San Juan Copala

²⁴ Tza̱j ne̱ Jesús me se daj chiha̱a̱ míj se̱ caviꞌ soꞌ maꞌ. Cheꞌé dan o̱rúnꞌ soꞌ me xrej quiꞌya̱j se‑su̱u̱n Yaꞌanj cheꞌé níꞌ nu̱ꞌ cavii nu̱ꞌ caꞌanj ado̱nj.

Hebreos 7:24 ပူးပေါင်းရင်းမြစ်များ

San Juan 12:34

Ga̱a ne̱ cataj nij yuvii̱ rihaan Jesús a: ―A̱j neꞌen núj nana̱ no̱ rihaan Danj Yaꞌanj se vaa Síí Caꞌne̱j Yaꞌanj Ti̱nanii man Yuvii̱ rihaan Sayuun me se si̱j ca̱yáán nu̱ꞌ cavii nu̱ꞌ caꞌanj me soꞌ a. Ne̱ me cheꞌé cataj so̱ꞌ nihánj se vaa vaa cheꞌé na̱xcaj nii man Síí Caꞌnéé Yaꞌanj Ni̱caj Yuꞌunj man Yuvii̱ rihaan chumii̱ nihánj ga̱. Me cheꞌé cavi̱ꞌ soꞌ ga̱. Da̱j si̱j me Síí Caꞌnéé Yaꞌanj Ni̱caj Yuꞌunj man Yuvii̱, rá so̱ꞌ ga̱ ―taj nij yuvii̱, xnáꞌanj nij yuvii̱ man Jesús a.

Romanos 6:9

Dan me se neꞌen níꞌ se vaa cunuu iꞌna̱ꞌ uún Cristó, ne̱ daj chiha̱a̱ míj se̱ caꞌvee cavi̱ꞌ uún soꞌ a̱ maan ado̱nj.

Romanos 9:5

Xi̱i nij yuvii̱ israelitá me nij síí ma̱n ga̱a naá síí cuꞌna̱j Abraham do̱ꞌ, Isaac do̱ꞌ, Jacob do̱ꞌ a. ꞌO̱ tuviꞌ nij soꞌ me Cristó Síí Caꞌnéé Yaꞌanj Ti̱nanii man Yuvii̱ rihaan Sayuun, ne̱ Cristó me se Yaꞌanj me soꞌ, ne̱ uun chij soꞌ rihaan cunuda̱nj a. Veꞌé uxrá caꞌmi̱i̱ níꞌ cheꞌé soꞌ nu̱ꞌ cavii nu̱ꞌ caꞌanj na̱nj á. Veé da̱nj ga̱a̱ ya̱ ado̱nj.

Hebreos 13:8

Veé Jesucristó asi̱j rque̱ do̱ꞌ, veé Jesucristó cuano̱ do̱ꞌ, veé Jesucristó nu̱ꞌ cavii nu̱ꞌ caꞌanj ado̱nj.

Hebreos 7:28

Ne̱ stucua̱nj Moisés taj se vaa cune̱ꞌ yuvii̱ man na̱nj yuvii̱ gu̱un nij soꞌ xrej, ne̱ cheꞌé dan na̱nj síí tumé cacunꞌ me nij xrej yoꞌ na̱nj ado̱nj. Tza̱j ne̱ navij tucuáán nga̱ yoꞌ, ga̱a ne̱ cutaꞌ Yaꞌanj raa̱ maꞌa̱n Yaꞌanj, ne̱ cuneꞌ Yaꞌanj man Taꞌníí Yaꞌanj, ne̱ síí sa̱ꞌ ina̱nj me soꞌ nu̱ꞌ cavii nu̱ꞌ caꞌanj na̱nj ado̱nj.

Apocalipsis 1:18

Ne̱ síí vaa iꞌna̱ꞌ mej a. Dan me se cavíꞌ ꞌu̱nj, tza̱j ne̱ cuano̱ nihánj me se vaa iꞌna̱ꞌ uún ꞌu̱nj, ne̱ dan me se ꞌo̱ ga̱a̱ iꞌna̱ꞌ ꞌu̱nj nu̱ꞌ cavii nu̱ꞌ caꞌanj ado̱nj. Ne̱ ꞌu̱nj roꞌ, me síí ata̱ suun cata̱j me síí cavi̱ꞌ ne̱ me síí caꞌa̱nj rej ma̱n nimán nij síí caviꞌ ado̱nj.