Hebreos 7:10 - Triqui de San Juan Copala

¹⁰ ꞌO̱ se maꞌa̱n Abraham roꞌ, a̱j me soꞌ caân cavi̱i̱ nij taꞌníí taꞌnij siꞌno̱ Leví ga̱a nariꞌ tuviꞌ soꞌ ga̱ síí cuꞌna̱j Melquisedec ado̱nj.

Hebreos 7:10 ပူးပေါင်းရင်းမြစ်များ

Hebreos 5:6

Ne̱ vaa ꞌó nana̱ uún nana̱ caꞌmii Yaꞌanj rihaan Cristó, ne̱ nana̱ yoꞌ taj a: Xrej mé so̱ꞌ nu̱ꞌ cavii nu̱ꞌ caꞌanj a. Dan me se ase vaa xrej cuꞌna̱j Melquisedec xrej cayáán ga̱a naá roꞌ, da̱nj vaa ma̱ꞌán so̱ꞌ na̱nj á, taj doj nana̱ no̱ rihaan Danj Yaꞌanj nana̱ caꞌmii Yaꞌanj rihaan Cristó a.

Hebreos 7:11

Dan me se nij síí noco̱ꞌ xnaꞌanj tuvi̱ꞌ ga̱ Aarón me nij xrej, ne̱ taꞌa̱j nij taꞌníí taꞌnij siꞌno̱ Leví me nij soꞌ, ne̱ tucuꞌyón nij soꞌ stucua̱nj Moisés rihaan nij yuvii̱ israelitá, tza̱j ne̱ ne quisi̱j cunu̱u sa̱ꞌ ina̱nj nij yuvii̱ israelitá, quiꞌyaj nij soꞌ maꞌ. ꞌO̱ se Danj Yaꞌanj taj se vaa ase vaa síí cuꞌna̱j Melquisedec roꞌ, da̱nj ga̱a̱ ꞌó xrej cune̱ꞌ Yaꞌanj, tza̱j ne̱ né si̱j noco̱ꞌ xnaꞌanj tuviꞌ ga̱ Aarón me xrej naca̱ yoꞌ maꞌ.

Hebreos 7:5

Dan me se xa̱ꞌ nij taꞌníí taꞌnij siꞌno̱ síí cuꞌna̱j Leví, tza̱j ne̱ cuneꞌ Yaꞌanj man nij soꞌ gu̱un nij soꞌ xrej cheꞌé nij yuvii̱ israelitá ado̱nj. Ne̱ aꞌnéj nij soꞌ diezmo man nij síí israelitá, nda̱a vaa taj suun caꞌneꞌ Yaꞌanj no̱ rihaan stucua̱nj Moisés yoꞌ ado̱nj. Ne̱ ase vaa tinúú nij yuvii̱ israelitá vaa nij soꞌ, nda̱ꞌ se taꞌníí taꞌnij siꞌno̱ síí cuꞌna̱j Abraham me nij soꞌ ga̱ ꞌó nij yuvii̱ israelitá ado̱nj.

Hebreos 7:9

Ne̱ nda̱ꞌ se aꞌnéj nij taꞌníí taꞌnij siꞌno̱ Leví diezmo man yuvii̱, tza̱j ne̱ vaa cheꞌé cata̱j níꞌ se vaa ga̱a rqué Abraham diezmo rihaan síí cuꞌna̱j Melquisedec, ga̱a ne̱ rqué maꞌa̱n nij tuvi̱ꞌ Leví diezmo uún rihaan Melquisedec ado̱nj.