Hebreos 5:6 - Triqui de San Juan Copala

⁶ Ne̱ vaa ꞌó nana̱ uún nana̱ caꞌmii Yaꞌanj rihaan Cristó, ne̱ nana̱ yoꞌ taj a: Xrej mé so̱ꞌ nu̱ꞌ cavii nu̱ꞌ caꞌanj a. Dan me se ase vaa xrej cuꞌna̱j Melquisedec xrej cayáán ga̱a naá roꞌ, da̱nj vaa ma̱ꞌán so̱ꞌ na̱nj á, taj doj nana̱ no̱ rihaan Danj Yaꞌanj nana̱ caꞌmii Yaꞌanj rihaan Cristó a.

Hebreos 5:6 ပူးပေါင်းရင်းမြစ်များ

Hebreos 5:10

Ne̱ guun soꞌ xrej ata̱ suun noco̱o doj, quiꞌyaj Yaꞌanj, ne̱ ase vaa guun síí cuꞌna̱j Melquisedec xrej vaa uún soꞌ na̱nj ado̱nj.

Hebreos 6:20

Dan me se a̱j quitáá ya̱a̱n Jesús rihaan níꞌ quinanꞌ soꞌ rihaan Yaꞌanj cheꞌé níꞌ, ne̱ soꞌ me síí guun xrej ata̱ suun noco̱o doj, ne̱ ase vaa síí cuꞌna̱j Melquisedec síí cayáán ga̱a naá roꞌ, da̱nj ga̱a̱ gue̱e̱ soꞌ nu̱ꞌ cavii nu̱ꞌ caꞌanj ado̱nj.

Hebreos 7:11

Dan me se nij síí noco̱ꞌ xnaꞌanj tuvi̱ꞌ ga̱ Aarón me nij xrej, ne̱ taꞌa̱j nij taꞌníí taꞌnij siꞌno̱ Leví me nij soꞌ, ne̱ tucuꞌyón nij soꞌ stucua̱nj Moisés rihaan nij yuvii̱ israelitá, tza̱j ne̱ ne quisi̱j cunu̱u sa̱ꞌ ina̱nj nij yuvii̱ israelitá, quiꞌyaj nij soꞌ maꞌ. ꞌO̱ se Danj Yaꞌanj taj se vaa ase vaa síí cuꞌna̱j Melquisedec roꞌ, da̱nj ga̱a̱ ꞌó xrej cune̱ꞌ Yaꞌanj, tza̱j ne̱ né si̱j noco̱ꞌ xnaꞌanj tuviꞌ ga̱ Aarón me xrej naca̱ yoꞌ maꞌ.

Hebreos 7:15

Ne̱ doj a̱ neꞌen níꞌ nihánj cheꞌé se caꞌnaꞌ ꞌó xrej naca̱ ase vaa síí cuꞌna̱j Melquisedec ado̱nj.

Hebreos 7:17

ꞌO̱ se taj Danj Yaꞌanj cheꞌé xrej naca̱ yoꞌ a: Xrej mé so̱ꞌ nu̱ꞌ cavii nu̱ꞌ caꞌanj a. Dan me se ase vaa xrej cuꞌna̱j Melquisedec xrej cayáán ga̱a naá roꞌ, da̱nj vaa ma̱ꞌán so̱ꞌ á, taj Danj Yaꞌanj a.

Hebreos 7:3

Ne̱ xa̱ꞌ soꞌ, tza̱j ne̱ taj va̱j a̱ ꞌó nana̱ aꞌmii cheꞌé rej soꞌ do̱ꞌ, nii soꞌ do̱ꞌ, xi̱i soꞌ do̱ꞌ maꞌ. Ne̱ taj va̱j a̱ ꞌó nana̱ aꞌmii me güii caꞌngaa soꞌ do̱ꞌ, me güii caviꞌ soꞌ do̱ꞌ a̱ maꞌ. Dan me se ase vaa maꞌa̱n Taꞌníí Yaꞌanj vaa soꞌ, ne̱ xrej me soꞌ nu̱ꞌ cavii nu̱ꞌ caꞌanj na̱nj ado̱nj.

Hebreos 7:8

Ne̱ xa̱ꞌ nij taꞌníí taꞌnij siꞌno̱ síí cuꞌna̱j Leví, tza̱j ne̱ aꞌnéj nij soꞌ diezmo man yuvii̱, tza̱j ne̱ na̱nj yuvii̱ me nij soꞌ, ne̱ vaa güii cavi̱ꞌ nij soꞌ na̱nj á. Ne̱ xa̱ꞌ síí cuꞌna̱j Melquisedec, tza̱j ne̱ Danj Yaꞌanj taj se vaa ꞌo̱ vaa iꞌna̱ꞌ soꞌ na̱nj ado̱nj.