Hebreos 3:6 - Triqui de San Juan Copala6 Tza̱j ne̱ Cristó me se né mo̱zó me soꞌ maꞌ. Tana̱nj taꞌníí síí tucua̱ ya̱ veꞌ me soꞌ ado̱nj. Ne̱ veé da̱nj ꞌyaj soꞌ nu̱ꞌ suun vaa rihaan soꞌ rá veꞌ, ne̱ dan me se maꞌa̱n ya̱ níꞌ me veꞌ yoꞌ, sese ꞌo̱ gu̱un ya̱ rá níꞌ se vaa cavi̱i̱ sa̱ꞌ níꞌ, quiꞌya̱j Yaꞌanj, ne̱ sese gu̱un niha̱ꞌ rá níꞌ cata̱j xnaꞌanj níꞌ cheꞌé yoꞌ rihaan tuviꞌ níꞌ, ne̱ sese se̱ cuchuꞌviꞌ níꞌ canoco̱ꞌ níꞌ man Yaꞌanj ado̱nj. အခန်းကိုကြည့်ပါ။ |
Hebreos 3:6
46 ပူးပေါင်းရင်းမြစ်များ
Ne̱ cuano̱ nihánj me se cata̱j xnaꞌanj ꞌu̱nj rihaan so̱ꞌ se vaa ya̱ Pedró cuꞌna̱j so̱ꞌ, cheꞌé se ase vaa yuvej na̱j tacóó veꞌ roꞌ, vaa so̱ꞌ, ne̱ síí nucua̱j ndoꞌo nimán mé so̱ꞌ ado̱nj. Cheꞌé dan, ase vaa ꞌyaj nii uneꞌ nii veꞌ xráá yuvej roꞌ, da̱nj ga̱a̱ qui̱ꞌyáj, cune̱ꞌ ꞌu̱nj man xꞌneꞌ nij síí noco̱ꞌ manj, se vaa gu̱un nucua̱j rá nij soꞌ mán so̱ꞌ na̱nj ado̱nj. Ne̱ se̱ quiꞌyaj canaán se ꞌyaj aviꞌ yuvii̱ man xꞌneꞌ nij síí noco̱ꞌ manj a̱ maꞌ.
Dan me se xca̱j soj cuentá, ne̱ nda̱ꞌ se yuva̱a̱ ya̱ Yaꞌanj ne̱ neꞌen Yaꞌanj quiꞌya̱j soꞌ sayuun man nij yuvii̱ ꞌyaj se nij rihaan soꞌ, tza̱j ne̱ cunuu ꞌe̱e̱ rá Yaꞌanj man soj, ne̱ veꞌé ndoꞌo quiꞌyaj Yaꞌanj rihaan soj ado̱nj. Ne̱ veꞌé quiꞌya̱j Yaꞌanj rihaan soj nu̱ꞌ cavii nu̱ꞌ caꞌanj, sese se̱ caꞌanj yaníj soj rihaan Yaꞌanj maꞌ. Sese caꞌa̱nj yaníj soj, ne̱ quiriꞌi̱j yaníj Yaꞌanj man soj uún na̱nj ado̱nj.
Dan me se nucua̱j rá níꞌ niꞌya̱j níꞌ Yaꞌanj, ne̱ neꞌen níꞌ se vaa vaa güii cavi̱i̱ sa̱ꞌ níꞌ, quiꞌya̱j Yaꞌanj á. Dan me se amán rá nij soj niꞌya̱j soj Yaꞌanj, ne̱ cheꞌé dan me raj gu̱un niha̱ꞌ ndoꞌo rá nimán soj, ne̱ ga̱a̱ xe̱j nimán soj, quiꞌya̱j Yaꞌanj, ga̱a ne̱ doj a̱ gu̱un ya̱ rá soj se vaa cavi̱i̱ sa̱ꞌ soj vaa güii, quiꞌya̱j Nimán Yaꞌanj ado̱nj.
Dan me se amán rá níꞌ niꞌya̱j níꞌ man Cristó, ne̱ cheꞌé dan guun cheꞌe̱ níꞌ nacaj níꞌ se lu̱j ꞌyaj Yaꞌanj cheꞌé níꞌ, ne̱ xraan nica̱j níꞌ se lu̱j yoꞌ a. Ne̱ ya̱j roꞌ, uun niha̱ꞌ ndoꞌo rá níꞌ cheꞌé se uun ya̱ rá níꞌ se vaa vaa güii ti̱haa̱n Yaꞌanj rihaan níꞌ nu̱ꞌ se vaa niꞌndaj ya̱ sa̱ꞌ veꞌé vaa soꞌ ado̱nj.
Ne̱ xa̱ꞌ níꞌ si̱j noco̱ꞌ man Yaꞌanj, tza̱j ne̱ asa̱ꞌ caꞌve̱e cunu̱u chre̱ꞌ níꞌ ga̱ yaꞌanj quiꞌyaj maꞌa̱n yuvii̱, rá soj ga̱. Ne̱ xa̱ꞌ Yaꞌanj, tza̱j ne̱ síí vaa iꞌna̱ꞌ me soꞌ, ne̱ ya̱nj soꞌ nimán níꞌ ado̱nj. ꞌO̱ cuya̱a̱n vaa nana̱ nihánj ga̱ nana̱ caꞌmii Yaꞌanj ga̱a naá ga̱a cataj Yaꞌanj a: Ca̱yáán ꞌu̱nj ga̱ nij soꞌ, ne̱ cache̱e̱ ꞌu̱nj ga̱ nij soꞌ, ne̱ guún ꞌu̱nj Taꞌanj nij soꞌ, ne̱ gu̱un nij soꞌ se‑chuma̱nꞌ ꞌu̱nj a, taj Yaꞌanj ga̱a naá a.
Dan me se cavi̱i̱ sa̱ꞌ soj, sese ꞌo̱ canoco̱ꞌ soj stucua̱nj Cristó na̱nj ado̱nj. Raan canoco̱ꞌ soj man soꞌ á. A̱j cuno soj nana̱ sa̱ꞌ cheꞌé Cristó, ne̱ cheꞌé dan uun ya̱ rá soj se vaa cavi̱i̱ sa̱ꞌ soj, ne̱ se̱ guun cata̱j soj se vaa ne ya̱ vaa nana̱ sa̱ꞌ cuno soj maꞌ. ꞌO̱ se nana̱ caꞌmii natáj nii rihaan cunuda̱nj nij yuvii̱ ma̱n rihaan chumii̱ me nana̱ sa̱ꞌ yoꞌ, ne̱ ꞌu̱nj nihánj guun ꞌo̱ síí aꞌmii natáj snana̱ Yaꞌanj nana̱ sa̱ꞌ yoꞌ rihaan yuvii̱ na̱nj ado̱nj.
Ne̱ me rá núj nari̱ꞌ nucuaj nimán soj, quiꞌya̱j maꞌa̱n Jesucristó Si̱j ꞌNi̱j Raꞌa man níꞌ do̱ꞌ, Rej níꞌ Yaꞌanj do̱ꞌ a. Ne̱ Yaꞌanj roꞌ, me síí ꞌe̱e̱ rá man níꞌ, ne̱ quiꞌyaj ndoꞌo soꞌ se lu̱j ga̱ níꞌ se vaa naquiꞌyaj nucua̱j soꞌ nimán níꞌ nu̱ꞌ cavii nu̱ꞌ caꞌanj, ne̱ uun ya̱ rá níꞌ se vaa cavi̱i̱ sa̱ꞌ níꞌ, quiꞌya̱j uún soꞌ ado̱nj. Ne̱ me rá núj gu̱un nucua̱j soj quiꞌya̱j soj nu̱ꞌ suun sa̱ꞌ, ne̱ caꞌmi̱i̱ soj nu̱ꞌ nana̱ sa̱ꞌ, quiꞌya̱j Yaꞌanj ado̱nj.
Tza̱j ne̱ sese se̱ cuchiꞌ raꞌya̱nj ꞌu̱nj, ne̱ taj se ꞌyaj maꞌ. A̱j neꞌén so̱ꞌ da̱j quiꞌya̱j soj si̱j noco̱ꞌ man Yaꞌanj ga̱a yáán soj ga̱ tinúú soj ado̱nj. ꞌO̱ se tucuá Yaꞌanj me xꞌneꞌ cunuda̱nj soj síí noco̱ꞌ man Yaꞌanj si̱j vaa iꞌna̱ꞌ ya̱ na̱nj á. Cheꞌé maꞌa̱n soj me se acaj yuvii̱ cuentá se vaa ya̱ vaa snana̱ Yaꞌanj ne̱ maꞌa̱n soj me síí nica̱j nana̱ ya̱ ado̱nj.
Tza̱j ne̱ ya̱j ga̱a nichrunꞌ caꞌa̱nj niꞌya̱ chumii̱ nihánj me se cataj xnaꞌanj maꞌa̱n ya̱ Taꞌníí Yaꞌanj snana̱ Yaꞌanj rihaan níꞌ, quiꞌyaj Yaꞌanj, ne̱ Taꞌníí Yaꞌanj me síí cuneꞌ Yaꞌanj man se vaa gu̱un siꞌya̱j soꞌ man cunuda̱nj rasu̱u̱n vaa güii, ne̱ soꞌ me síí quiꞌyaj nu̱ꞌ chumii̱ ga̱ xta̱ꞌ, quiꞌyaj Yaꞌanj ado̱nj.
Cheꞌé se xrej me soꞌ cheꞌé níꞌ roꞌ, cheꞌé dan se̱ cuchuꞌviꞌ níꞌ a̱ doj maꞌ. Tana̱nj nichru̱nꞌ níꞌ rihaan chrej sa̱ꞌ, ga̱a ne̱ caꞌve̱e cunu̱u ꞌe̱e̱ rá Yaꞌanj man níꞌ, ne̱ asa̱ꞌ ꞌnaꞌ sayuun rihaan níꞌ, ne̱ caꞌve̱e cata̱ꞌ tuꞌva níꞌ man soꞌ, ne̱ naca̱j soꞌ man níꞌ rihaan sayuun chugua̱nj. Dan me se ya̱ cunu̱u ꞌe̱e̱ rá Yaꞌanj man níꞌ, ne̱ asa̱ꞌ quiranꞌ níꞌ sayuun, ne̱ quiꞌya̱j soꞌ se lu̱j ga̱ níꞌ ado̱nj.
Dan me se asino cataꞌ tuꞌva Yaꞌanj, ga̱a ne̱ cutaꞌ Yaꞌanj raa̱ maꞌa̱n soꞌ a. Dan me se quisíj vi̱j nana̱ caꞌmii soꞌ, ne̱ daj chiha̱a̱ míj se̱ natuná Yaꞌanj snana̱ soꞌ maꞌ. ꞌO̱ se ne uun nucua̱j Yaꞌanj aꞌmii Yaꞌanj nana̱ ne̱ maꞌ. Cheꞌé dan me ndoꞌo rá níꞌ ra̱cuíj Yaꞌanj man níꞌ, ne̱ cheꞌé dan vaa cheꞌé ndoꞌo cuchuma̱n rá níꞌ, ne̱ gu̱un ya̱ rá níꞌ se vaa ya̱ cavi̱i̱ sa̱ꞌ níꞌ, nda̱a vaa cataꞌ tuꞌva Yaꞌanj rihaan níꞌ na̱nj ado̱nj.
ꞌO̱ se taj va̱j a̱ doj rasu̱u̱n cunuu sa̱ꞌ quiꞌyaj stucua̱nj Moisés maꞌ. Dan me se navij tucuáán nga̱, ne̱ ꞌó tucuáán sa̱ꞌ naca̱ nocoꞌ níꞌ cuano̱, ne̱ uun ya̱ rá níꞌ se vaa cavi̱i̱ sa̱ꞌ níꞌ, quiꞌya̱j tucuáán naca̱ yoꞌ ado̱nj. ꞌO̱ se cheꞌé tucuáán naca̱ yoꞌ caꞌve̱e cuchi̱ꞌ maꞌa̱n níꞌ rihaan Yaꞌanj ado̱nj.
Ne̱ ase vaa nij yuvej leꞌe̱j nii nataꞌ xráá yuvej xi̱j roꞌ, da̱nj vaa ta̱ranꞌ soj, sese canoco̱ꞌ xraan soj man Jesucristó, ne̱ veꞌé cuma̱n rcuaꞌa̱a̱n soj, quiꞌya̱j Jesucristó a. Ga̱a ne̱ cunu̱u sa̱ꞌ nimán soj, ga̱a ne̱ ase vaa xrej narii Yaꞌanj cu̱nuû rihaan soꞌ roꞌ, da̱nj ga̱a̱ soj rihaan Yaꞌanj a. Ne̱ ase vaa se sa̱ꞌ rqué nij xrej rihaan Yaꞌanj roꞌ, da̱nj ga̱a̱ se sa̱ꞌ quiꞌya̱j soj cheꞌé Jesucristó, ga̱a ne̱ cara̱nꞌ rá Yaꞌanj se vaa ꞌyaj soj ado̱nj.
Ga̱a ne̱ cataj uún soꞌ rihanj a: ―Ga̱a ne̱ cachro̱n so̱ꞌ nana̱ nihánj ne̱ caꞌne̱j so̱ꞌ rihaan síí caꞌnéé Yaꞌanj ni̱caj yuꞌunj man xꞌneꞌ nij síí noco̱ꞌ manj ya̱nj chumanꞌ Tiatira a: “Dan me se nana̱ nihánj me nana̱ aꞌmii ꞌu̱nj Taꞌni̱j Yaꞌanj cuno̱ soj, ne̱ ꞌu̱nj roꞌ, ase vaa yaꞌan vaa rlij rihanj, ne̱ ase vaa agaꞌ bronce mare̱e vaa tacój a.
ကြော်ငြာတွေ