Hebreos 3:10 - Triqui de San Juan Copala

¹⁰ Cheꞌé dan caꞌmaan raj niꞌya̱j ꞌu̱nj man nij soꞌ, ne̱ cataj ꞌu̱nj se vaa ne neꞌen uxrá nij soꞌ a̱ maꞌ. ꞌO̱ se ne queneꞌe̱n uxrá nij soꞌ canoco̱ꞌ nij soꞌ se‑chre̱j ꞌu̱nj a̱ maꞌ.

Hebreos 3:10 ပူးပေါင်းရင်းမြစ်များ

San Mateo 20:24

Ga̱a cuno ꞌó chi̱ꞌ nij síí tucuꞌyón snana̱ Jesús se vaa caꞌmii ro̱j tinu̱j ro̱j soꞌ rihaan Jesús, ne̱ caꞌmaan rá nij soꞌ niꞌya̱j nij soꞌ man ro̱j soꞌ a.

San Marcos 3:5

Ga̱a ne̱ caꞌmaan rá Jesús, ne̱ niꞌya̱j soꞌ man nij síí fariseo yoꞌ a. ꞌO̱ se nanó ndoꞌo rá soꞌ cheꞌé se síí nichra̱j ndoꞌo nimán me nij soꞌ a. Ga̱a ne̱ cataj Jesús rihaan síí nacoo̱ raꞌa yoꞌ a: ―Tu̱cuá so̱ꞌ raꞌá so̱ꞌ á ―taj Jesús a. Ne̱ tucuá soꞌ raꞌa soꞌ, ne̱ cunuu sa̱ꞌ raꞌa soꞌ na̱nj ado̱nj.

San Juan 8:45

’Ne̱ xa̱ꞌ ꞌu̱nj, tza̱j ne̱ cheꞌé se nana̱ ya̱ aꞌmij rihaan soj, cheꞌé dan ne amán rá soj uno soj snana̱j a̱ maꞌ.

Romanos 1:28

Ne caꞌve̱j rá nij yuvii̱ queneꞌe̱n nij yuvii̱ da̱j vaa Yaꞌanj a̱ maꞌ. Cheꞌé dan caꞌneꞌ rá Yaꞌanj ga̱ nij yuvii̱, ne̱ navij raa̱ nij yuvii̱ quiriꞌ na̱nj á. Nda̱a síj, ga̱a ne̱ ina̱nj se nij ꞌyaj nij yuvii̱, ne̱ dan me se ꞌyaj nij soꞌ ina̱nj se naꞌvej rá Yaꞌanj quiꞌya̱j nij soꞌ na̱nj ado̱nj.

Romanos 3:7

Ne̱ vaa taꞌa̱j nij yuvii̱ cata̱j uún a: “Sese aꞌmii ne̱ ꞌu̱nj, ne̱ sa̱ꞌ ꞌyáj, ga̱a ne̱ doj a̱ xca̱j nii cuentá se vaa Yaꞌanj me síí aꞌmii nana̱ ya̱ a. Sa̱ꞌ uxrá vaa Yaꞌanj, cata̱j nii a. Cheꞌé dan me taj cheꞌé cuta̱ꞌ Yaꞌanj cacunꞌ xráj maꞌ.” Da̱nj aꞌmii uún taꞌa̱j nij yuvii̱,

Efesios 4:30

Ne̱ se̱ guun nano̱ rá Nimán Yaꞌanj, quiꞌya̱j soj maꞌ. Cheꞌé se ya̱nj Nimán Yaꞌanj ga̱ soj roꞌ, cheꞌé dan neꞌen ya̱ soj se vaa cavi̱i̱ sa̱ꞌ soj asa̱ꞌ quisíj güii ti̱nanii Yaꞌanj man níꞌ rihaan sayuun ado̱nj.

Hebreos 3:12

Dan me se tu̱mé uxrá soj man soj se̱ gaa na̱nj ga̱a̱ qui̱j nimán ꞌo̱ tuviꞌ soj, ne̱ se̱ caꞌvej rá soꞌ cuchuma̱n rá soꞌ ni̱ꞌyaj soꞌ Yaꞌanj, maan tinu̱j, maan nocoj. Ta̱dó soj se̱ gaa na̱nj ta̱náj xco̱ ꞌo̱ tuviꞌ soj man Yaꞌanj si̱j vaa iꞌna̱ꞌ ya̱ maꞌ.