Hebreos 2:6 - Triqui de San Juan Copala

⁶ Ma̱an se vaa nana̱ no̱ rihaan Danj Yaꞌanj nana̱ caꞌmii ꞌo̱ soꞌ rihaan Yaꞌanj, ne̱ cataj soꞌ a: Taj yuꞌvee nó yuvii̱, ne̱ me cheꞌé nuû rá so̱ꞌ man soꞌ ga̱. Taj yuꞌvee nó taꞌníí yuvii̱, ne̱ me cheꞌé racuíj so̱ꞌ man soꞌ ga̱.

Hebreos 2:6 ပူးပေါင်းရင်းမြစ်များ

San Lucas 1:68

Veꞌé uxrá caꞌmi̱i̱ níꞌ cheꞌé Síí ꞌNi̱j Raꞌa man níꞌ, Taꞌanj níꞌ síí israelitá á. Ese racuíj soꞌ man níꞌ, ne̱ tinanii soꞌ rihaan sayuun man níꞌ nij síí me se‑chuma̱nꞌ soꞌ a.

San Lucas 1:78

Da̱nj quiꞌya̱j Taꞌanj níꞌ cheꞌé nij soꞌ cheꞌé se ꞌe̱e̱ uxrá rá Yaꞌanj man nij soꞌ, ne̱ cheꞌé dan caꞌne̱j soꞌ man Síí Qui̱ꞌnij Raꞌa man nij soꞌ asa̱ꞌ quisíj güii caꞌve̱e cavi̱i̱ sa̱ꞌ níꞌ quiꞌya̱j Yaꞌanj ado̱nj.

San Lucas 7:16

Ga̱a ne̱ caꞌanj rá ta̱ranꞌ nij yuvii̱ se vaa quiꞌyaj Jesús, ga̱a ne̱ veꞌé uxrá caꞌmii nij soꞌ cheꞌé Yaꞌanj cataj nij soꞌ se vaa caꞌnéé Yaꞌanj ꞌo̱ síí nataꞌ snana̱ soꞌ rihaan nij soꞌ a. Ne̱ cataj uún nij soꞌ se vaa caꞌnaꞌ Yaꞌanj ra̱cuíj Yaꞌanj man nij soꞌ si̱j noco̱ꞌ man Yaꞌanj a.

1 Tesalonicenses 4:6

Sese cuno̱ soj nana̱ nihánj, ne̱ se̱ guun soj síí tihaꞌ yuꞌunj man tinúú níꞌ cheꞌé chana̱ maꞌ. ꞌO̱ se a̱j cataj ya̱ núj rihaan soj se vaa quiꞌya̱j Síí ꞌNi̱j Raꞌa man níꞌ sayuun man yuvii̱ tihaꞌ yuꞌunj man tinúú na̱nj ado̱nj.

Hebreos 4:4

Ne̱ vaa nana̱ no̱ rihaan Danj Yaꞌanj nana̱ taj xnaꞌanj cheꞌé güii chi̱j, ne̱ taj nana̱ yoꞌ a: Ne̱ güii chi̱j naránj rá Yaꞌanj cheꞌé yan quisíj quiꞌyaj Yaꞌanj nu̱ꞌ suun quiꞌyaj soꞌ a, taj nana̱ yoꞌ a.

Hebreos 5:6

Ne̱ vaa ꞌó nana̱ uún nana̱ caꞌmii Yaꞌanj rihaan Cristó, ne̱ nana̱ yoꞌ taj a: Xrej mé so̱ꞌ nu̱ꞌ cavii nu̱ꞌ caꞌanj a. Dan me se ase vaa xrej cuꞌna̱j Melquisedec xrej cayáán ga̱a naá roꞌ, da̱nj vaa ma̱ꞌán so̱ꞌ na̱nj á, taj doj nana̱ no̱ rihaan Danj Yaꞌanj nana̱ caꞌmii Yaꞌanj rihaan Cristó a.

1 Pedro 1:11

Dan me se naquiꞌyaj cu̱u uxrá ya̱ nij soꞌ aman caꞌna̱ꞌ síí caꞌne̱j Yaꞌanj rihaan chumii̱ a. ꞌO̱ se nica̱j yuꞌunj Nimán Cristó man nij soꞌ, ne̱ maꞌa̱n Nimán Cristó cataj xnaꞌanj rihaan nij soꞌ da̱j quira̱nꞌ maꞌa̱n Cristó asa̱ꞌ caꞌnaꞌ soꞌ do̱ꞌ, cheꞌé suun niꞌndaj ya̱ sa̱ꞌ caꞌna̱ꞌ asa̱ꞌ quisíj quiranꞌ soꞌ sayuun do̱ꞌ a.