Hebreos 13:10 - Triqui de San Juan Copala

¹⁰ Dan me se ase vaa síí nicu̱nꞌ mesá altar rihaan, ne̱ ma̱n rasu̱u̱n sa̱ꞌ rihaan ꞌyaj Yaꞌanj roꞌ, da̱nj vaa níꞌ chugua̱nj. Ne̱ o̱rúnꞌ níꞌ me síí no̱ xcúún cha̱ rasu̱u̱n ta̱j rihaan mesá altar yoꞌ ado̱nj. Ne̱ nij síí ꞌyaj suun cheꞌé tucuáán nga̱ tucuáán noco̱ꞌ nii rá nuvií noco̱o roꞌ, ne nó xcúún nij soꞌ cha̱ nij soꞌ nij rasu̱u̱n sa̱ꞌ ta̱j rihaan se‑mesa̱ níꞌ a̱ maꞌ.

Hebreos 13:10 ပူးပေါင်းရင်းမြစ်များ

1 Corintios 10:20

Ina̱nj me rá ꞌu̱nj cata̱j ꞌu̱nj se vaa nee̱ utaꞌ nii rihaan yaꞌanj quiꞌyaj maꞌa̱n yuvii̱ roꞌ, né Yaꞌa̱nj me síí rqué nii nee̱ yoꞌ rihaan maꞌ. Ma̱an se rihaan nana̱ chre̱e rqué nii nee̱ yoꞌ na̱nj ado̱nj. Ne̱ naꞌvej raj gu̱un tuvi̱ꞌ soj ga̱ nij nana̱ chre̱e maꞌ.

1 Corintios 9:13

Neꞌen soj se vaa nij síí ꞌyaj suun rihaan Yaꞌanj rque nuvií noco̱o roꞌ, chá nij soꞌ taꞌa̱j rasu̱u̱n ꞌanj nica̱j yuvii̱ rque nuvií yoꞌ a. Ne̱ nij síí racuíj man yuvii̱ rqué rasu̱u̱n rihaan Yaꞌanj roꞌ, chá maꞌa̱n nij soꞌ taꞌa̱j rasu̱u̱n yoꞌ, ne̱ dan me se no̱ xcúún nij soꞌ cha̱ nij soꞌ rasu̱u̱n yoꞌ ado̱nj.

Hebreos 8:5

Ne̱ nij xrej ma̱n rihaan chumii̱ nihánj roꞌ, ne ꞌyaj suun nij soꞌ ga̱ maꞌa̱n nij rasu̱u̱n ma̱n rej xta̱ꞌ maꞌ. Ma̱an se ase vaa se tinanga̱ꞌ u̱u̱n do̱ꞌ, ase vaa scachu̱nꞌ nij rasu̱u̱n ma̱n rej xta̱ꞌ do̱ꞌ, vaa suun ꞌyaj suun nij soꞌ na̱nj ado̱nj. Cheꞌé dan me asi̱j caꞌneꞌ Yaꞌanj suun rihaan síí cuꞌna̱j Moisés cune̱ꞌ soꞌ nuvií mantá xi̱j nuvií cara̱a̱ gue̱e̱ nij yuvii̱ israelitá rihaan Yaꞌanj, ne̱ nagoꞌ soꞌ chrej rihaan Moisés da̱j quiꞌya̱j soꞌ, cataj soꞌ a: “Xca̱j so̱ꞌ cuentá se vaa ase vaa nuvií tihaán ꞌu̱nj rihaan so̱ꞌ raa̱ quij roꞌ, da̱nj ga̱a̱ gue̱e̱ nuvií cune̱ꞌ so̱ꞌ á”, taj Yaꞌanj rihaan Moisés a.