Hebreos 10:5 - Triqui de San Juan Copala

⁵ Cheꞌé dan caꞌnaꞌ Cristó rihaan chumii̱ nihánj, ne̱ caꞌmii soꞌ rihaan Yaꞌanj, cataj soꞌ a: Taj se uun xcuu rque̱ yuvii̱ cavi̱ꞌ rihaan so̱ꞌ a̱ maꞌ. Taj se uun nu̱ꞌ rasu̱u̱n rque̱ yuvii̱ rihaan so̱ꞌ a̱ maꞌ. Tza̱j ne̱ nee̱ manj roꞌ, vaa se uun rihaan so̱ꞌ, ne̱ cheꞌé dan quiꞌyáá so̱ꞌ nee̱ manj ado̱nj.

Hebreos 10:5 ပူးပေါင်းရင်းမြစ်များ

San Mateo 11:3

Ne̱ nana̱ nihánj roꞌ, xnáꞌanj ro̱j soꞌ man Jesús, quiꞌyaj síí cuꞌna̱j Juan a: ―So̱ꞌ me Síí Caꞌna̱ꞌ Ti̱nanii man Yuvii̱ rihaan Sayuun naꞌ. Ase na̱ꞌvi̱j níꞌ caꞌna̱ꞌ ꞌó soꞌ xa̱ꞌ ―taj ro̱j soꞌ a.

San Lucas 1:35

Ga̱a ne̱ cataj se‑mo̱zó Yaꞌanj rihaan Mariá a: ―Nani̱j Nimán Yaꞌanj catu̱u̱ soꞌ nimán so̱ꞌ, ne̱ ca̱ráán se‑nucua̱j Yaꞌanj Si̱j Uun Chij Doj mán so̱ꞌ ga̱ scachu̱nꞌ soꞌ, ne̱ cheꞌé dan cuchru̱j so̱ꞌ neꞌej sa̱ꞌ ina̱nj rihaan Yaꞌanj, ne̱ Taꞌníí Yaꞌanj me neꞌej cuchru̱j so̱ꞌ, cata̱j yuvii̱ a.

San Lucas 7:19

ga̱a ne̱ caꞌnéé soꞌ man ro̱j soꞌ cuchi̱ꞌ ro̱j soꞌ rihaan Jesús Si̱j ꞌNi̱j Raꞌa man níꞌ a. Ne̱ nana̱ nihánj roꞌ, xna̱ꞌanj ro̱j soꞌ man Jesús, taj Juan rihaan ro̱j soꞌ a: “So̱ꞌ me Síí Caꞌna̱ꞌ Ti̱nanii man Yuvii̱ rihaan Sayuun naꞌ. Ase na̱ꞌvi̱j níꞌ caꞌna̱ꞌ ꞌó soꞌ xa̱ꞌ.” Dan me nana̱ me rá Juan xna̱ꞌanj ro̱j soꞌ man Jesús a.

San Juan 1:14

Ga̱a ne̱ guun snana̱ Yaꞌanj yoꞌ yuvii̱, ne̱ cayáán soꞌ scaꞌnúj níꞌ, ne̱ queneꞌen núj se vaa niꞌndaj ya̱ sa̱ꞌ veꞌé vaa soꞌ, cheꞌé se o̱rúnꞌ Taꞌníí Rej soꞌ Yaꞌanj me soꞌ a. Ne̱ soꞌ me se uxrá ꞌyaj soꞌ se lu̱j do̱ꞌ, aꞌmii soꞌ nana̱ ya̱ do̱ꞌ ado̱nj.

Gálatas 4:4

Tza̱j ne̱ ga̱a quisíj güii a̱j narii Yaꞌanj asi̱j naá, ne̱ caꞌnéé Yaꞌanj Taꞌníí soꞌ caꞌnaꞌ Taꞌníí soꞌ rihaan chumii̱ nihánj, ne̱ cuchruj ꞌo̱ chana̱ man Taꞌníí Yaꞌanj, ne̱ síí noco̱ꞌ stucua̱nj Moisés me nu̱ꞌ nij tuvi̱ꞌ soꞌ ga̱a cayáán soꞌ rihaan chumii̱ nihánj ado̱nj.

1 Timoteo 3:16

Neꞌen cunuda̱nj níꞌ se vaa noco̱o uxrá vaa nana̱ sa̱ꞌ yuve̱ tihaa̱n naca̱ Yaꞌanj man níꞌ nana̱ canocoꞌ níꞌ, ne̱ nihánj me nana̱ yoꞌ a: Curiha̱nj Yaꞌanj rihaan chumii̱, ne̱ guun soꞌ yuvii̱ a. Veꞌé ndoꞌo quiꞌyaj soꞌ, cataj Nimán Yaꞌanj a. Queneꞌen nij se‑mo̱zó Yaꞌanj man soꞌ a. Nataꞌ nii cheꞌé soꞌ rihaan nij yuvii̱ yaníj a. Cuchumán rá taꞌa̱j nij síí ma̱n rihaan chumii̱ nihánj niꞌya̱j nij soꞌ man soꞌ a. Quinanꞌ soꞌ xta̱ꞌ, ne̱ niꞌndaj ya̱ veꞌé nacaj nij síí ma̱n xta̱ꞌ man soꞌ a. Yoꞌ me nana̱ noco̱ꞌ níꞌ a.

Hebreos 1:6

Ne̱ ꞌó nana̱ taj se vaa, ga̱a nica̱j Yaꞌanj man Taꞌníí soꞌ síí chava̱ꞌ caꞌnaꞌ soꞌ rihaan chumii̱, taj soꞌ a: Cara̱a̱ gue̱e̱ cunuda̱nj nij se‑mo̱zó Yaꞌanj rihaan soꞌ á.

Hebreos 10:10

Ne̱ cheꞌé se yu̱u̱n cheꞌe̱ nagoꞌ Jesucristó man maꞌa̱n soꞌ rihaan Yaꞌanj nda̱a vaa guun rá Yaꞌanj quiꞌya̱j soꞌ roꞌ, cheꞌé dan a̱j cunuu sa̱ꞌ nimán níꞌ rihaan Yaꞌanj ado̱nj.

Hebreos 10:7

Dan me se cataj ꞌu̱nj a: “Veé ꞌu̱nj nicunꞌ rihaan so̱ꞌ na̱nꞌ. Rihaan dáán so̱ꞌ yanj libró nó nana̱ aꞌmii cheꞌé ꞌu̱nj, se vaa qui̱ꞌyáá ꞌu̱nj nu̱ꞌ se vaa me rá so̱ꞌ qui̱ꞌyáj, Ata̱j”, taj ꞌu̱nj rihaan so̱ꞌ a. Da̱nj taj nana̱ no̱ rihaan Danj Yaꞌanj, nana̱ caꞌmii maꞌa̱n Cristó rihaan Yaꞌanj a.

Hebreos 10:8

Dan me se cataj soꞌ se vaa xcuu rqué yuvii̱ rihaan Yaꞌanj do̱ꞌ, ꞌnúú rqué yuvii̱ rihaan Yaꞌanj do̱ꞌ, xcuu acaa nu̱ꞌ do̱ꞌ, rasu̱u̱n rqué yuvii̱ cheꞌé cacunꞌ do̱ꞌ, taj se uun rihaan Yaꞌanj maꞌ. Ne̱ ne niha̱ꞌ rá Yaꞌanj ni̱ꞌyaj Yaꞌanj rasu̱u̱n yoꞌ nda̱ꞌ se taj stucua̱nj Moisés se vaa no̱ xcúún yuvii̱ quiꞌya̱j yuvii̱ da̱nj na̱nj ado̱nj.

Hebreos 2:14

Dan me se cheꞌé se vaa nee̱ vaa ton man níꞌ si̱j taꞌníí Yaꞌanj roꞌ, cheꞌé dan ase vaa maꞌa̱n níꞌ roꞌ, da̱nj gaa gue̱e̱ Jesús, ne̱ caꞌnaꞌ soꞌ, ne̱ caviꞌ soꞌ a. Ne̱ ga̱a caviꞌ soꞌ me se quiꞌyaj canaán soꞌ rihaan síí ꞌyaj aviꞌ níꞌ a. Dan me se Síí Chre̱e me síí ꞌyaj aviꞌ níꞌ, ne̱ Jesús me síí caꞌvee quiꞌyaj canaán cheꞌé yan tiri̱ꞌ soꞌ man Síí Chre̱e ado̱nj.

Hebreos 5:7

Dan me se ga̱a chéé Jesús rihaan chumii̱ nihánj, ne̱ nacúún soꞌ rihaan Yaꞌanj ne̱ cachíín niꞌya̱j uxrá soꞌ se vaa ti̱nanii Yaꞌanj man soꞌ se̱ caviꞌ soꞌ, ne̱ cheꞌé dan nda̱a taꞌvee maꞌa̱n soꞌ a. Cheꞌé se si̱j aráj cochro̱j ya̱ rihaan Yaꞌanj me soꞌ, cheꞌé dan cuno ya̱ Yaꞌanj caꞌmii soꞌ,

Hebreos 8:3

ꞌO̱ se ta̱ranꞌ nij xrej ata̱ suun noco̱o doj ma̱n rihaan chumii̱ nihánj roꞌ, no̱ xcúún nij soꞌ rque̱ nij soꞌ rasu̱u̱n do̱ꞌ, xcuu caca̱a̱ do̱ꞌ, rihaan Yaꞌanj ado̱nj. Cheꞌé dan me nij soꞌ xrej ado̱nj. Cheꞌé dan no̱ xcúún Jesús rque̱ uún soꞌ ꞌo̱ rasu̱u̱n rihaan Yaꞌanj na̱nj á.

1 Pedro 2:24

Cacunꞌ tumé níꞌ roꞌ, nataꞌ xráá Cristó ga̱a caviꞌ soꞌ rihaan rcutze̱, cheꞌé rej caꞌne̱ꞌ rá níꞌ ga̱ suun ꞌyaj cacunꞌ ne̱ ina̱nj tucuáán sa̱ꞌ canoco̱ꞌ níꞌ a. Ne̱ cheꞌé se goꞌ nii cuartá xráá soꞌ roꞌ, cheꞌé dan nahuun sa̱ꞌ nimán soj a.

2 Juan 1:7

ꞌO̱ se ya̱j me se curiha̱nj ndoꞌo nij síí tihaꞌ yuꞌunj rihaan chumii̱ nihánj, ne̱ cataj nij soꞌ se vaa né si̱j guun yuvii̱ me Jesucristó a. Síí aꞌmii da̱nj me se síí tihaꞌ yuꞌunj aꞌmii nana̱ ne̱ do̱ꞌ, síí ta̱j riꞌyunj man Cristó do̱ꞌ, me soꞌ a.