Hebreos 10:11 - Triqui de San Juan Copala

¹¹ Ne̱ xa̱ꞌ ta̱ranꞌ nij xrej, tza̱j ne̱ ꞌo̱ nicunꞌ nij soꞌ ꞌyaj nij soꞌ se‑su̱u̱n Yaꞌanj da̱j a̱ güii, ne̱ na̱nj xcuu do̱ꞌ, ꞌnúú do̱ꞌ, rqué nij soꞌ rihaan Yaꞌanj, tza̱j ne̱ taj se qui̱ꞌyáꞌ xꞌne̱e̱ cacunꞌ xráá yuvii̱ quiꞌya̱j rasu̱u̱n yoꞌ maꞌ.

Hebreos 10:11 ပူးပေါင်းရင်းမြစ်များ

Hebreos 10:1

ꞌO̱ se ase vaa nij se sa̱ꞌ queneꞌe̱n níꞌ rej riha̱a̱n vaa stucua̱nj Moisés, tza̱j ne̱ né maꞌa̱n nij se sa̱ꞌ yoꞌ me tucuáán yoꞌ maꞌ. ꞌO̱ se ticaviꞌ nii man xcuu, ne̱ rqué nii xcuu yoꞌ rihaan Yaꞌanj, ne̱ ina̱nj da̱nj ꞌyaj nii ꞌo̱ ꞌo̱ yoꞌ na̱nj ado̱nj. Dan me se taj güii ꞌo̱ cunu̱u sa̱ꞌ ya̱ nij síí rqué rasu̱u̱n yoꞌ rihaan Yaꞌanj maꞌ.

Hebreos 10:4

ꞌO̱ se taj se qui̱ꞌyáꞌ navi̱j cacunꞌ tumé yuvii̱ quiꞌya̱j ton man scúj toró do̱ꞌ, ton man tana do̱ꞌ a̱ maꞌ.

Hebreos 5:1

ꞌO̱ se xa̱ꞌ nij xrej ata̱ suun noco̱o doj xrej narii nii scaꞌnúj nij yuvii̱, tza̱j ne̱ ata̱ nij soꞌ suun se vaa ra̱cuíj nij soꞌ man yuvii̱ me rá cunu̱u sa̱ꞌ rihaan Yaꞌanj ado̱nj. Dan me se racuíj nij soꞌ man nij yuvii̱ rque̱ yuvii̱ xcuu caca̱a̱ rihaan Yaꞌanj cheꞌé cacunꞌ tumé nij yuvii̱ a.

Hebreos 7:27

Ne̱ nij xrej ata̱ suun noco̱o doj ma̱n rihaan chumii̱ nihánj roꞌ, ꞌo̱ ꞌo̱ güii nó xcúún nij soꞌ caxri̱i̱ yaꞌan nij soꞌ xcuu rihaan Yaꞌanj cheꞌé cacunꞌ tumé maꞌa̱n nij soꞌ asino ya̱a̱n, ga̱a ne̱ caxri̱i̱ yaꞌan uún nij soꞌ xcuu rihaan Yaꞌanj cheꞌé cacunꞌ tumé nij yuvii̱ na̱nj chugua̱nj. Tza̱j ne̱ Jesús me se ne nó xcúún soꞌ quiꞌya̱j soꞌ da̱nj maꞌ. ꞌO̱ se xa̱ꞌ soꞌ, tza̱j ne̱ caꞌnéé nimán maꞌa̱n soꞌ cavi̱ꞌ soꞌ cheꞌé cacunꞌ tumé níꞌ na̱nj ado̱nj. Taj cheꞌé cavi̱ꞌ uún soꞌ cheꞌé níꞌ maꞌ.

Hebreos 8:2

ne̱ nu̱u̱ soꞌ rihaan Yaꞌanj rá nuvií gue̱e̱ ya̱nj rej xta̱ꞌ, ne̱ né ꞌo̱ nuvií cuneꞌ yuvii̱ u̱u̱n me nuvií yoꞌ maꞌ. ꞌO̱ se nuvií cuneꞌ maꞌa̱n Síí ꞌNi̱j Raꞌa man níꞌ me nuvií yoꞌ ado̱nj.

Hebreos 8:4

Dan me se sese si̱j ma̱n rihaan chumii̱ nihánj me Jesús, ne̱ se̱ caꞌvee gu̱un soꞌ xrej maꞌ. ꞌO̱ se rihaan chumii̱ nihánj ma̱n xrej rqué rasu̱u̱n rihaan Yaꞌanj nda̱a vaa taj stucua̱nj Moisés na̱nj á.