Hebreos 1:1 - Triqui de San Juan Copala

¹ Nataꞌ uxrá Yaꞌanj snana̱ soꞌ rihaan nij síí nataꞌ snana̱ Yaꞌanj ga̱a naá, ne̱ nataꞌ nij soꞌ nana̱ yoꞌ rihaan nij xi̱i níꞌ nij síí cumán ga̱a naá a. Dan me se do̱ꞌ do̱ꞌ cataj xnaꞌanj Yaꞌanj snana̱ soꞌ rihaan nij síí nataꞌ yoꞌ, ne̱ ino̱ vaa tihaa̱n ꞌo̱ ꞌo̱ nij soꞌ rihaan nij xi̱i níꞌ da̱j taj Yaꞌanj a.

Hebreos 1:1 ပူးပေါင်းရင်းမြစ်များ

San Lucas 1:55

Da̱nj cataj soꞌ rihaan nij xi̱i níꞌ síí cuꞌna̱j Abraham síí cayáán ga̱a naá ga̱ nij taꞌníí taꞌnij siꞌno̱ soꞌ nu̱ꞌ cavii nu̱ꞌ caꞌanj a. Nu̱ꞌ nana̱ nihánj me nana̱ cataj Mariá a.

San Lucas 1:72

Dan me se cunuu ꞌe̱e̱ rá soꞌ man xi̱i níꞌ, ne̱ ꞌo̱ nuû rá soꞌ nana̱ gue̱e̱ se vaa cataꞌ tuꞌva soꞌ se vaa quiꞌya̱j soꞌ cheꞌé níꞌ do̱ꞌ a.

San Lucas 24:27

Ga̱a ne̱ dan me se guun cheꞌe̱ soꞌ caꞌmii soꞌ cheꞌé snana̱ síí cuꞌna̱j Moisés do̱ꞌ, cheꞌé snana̱ cunuda̱nj nij síí nataꞌ snana̱ Yaꞌanj do̱ꞌ, ga̱a ne̱ cataj xnaꞌanj soꞌ rihaan ro̱j soꞌ da̱j taj nu̱ꞌ Danj Yaꞌanj cheꞌé maꞌa̱n soꞌ a.

San Lucas 24:44

Ga̱a ne̱ cataj soꞌ rihaan nij soꞌ a: ―Nihánj me nana̱ caꞌmii ꞌu̱nj rihaan nij soj ga̱a va̱j ꞌu̱nj ga̱ soj, se vaa cataj ꞌu̱nj vaa cheꞌé quisi̱j ya̱ nu̱ꞌ nana̱ aꞌmii cheꞌé ꞌu̱nj nana̱ no̱ rihaan yanj no̱ stucua̱nj Moisés do̱ꞌ, yanj no̱ snana̱ nij síí nataꞌ snana̱ Yaꞌanj ga̱a naá do̱ꞌ, yanj no̱ nij chraꞌ salmó do̱ꞌ a ―taj soꞌ rihaan nij soꞌ a.

San Juan 16:13

Tza̱j ne̱ asa̱ꞌ caꞌnaꞌ Nimán Yaꞌanj yoꞌ, ne̱ tu̱cuꞌyón soꞌ nu̱ꞌ nana̱ ya̱ rihaan soj na̱nj ado̱nj. ꞌO̱ se si̱j aꞌmii ina̱nj nana̱ ya̱ me soꞌ ado̱nj. ꞌO̱ se se̱ caꞌmii soꞌ nana̱ cavi̱i̱ raa̱ soꞌ maꞌ. Tana̱nj caꞌmi̱i̱ soꞌ ina̱nj nana̱ cata̱j xnaꞌanj Yaꞌanj cuno̱ soꞌ, ne̱ dan me se cata̱j xnaꞌanj soꞌ cheꞌé se vaa caꞌna̱ꞌ rihaan soj rej rihaan soj na̱nj ado̱nj.

San Juan 7:22

Dan me se ya̱ uxrá cataj xnaꞌanj Moisés rihaan níꞌ se vaa caꞌne̱ꞌ níꞌ taꞌngaꞌ man snóꞌo cheꞌé rej caꞌve̱e cunu̱u sa̱ꞌ níꞌ rihaan Yaꞌanj ado̱nj. Tza̱j ne̱ né tucua̱nj cuchruj maꞌa̱n Moisés me yoꞌ maꞌ. ꞌO̱ se stucua̱nj xi̱i níꞌ nij síí ma̱n ga̱a naá me yoꞌ ado̱nj. Ne̱ nda̱a güii naránj rá aꞌneꞌ soj taꞌngaꞌ man snóꞌo ado̱nj.

San Juan 9:29

Neꞌen núj se vaa caꞌmii maꞌa̱n Yaꞌanj ga̱ síí cuꞌna̱j Moisés, tza̱j ne̱ ne neꞌen núj me rej cavii síí caꞌmii ga̱ so̱ꞌ a̱ maꞌ ―taj nij soꞌ rihaan síí naxraꞌ rihaan yoꞌ a.

Hechos 13:32

’Ne̱ nihánj me se nataꞌ núj nana̱ sa̱ꞌ rihaan nij soj se vaa a̱j quiꞌyaj Yaꞌanj nu̱ꞌ nda̱a vaa cataꞌ tuꞌva soꞌ rihaan xi̱i níꞌ ga̱a naá a.

Hechos 2:30

Tza̱j ne̱ síí nataꞌ snana̱ Yaꞌanj me David, ne̱ neꞌen soꞌ da̱j cataꞌ tuꞌva Yaꞌanj se vaa scaꞌnúj taꞌníí taꞌnij siꞌno̱ soꞌ roꞌ, naxuma̱a̱n Síí Caꞌne̱j Yaꞌanj Ti̱nanii man Yuvii̱ rihaan Sayuun, ne̱ gu̱un chij soꞌ da̱j se vaa guun chij maꞌa̱n David a.

Hechos 28:23

Dan me se cachrón nij soꞌ güii caꞌna̱ꞌ uún nij soꞌ veꞌ ya̱nj Pabló, ne̱ güii yoꞌ me se caꞌnaꞌ queꞌe̱e̱ tuviꞌ nij soꞌ a. Ga̱a ne̱ nataꞌ Pabló rihaan nij soꞌ cheꞌé da̱j vaa uun chij Yaꞌanj a. Caꞌmii soꞌ cheꞌé stucua̱nj Moisés do̱ꞌ, cheꞌé nana̱ cachrón nij síí nataꞌ snana̱ Yaꞌanj ga̱a naá do̱ꞌ, cheꞌé se me ndoꞌo rá soꞌ gu̱un ya̱ rá nij soꞌ se vaa nana̱ cheꞌé Jesús me nana̱ ya̱ a. Dan me se asi̱j naꞌya̱a̱n guun cheꞌe̱ soꞌ caꞌmii soꞌ rihaan nij soꞌ, ne̱ nda̱a caꞌanj güii navij caꞌmii soꞌ ga̱ nij soꞌ a.

Hechos 3:21

Cuano̱ nihánj me se vaa cheꞌé ca̱yáán soꞌ rej xta̱ꞌ nda̱a se quisi̱j güii naquiꞌya̱j sa̱ꞌ Yaꞌanj nu̱ꞌ nij rasu̱u̱n nda̱a rá se vaa nij rasu̱u̱n asi̱j naá ndoꞌo nda̱a vaa cataj xnaꞌanj nij síí sa̱ꞌ síí nataꞌ snana̱ Yaꞌanj ga̱a naá a.

Hebreos 11:18

Dan me se cataj xnaꞌanj Yaꞌanj rihaan Abraham se vaa cuma̱n ndoꞌo taꞌníí taꞌnij siꞌno̱ Abraham quiꞌya̱j Isaac yoꞌ a.

Hebreos 11:2

Ne̱ nij síí ma̱n ga̱a naá roꞌ, amán rá nij soꞌ niꞌya̱j nij soꞌ Yaꞌanj, ne̱ cheꞌé dan caranꞌ rá Yaꞌanj niꞌya̱j Yaꞌanj man nij soꞌ ado̱nj.

Hebreos 12:25

Ta̱dó uxrá soj se̱ nachriꞌ soj ni̱ꞌyaj soj man Yaꞌanj si̱j narqué chrej sa̱ꞌ man soj maꞌ. ꞌO̱ se nij síí ne caꞌve̱j rá cuno̱ rihaan síí cataj xnaꞌanj snana̱ Yaꞌanj rihaan nij soꞌ rihaan chumii̱ nihánj ga̱a naá me se ne nani̱i̱ nij soꞌ maꞌ. Táá a̱ níꞌ si̱j ma̱n cuano̱, ne̱ aꞌmii síí nicu̱nꞌ rej xta̱ꞌ rihaan níꞌ, ne̱ sese nachri̱ꞌ níꞌ ni̱ꞌyaj níꞌ síí narqué chrej man níꞌ, ne̱ daj chiha̱a̱ míj se̱ nanii níꞌ a̱ maꞌ.

Hebreos 2:2

ꞌO̱ se ya̱ uxrá vaa snana̱ Yaꞌanj nana̱ cataj xnaꞌanj nij se‑mo̱zó Yaꞌanj rihaan síí cuꞌna̱j Moisés ga̱a naá na̱nj á. Tza̱j ne̱ nica̱ ya̱ quiꞌyaj Yaꞌanj sayuun man ꞌo̱ ꞌo̱ nij yuvii̱ ne cuno̱ nana̱ yoꞌ chugua̱nj.

Hebreos 2:3

Cheꞌé dan, asa̱ꞌ caꞌve̱e nani̱i̱ maꞌa̱n níꞌ rihaan sayuun ne̱ cavi̱i̱ sa̱ꞌ níꞌ, sese se̱ xcaj sa̱ꞌ níꞌ cuentá cheꞌé chrej sa̱ꞌ chrej quiꞌyaj naca̱ Yaꞌanj nani̱i̱ níꞌ rihaan sayuun, rá soj ga̱. Dan me se asino maꞌa̱n Síí ꞌNi̱j Raꞌa man níꞌ me síí cuchruj chrej sa̱ꞌ yoꞌ, ga̱a ne̱ nij síí cuno nana̱ caꞌmii soꞌ roꞌ, cataj xnaꞌanj nij soꞌ snana̱ soꞌ nana̱ sa̱ꞌ yoꞌ rihaan níꞌ, ne̱ nariꞌ sa̱ꞌ níꞌ nana̱ yoꞌ, quiꞌyaj nij soꞌ ado̱nj.

Hebreos 3:5

Ne̱ Moisés me se veꞌé ya̱ quiꞌyaj soꞌ nu̱ꞌ suun caꞌneꞌ Yaꞌanj rihaan soꞌ ado̱nj. Tza̱j ne̱ na̱nj mozó me soꞌ rihaan nij yuvii̱ tucua̱ Yaꞌanj, ne̱ cataj xnaꞌanj soꞌ rihaan nij yuvii̱ cheꞌé nij nana̱ nata̱ꞌ Yaꞌanj rihaan nij yuvii̱ rej rihaan nij yuvii̱ ado̱nj.

Hebreos 4:8

Ne̱ cheꞌé se ne nara̱a̱n rá nij síí cumán ga̱a naá, quiꞌyaj síí cuꞌna̱j Josué roꞌ, cheꞌé dan me cachén ndoꞌo güii, ga̱a ne̱ caꞌmii David cheꞌé ꞌó güii canoco̱ꞌ yuvii̱ man Yaꞌanj, ne̱ nara̱a̱n rá nij yuvii̱ ga̱ Yaꞌanj ado̱nj.

Hebreos 5:5

Ne̱ ase vaa quiranꞌ síí cuꞌna̱j Aarón roꞌ, da̱nj quiranꞌ Cristó chugua̱nj. Ne cune̱ꞌ soꞌ man maꞌa̱n soꞌ se vaa cavi̱i̱ sa̱ꞌ soꞌ gu̱un soꞌ xrej ata̱ suun noco̱o doj maꞌ. ꞌO̱ se Yaꞌanj cuneꞌ man soꞌ, cataj Yaꞌanj a: Taꞌníj mé so̱ꞌ á. Cuano̱ nihánj me se queneꞌe̱n yuvii̱ se vaa taꞌníj mé so̱ꞌ qui̱ꞌyáj na̱nj á, taj nana̱ no̱ rihaan Danj Yaꞌanj nana̱ caꞌmii Yaꞌanj rihaan Cristó a.

Hebreos 9:19

Dan me se quisíj cataj xnaꞌanj síí cuꞌna̱j Moisés rihaan nij yuvii̱ ꞌo̱ ꞌo̱ nij suun caꞌneꞌ Yaꞌanj rihaan nij yuvii̱ suun no̱ rihaan tucuáán cuchruj Yaꞌanj a. Ga̱a ne̱ nica̱j soꞌ ton man scúj leꞌe̱j nica̱j soꞌ ton man tana nica̱j soꞌ na nica̱j soꞌ cachij matzinj cachij mare̱e nica̱j soꞌ coj cuꞌna̱j hisopo nica̱j soꞌ, ga̱a ne̱ tamanꞌ soꞌ ton yoꞌ rihaan yanj no̱ stucua̱nj Yaꞌanj do̱ꞌ, rihaan ta̱ranꞌ nij yuvii̱ do̱ꞌ ado̱nj.