Gálatas 5:9 - Triqui de San Juan Copala

⁹ Neꞌen nij soj se vaa levadura se ꞌyaj naraa nana̱ rque rachrúún, me se do̱j tzínꞌ yoꞌ araa nii rque cunj, tza̱j ne̱ naraa nana̱ rque cunuda̱nj cunj, ꞌyaj yoꞌ a. Ne̱ ase vaa levadura roꞌ, taꞌngaꞌ da̱nj vaa nana̱ ne̱ uno soj ado̱nj.

Gálatas 5:9 ပူးပေါင်းရင်းမြစ်များ

San Mateo 13:33

Ne̱ nihánj me ꞌó cuentó nanó Jesús rihaan nij yuvii̱ a: ―Dan me se nuchru̱j ra̱a̱ níꞌ cheꞌé ꞌo̱ chana̱ caxríj se cuꞌna̱j levadura se ꞌyaj naraa nana̱ rque rachrúún a. Dan me se ase vaa ꞌo̱ chana̱, ne̱ cuxraꞌ taꞌa̱j noꞌ ꞌo̱ vaꞌnu̱j ya̱ agaꞌ yoꞌóó hariná, ne̱ caxríj ndoꞌo noꞌ se cuꞌna̱j levadura, ne̱ caxríj yuve̱ noꞌ man yoꞌ nda̱a navij naraa ndoꞌo nana̱ rque yoꞌ a. Ase vaa naꞌmanꞌ cunj hariná quiꞌyaj levadura roꞌ, da̱nj ga̱a̱ gu̱un noco̱o xꞌneꞌ nij yuvii̱ uun chij Yaꞌanj rihaan ado̱nj ―taj Jesús rihaan nij soꞌ a.

San Mateo 23:33

’Ase vaa xcuáá yuva̱a̱ vaa soj, ne̱ taj se qui̱ꞌyáꞌ nani̱i̱ soj rihaan sayuun quiꞌya̱j Yaꞌanj man soj maꞌ. Caca̱a̱ soj rihaan yaꞌan ado̱nj.

San Marcos 8:15

Ga̱a ne̱ caꞌneꞌ Jesús suun rihaan nij soꞌ a: ―Tu̱mé soj man soj se̱ gaa na̱nj quira̱nꞌ soj sayuun, quiꞌya̱j se‑le̱vadura nij síí fariseo do̱ꞌ, se‑le̱vadura Herodes do̱ꞌ á ―taj Jesús a.

San Lucas 12:1

Dan me se cunuu chre̱ꞌ queꞌe̱e̱ míj yuvii̱ rej va̱j Jesús, ne̱ uxrá chru̱j mán nij soꞌ, ne̱ nda̱a tiguíj tuviꞌ maꞌa̱n nij soꞌ a. Ga̱a ne̱ guun cheꞌe̱ Jesús caꞌmii soꞌ asino ya̱a̱n ga̱ nij síí tucuꞌyón snana̱ soꞌ, cataj soꞌ a: ―Tu̱mé soj man soj se̱ gaa na̱nj quira̱nꞌ soj sayuun, quiꞌya̱j nana̱ nucuiꞌ rá aꞌmii nij síí fariseo á. ꞌO̱ se ase ꞌyaj se cuꞌna̱j levadura se ꞌyaj naraa nana̱ rque rachrúún ꞌyaj snana̱ nij soꞌ ado̱nj.

San Lucas 13:21

Dan me se naquiꞌya̱j níꞌ ꞌo̱ chana̱ caxríj se cuꞌna̱j levadura se ꞌyaj naraa nana̱ rque cunj hariná ga̱a ꞌyaj noꞌ rachrúún a. Dan me se ase vaa ꞌo̱ chana̱, ne̱ cuxraꞌ taꞌa̱j noꞌ ꞌo̱ vaꞌnu̱j ya̱ agaꞌ yoꞌóó hariná, ne̱ caxríj ndoꞌo noꞌ levadura, ne̱ caxríj yuve̱ noꞌ man yoꞌ nda̱a navij naraa ndoꞌo nana̱ rque yoꞌ a. Ase vaa naꞌmanꞌ cunj hariná quiꞌyaj levadura roꞌ, da̱nj ga̱a̱ gu̱un noco̱o xꞌneꞌ nij yuvii̱ uun chij Yaꞌanj rihaan ado̱nj ―taj Jesús rihaan nij yuvii̱ a.

1 Corintios 15:33

Caꞌne̱ꞌ rá soj ga̱ suun tihaꞌ yuꞌunj man maꞌa̱n na̱nj á. Nda̱ꞌ se sa̱ꞌ vaa nimán soj, tza̱j ne̱ sese cache̱e̱ soj ga̱ síí chiꞌi̱i̱, ne̱ nu̱u chiꞌi̱i̱ nimán soj, quiꞌya̱j nij soꞌ ado̱nj.

2 Timoteo 2:17

Ase vaa nuu yanuu nee̱ man yuvii̱ roꞌ, da̱nj quira̱nꞌ nij síí cuno nana̱ aꞌmii nij soꞌ, ne̱ nij doj quira̱nꞌ nij yuvii̱ uno nana̱ avii tuꞌva nij soꞌ ado̱nj. Vi̱j nij soꞌ me síí cuꞌna̱j Himeneo do̱ꞌ, síí cuꞌna̱j Fileto do̱ꞌ chugua̱nj.