Gálatas 5:22 - Triqui de San Juan Copala

²² Tza̱j ne̱ sese ina̱nj rihaan Nimán Yaꞌanj cuno̱ níꞌ, ne̱ ga̱a̱ ꞌe̱e̱ rá níꞌ tuviꞌ níꞌ do̱ꞌ, gu̱un niha̱ꞌ ya̱ rá nimán níꞌ do̱ꞌ, ga̱a̱ xe̱j nimán níꞌ do̱ꞌ, ga̱a̱ ina̱j nimán níꞌ do̱ꞌ, veꞌé quiꞌya̱j níꞌ rihaan yuvii̱ do̱ꞌ, ga̱a̱ sa̱ꞌ nimán níꞌ do̱ꞌ, ꞌo̱ cuchuma̱n rá níꞌ do̱ꞌ,

Gálatas 5:22 ပူးပေါင်းရင်းမြစ်များ

San Mateo 12:33

’Sese sa̱ꞌ vaa ꞌo̱ chruun, ne̱ sa̱ꞌ vaa chruj ma̱n raa̱ chruun yoꞌ a. Sese chiꞌi̱i̱ vaa ꞌo̱ chruun ne̱ chiꞌi̱i̱ vaa chruj ma̱n raa̱ chruun yoꞌ a. Dan me se sese neꞌen yuvii̱ se vaa vaa sa̱ꞌ chruj ma̱n raa̱ chruun, ne̱ neꞌen yuvii̱ se vaa chruun sa̱ꞌ me yoꞌ a. Ne̱ sese neꞌen yuvii̱ se vaa vaa chiꞌi̱i̱ chruj ma̱n raa̱ chruun, ne̱ neꞌen uún yuvii̱ se vaa chruun chiꞌi̱i̱ me yoꞌ ado̱nj.

San Lucas 13:9

Xraj, ne̱ yoꞌ natu̱u̱ roꞌ, ne̱ cuma̱n chruj raa̱ chruun yoꞌ, ne̱ quina̱j chruun yoꞌ, quiꞌya̱j níꞌ a. Se taj, ne̱ caꞌne̱ꞌ cachri̱j níꞌ man chruun yoꞌ ado̱nj”, taj síí ꞌyaj suun naa̱ uvá yoꞌ rihaan síí siꞌya̱j chruun yoꞌ a ―da̱nj vaa cuentó nanó Jesús rihaan nij yuvii̱ yoꞌ a.

San Juan 15:16

’Ne nari̱i̱ soj manj a̱ maꞌ. Tana̱nj ma̱ꞌán ꞌu̱nj narii man soj ne̱ cunéꞌ ꞌu̱nj man soj, yan cavi̱i̱ soj quiꞌya̱j ndoꞌo soj se vaa me rá Yaꞌanj quiꞌya̱j soj, ne̱ se̱ navij suun sa̱ꞌ ꞌyaj soj daj chiha̱a̱ míj maꞌ. Ne̱ cheꞌé se cunéꞌ ꞌu̱nj man soj, cheꞌé dan me maꞌa̱n rasu̱u̱n cachi̱nj soj rihaan Réj Yaꞌanj cheꞌé se‑chu̱vií ꞌu̱nj, ne̱ rque̱ soꞌ rasu̱u̱n yoꞌ man soj ado̱nj.

San Juan 15:2

Ne̱ a̱ me maꞌa̱n ꞌo̱ raꞌa chruun yoꞌ ne rii chruj uvá, ne̱ aꞌnéj soꞌ man raꞌa yoꞌ na̱nj ado̱nj. Tza̱j ne̱ raꞌa chruun ma̱n chruj uvá raa̱ me se veꞌé aꞌneꞌ soꞌ man yoꞌ, ga̱a ne̱ cuma̱n doj chruj uvá raa̱ yoꞌ na̱nj ado̱nj.

San Juan 15:5

’Dan me se ꞌu̱nj nihánj me maꞌa̱n chruun uvá, ne̱ soj me raꞌa catu̱u̱n avii xráá raꞌa ma̱nj na̱nj á. Ne̱ sese ꞌo̱ cuno̱ soj rihanj, ne̱ sese ꞌo̱ cu̱nuû ꞌu̱nj nimán soj, ne̱ quiꞌya̱j uxrá soj se vaa me rá Yaꞌanj quiꞌya̱j soj chugua̱nj. ꞌO̱ se sese se̱ racuíj ꞌu̱nj man soj, ne̱ se̱ guun nucua̱j soj quiꞌya̱j soj a̱ doj suun sa̱ꞌ maꞌ.

Romanos 14:17

ꞌO̱ se nica̱j yuꞌunj Yaꞌanj man níꞌ, ne̱ cheꞌé dan se̱ nanó rá níꞌ cheꞌé se cha̱ níꞌ do̱ꞌ, cheꞌé se coꞌo̱ níꞌ do̱ꞌ maꞌ. Tza̱j ne̱ xca̱j níꞌ cuentá cheꞌé tinúú níꞌ á. ꞌO̱ se xa̱ꞌ suun uun chij Yaꞌanj nimán níꞌ, tza̱j ne̱ né cheꞌe̱ se chá níꞌ do̱ꞌ, né cheꞌe̱ se coꞌo níꞌ do̱ꞌ, me yoꞌ maꞌ. Ma̱an se cheꞌé rej cunu̱u sa̱ꞌ nimán níꞌ ne̱ cheꞌé rej ga̱a̱ xe̱j nimán níꞌ ne̱ cheꞌé rej gu̱un niha̱ꞌ rá nimán níꞌ quiꞌya̱j Nimán Yaꞌanj me yoꞌ a.

Romanos 15:14

Veé dan me se uun ya̱ raj se vaa síí sa̱ꞌ me maꞌa̱n soj, tinu̱j, nocoj. Xcaj ndoꞌo soj cuentá, ne̱ neꞌen soj nago̱ꞌ soj chrej sa̱ꞌ man tinúú soj ado̱nj.

Romanos 15:3

ꞌO̱ se ne quiꞌya̱j Cristó se me rá maꞌa̱n Cristó quiꞌya̱j soꞌ maꞌ. ꞌO̱ se Danj Yaꞌanj taj se vaa nana̱ nij caꞌmii yuvii̱ cheꞌé Yaꞌanj roꞌ, caꞌmii uún yuvii̱ cheꞌé Cristó, ne̱ caꞌvej rá Cristó caꞌmi̱i̱ nij yuvii̱ nana̱ nij cheꞌé maꞌa̱n soꞌ a. Da̱nj aꞌmii Danj Yaꞌanj cheꞌé maꞌa̱n Cristó a.

Romanos 15:30

Dan me se cheꞌé se noco̱ꞌ ta̱ranꞌ níꞌ man Jesucristó Si̱j ꞌNi̱j Raꞌa man níꞌ, cheꞌé dan ꞌe̱e̱ rá níꞌ tinúú níꞌ, ꞌyaj Nimán Yaꞌanj, ne̱ cheꞌé dan cata̱j xnaꞌanj ꞌu̱nj rihaan nij soj se vaa ra̱cuíj soj manj cachi̱nj niꞌya̱j níꞌ rihaan Yaꞌanj cheꞌej á.

Romanos 6:22

Tza̱j ne̱ ya̱j roꞌ, a̱j tinanii Yaꞌanj man soj rihaan cacunꞌ, ne̱ né se‑mo̱zó cacunꞌ me soj maꞌ. Tana̱nj rihaan Yaꞌanj nuû soj, ne̱ cheꞌé dan cunu̱u sa̱ꞌ nimán soj, ga̱a ne̱ ca̱yáán soj ga̱ Yaꞌanj nu̱ꞌ cavii nu̱ꞌ caꞌanj na̱nj ado̱nj.

Romanos 7:4

Ne̱ ase vaa chana̱ caviꞌ nica̱ roꞌ, da̱nj vaa maꞌa̱n níꞌ, tinu̱j, nocoj. ꞌO̱ se cheꞌé se caviꞌ Cristó roꞌ, cheꞌé dan quisíj canocoꞌ níꞌ stucua̱nj Moisés na̱nj á. Ne̱ cunuu iꞌna̱ꞌ uún Cristó, ne̱ canocoꞌ níꞌ man soꞌ, ne̱ cheꞌé dan uun nucua̱j níꞌ ꞌyaj níꞌ suun sa̱ꞌ cheꞌé Yaꞌanj a.

Romanos 8:5

Dan me se taꞌa̱j yuvii̱ roꞌ, aráyaꞌa̱nj nij soꞌ cheꞌé ina̱nj nee̱ man nij soꞌ a. Tza̱j ne̱ ino̱ uxrá vaa yuvii̱ noco̱ꞌ man Nimán Yaꞌanj, ne̱ dan me se cheꞌé ina̱nj se vaa me rá Nimán Yaꞌanj aráyaꞌa̱nj nij soꞌ ado̱nj.

1 Corintios 13:13

Tza̱j ne̱ vaa vaꞌnu̱j suun sa̱ꞌ no̱ xcúún níꞌ quiꞌya̱j níꞌ cuano̱, ne̱ dan me se gu̱un nucua̱j rá níꞌ man Yaꞌanj do̱ꞌ, gu̱un ya̱ rá níꞌ se vaa ya̱ cavi̱i̱ sa̱ꞌ níꞌ do̱ꞌ, ga̱a̱ ꞌe̱e̱ rá níꞌ tuviꞌ níꞌ do̱ꞌ a. Yoꞌ me vaꞌnu̱j se no̱ xcúún níꞌ quiꞌya̱j níꞌ, tza̱j ne̱ o̱rúnꞌ suun ga̱a̱ ꞌe̱e̱ rá man tuviꞌ roꞌ, yoꞌ me suun noco̱o doj rihaan cunuda̱nj ꞌó nij suun ado̱nj.

Gálatas 5:13

Dan me se canacúún Yaꞌanj man nij soj ga̱a̱ yaꞌnúj rihaan nij soj da̱j quiꞌya̱j nij soj, tinu̱j, nocoj. Tza̱j ne̱ se̱ guun rá soj se vaa caꞌve̱e quiꞌya̱j soj náá guun se me rá nee̱ man maꞌa̱n soj quiꞌya̱j soj maꞌ. Tana̱nj ga̱a̱ ꞌe̱e̱ rá soj tinúú soj, ne̱ ꞌo̱ ra̱cuíj soj tinúú soj á.

Efesios 4:23

Tza̱j ne̱ cuano̱ nihánj no̱ xcúún soj caꞌve̱j soj cunu̱u sa̱ꞌ nimán soj, ne̱ xca̱j naca̱ soj cuentá á.

Efesios 5:9

Síí chéé rej ranga̱ꞌ roꞌ, sa̱ꞌ ꞌyaj soꞌ, ne̱ nica̱ vaa nimán soꞌ, ne̱ nana̱ ya̱ ina̱nj aꞌmii soꞌ ado̱nj.

Filipenses 1:11

Dan me se ya̱ gu̱un soj yuvii̱ cunuu sa̱ꞌ nimán quiꞌya̱j Jesucristó, cheꞌé rej xca̱j nii cuentá se vaa niꞌndaj ya̱ veꞌé vaa Yaꞌanj ne̱ cata̱j nii se vaa sa̱ꞌ uxrá vaa soꞌ ado̱nj.

Colosenses 1:10

cheꞌé rej quiꞌya̱j soj nu̱ꞌ se vaa no̱ xcúún níꞌ si̱j noco̱ꞌ man Síí ꞌNi̱j Raꞌa man níꞌ quiꞌya̱j níꞌ, ne̱ gu̱un niha̱ꞌ rá Yaꞌanj ni̱ꞌyaj Yaꞌanj man soj á. Ne̱ cunuda̱nj suun sa̱ꞌ quiꞌya̱j ndoꞌo soj, ga̱a ne̱ doj a̱ sa̱ꞌ xca̱j soj cuentá da̱j vaa maꞌa̱n Yaꞌanj a.

2 Tesalonicenses 3:2

Ne̱ cachi̱nj niꞌya̱j soj cheꞌé núj se vaa nani̱i̱ núj rihaan nij síí chiꞌi̱i̱ uún á. ꞌO̱ se vaa yuvii̱ ne amán rá niꞌya̱j man Cristó a̱ maan ado̱nj.

1 Timoteo 3:11

Veé da̱nj ga̱a̱ gue̱e̱ nij chana̱ uún, ne̱ chij ga̱a̱ rá nij noꞌ do̱ꞌ, se̱ caꞌmii ne̱ nij noꞌ do̱ꞌ, chij caꞌmi̱i̱ nij noꞌ do̱ꞌ, ꞌo̱ veꞌé quiꞌya̱j nij noꞌ da̱j a̱ rasu̱u̱n do̱ꞌ á.

1 Timoteo 4:12

ꞌO̱ se xnii mé so̱ꞌ, ne̱ ataa cachi̱j so̱ꞌ, tza̱j ne̱ taj se ꞌyaj yoꞌ maꞌ. Se̱ guun cata̱j yuvii̱ se vaa taj se uún so̱ꞌ maꞌ. Ma̱an se veꞌé qui̱ꞌyáá so̱ꞌ nu̱ꞌ tucuáán noco̱ꞌ níꞌ, se vaa veꞌé caꞌmi̱i̱ so̱ꞌ do̱ꞌ, veꞌé qui̱ꞌyáá so̱ꞌ do̱ꞌ, ga̱a̱ ꞌe̱e̱ rá so̱ꞌ man tinúú so̱ꞌ do̱ꞌ, ga̱a̱ nucua̱j rá so̱ꞌ man Yaꞌanj do̱ꞌ, tu̱mé so̱ꞌ mán so̱ꞌ se̱ quiꞌyáá so̱ꞌ cacunꞌ do̱ꞌ, ga̱a ne̱ xca̱j nij síí noco̱ꞌ man Yaꞌanj cuentá da̱j no̱ xcúún nij soꞌ quiꞌya̱j nij soꞌ uún ado̱nj.

1 Pedro 1:22

Dan me se uno soj snana̱ Yaꞌanj nana̱ ya̱, ne̱ cheꞌé dan cunuu sa̱ꞌ nimán soj, ne̱ cheꞌé dan no̱ xcúún soj ga̱a̱ ꞌe̱e̱ rá soj man tuviꞌ soj ado̱nj. Se̱ cataj rmaꞌa̱n soj se vaa ꞌe̱e̱ rá soj man tuviꞌ soj maꞌ. Ya̱ ga̱a̱ ꞌe̱e̱ ndoꞌo rá soj man tuviꞌ soj á.

1 Pedro 1:8

Ne̱ Jesucristó me se nda̱ꞌ se ne queneꞌe̱n rihaan soj man soꞌ, tza̱j ne̱ aráj cochro̱j soj rihaan soꞌ ado̱nj. Ne neꞌen rihaan soj man soꞌ nihánj cuano̱, tza̱j ne̱ cheꞌé se cuchumán ya̱ rá soj niꞌya̱j soj man soꞌ roꞌ, cheꞌé dan niꞌndaj ya̱ guun niha̱ꞌ uxrá ya̱ rá nimán soj ado̱nj.

1 Pedro 5:12

Veé da̱nj síj natáꞌ ꞌu̱nj do̱j nij nana̱ no̱ rihaan yanj nihánj, ne̱ tinúꞌ Silvano me síí cachrón snana̱j rihaan yanj nihánj, ne̱ dan me se tinúú níꞌ síí nucua̱j rá níꞌ man me soꞌ a. Dan me se nana̱ nihánj me se narquej chrej nucua̱j rihaan soj, ne̱ cataj xnaꞌanj ꞌu̱nj rihaan soj se vaa tucuáán noco̱ꞌ níꞌ roꞌ, maꞌa̱n ya̱ tucuáán yoꞌ me rej ꞌyaj Yaꞌanj se lu̱j cheꞌé níꞌ chugua̱nj. Raan canoco̱ꞌ soj tucuáán yoꞌ á.