Gálatas 5:18 - Triqui de San Juan Copala

¹⁸ Tza̱j ne̱ sese noco̱ꞌ soj man Nimán Yaꞌanj, ne̱ taj cheꞌé canoco̱ꞌ soj stucua̱nj Moisés a̱ maꞌ.

Gálatas 5:18 ပူးပေါင်းရင်းမြစ်များ

San Juan 16:13

Tza̱j ne̱ asa̱ꞌ caꞌnaꞌ Nimán Yaꞌanj yoꞌ, ne̱ tu̱cuꞌyón soꞌ nu̱ꞌ nana̱ ya̱ rihaan soj na̱nj ado̱nj. ꞌO̱ se si̱j aꞌmii ina̱nj nana̱ ya̱ me soꞌ ado̱nj. ꞌO̱ se se̱ caꞌmii soꞌ nana̱ cavi̱i̱ raa̱ soꞌ maꞌ. Tana̱nj caꞌmi̱i̱ soꞌ ina̱nj nana̱ cata̱j xnaꞌanj Yaꞌanj cuno̱ soꞌ, ne̱ dan me se cata̱j xnaꞌanj soꞌ cheꞌé se vaa caꞌna̱ꞌ rihaan soj rej rihaan soj na̱nj ado̱nj.

Romanos 7:4

Ne̱ ase vaa chana̱ caviꞌ nica̱ roꞌ, da̱nj vaa maꞌa̱n níꞌ, tinu̱j, nocoj. ꞌO̱ se cheꞌé se caviꞌ Cristó roꞌ, cheꞌé dan quisíj canocoꞌ níꞌ stucua̱nj Moisés na̱nj á. Ne̱ cunuu iꞌna̱ꞌ uún Cristó, ne̱ canocoꞌ níꞌ man soꞌ, ne̱ cheꞌé dan uun nucua̱j níꞌ ꞌyaj níꞌ suun sa̱ꞌ cheꞌé Yaꞌanj a.

Romanos 8:12

Cheꞌé dan ne nó xcúún níꞌ quiꞌya̱j níꞌ nda̱a vaa me rá nee̱ man níꞌ, maan tinu̱j, maan nocoj.

Romanos 8:14

ꞌO̱ se yuvii̱ uno aꞌmii Nimán Yaꞌanj me taꞌníí Yaꞌanj ado̱nj.

Gálatas 5:16

Cata̱j xnaꞌanj ꞌu̱nj ꞌo̱ nana̱ rihaan soj á: ꞌO̱ cuno̱ soj aꞌmii Nimán Yaꞌanj, ne̱ sese ina̱nj da̱nj quiꞌya̱j soj, ne̱ daj chiha̱a̱ míj se̱ guun quiꞌya̱j soj se vaa me rá nee̱ man maꞌa̱n soj quiꞌya̱j soj maꞌ.

Gálatas 5:23

síí niꞌya̱nj aꞌmii gu̱un níꞌ do̱ꞌ, síí nica̱j raa̱ gu̱un níꞌ do̱ꞌ, quiꞌya̱j Nimán Yaꞌanj á. Ina̱nj da̱nj ga̱a̱ níꞌ sese veꞌé cuno̱ níꞌ rihaan Nimán Yaꞌanj na̱nj ado̱nj. Ne̱ taj cacunꞌ quita̱j xráá níꞌ quiꞌya̱j nana̱ nihánj a̱ maꞌ.

Gálatas 5:25

Dan me se cheꞌé se cunuu sa̱ꞌ nimán níꞌ, quiꞌyaj Nimán Yaꞌanj, cheꞌé dan ꞌo̱ cuno̱ níꞌ nu̱ꞌ se vaa cata̱j xnaꞌanj Nimán Yaꞌanj rihaan níꞌ á.

1 Timoteo 1:9

Neꞌen níꞌ se vaa xa̱ꞌ yuvii̱ nica̱ nimán, tza̱j ne̱ taj tucuáán achiin man nij soꞌ canoco̱ꞌ nij soꞌ Yaꞌanj maꞌ. Tana̱nj cuchruj Yaꞌanj stucua̱nj Moisés cheꞌé yuvii̱ ne uno suun caꞌneꞌ Yaꞌanj do̱ꞌ, yuvii̱ tucuáá do̱ꞌ, yuvii̱ ne nocoꞌ man Yaꞌanj do̱ꞌ, yuvii̱ tumé ndoꞌo cacunꞌ do̱ꞌ, yuvii̱ ne vaa sa̱ꞌ nimán do̱ꞌ, yuvii̱ ne acaj cuentá cheꞌé Yaꞌanj do̱ꞌ, yuvii̱ ticaviꞌ rej do̱ꞌ, yuvii̱ ticaviꞌ nii do̱ꞌ, yuvii̱ ticaviꞌ me maꞌa̱n ꞌó yuvii̱ do̱ꞌ ado̱nj.

2 Timoteo 1:7

ꞌO̱ se né si̱j chuꞌviꞌ nimán me níꞌ, quiꞌyaj Yaꞌanj maꞌ. Tana̱nj nariꞌ nucuaj nimán níꞌ, ne̱ nuu ꞌe̱e̱ rá níꞌ tuviꞌ níꞌ, ne̱ tumé níꞌ man níꞌ me da̱j ꞌyaj níꞌ, ꞌyaj Yaꞌanj ado̱nj.