Canica̱j Jesús caꞌmii soꞌ rihaan nij yuvii̱, cataj soꞌ a: ―A̱j rqué Réé ꞌu̱nj Yaꞌanj cunuda̱nj rasu̱u̱n rihanj ado̱nj. Ne̱ a̱ ꞌó síí ne neꞌen da̱j vaa ꞌu̱nj; ma̱an o̱rúnꞌ Réj neꞌen a. ꞌO̱ se Taꞌníí soꞌ mej ado̱nj. Ne̱ a̱ ꞌó yuvii̱ ne neꞌen da̱j vaa Réj maꞌ. Ma̱an o̱rúnꞌ ꞌu̱nj neꞌen da̱j vaa soꞌ ado̱nj. Ne̱ sese me rá ꞌu̱nj cata̱j xnaꞌanj ꞌu̱nj rihaan ꞌó nij yuvii̱ da̱j vaa Réj, ne̱ queneꞌe̱n ꞌó nij soꞌ uún ado̱nj.
Gálatas 4:9 - Triqui de San Juan Copala9 Tza̱j ne̱ cuano̱ nihánj me se neꞌen nij soj man maꞌa̱n ya̱ Yaꞌanj ado̱nj. Tza̱j ne̱ sa̱ꞌ doj cata̱j ꞌu̱nj se vaa neꞌen Yaꞌanj man nij soj chugua̱nj. Sese a̱j neꞌen soj man maꞌa̱n ya̱ Yaꞌanj, ga̱a ne̱ me cheꞌé ca̱nica̱j uún soj canoco̱ꞌ soj man nij yaꞌanj uun chij rihaan rasu̱u̱n ma̱n rihaan chumii̱ nihánj ga̱. Neꞌen soj se vaa se̱ guun nucua̱j nij soꞌ ra̱cuíj nij soꞌ man soj maꞌ. Taj yuꞌvee a̱ ꞌó xcoꞌ nó maꞌa̱n nij soꞌ a̱ maꞌ. Me cheꞌé me rá uún soj gu̱un soj mozó rihaan nij soꞌ ga̱. အခန်းကိုကြည့်ပါ။ |
Gálatas 4:9
30 ပူးပေါင်းရင်းမြစ်များ
Ga̱a naá me se queneꞌen Yaꞌanj se vaa canoco̱ꞌ níꞌ man soꞌ vaa güii, ga̱a ne̱ ꞌo̱ guun rá Yaꞌanj se vaa naquiꞌya̱j sa̱ꞌ Yaꞌanj nimán níꞌ a. Ne̱ ase vaa Taꞌníí Yaꞌanj síí cuꞌna̱j Jesucristó roꞌ, da̱nj ga̱a̱ níꞌ uún, ne̱ vaa güii cuma̱n ndoꞌo tinúú Jesucristó do̱ꞌ, raꞌvij Jesucristó do̱ꞌ, ne̱ soꞌ gu̱un síí chava̱ꞌ rihaan cunuda̱nj níꞌ a.
Ne gu̱un nucua̱j nee̱ man níꞌ canoco̱ꞌ yoꞌ nu̱ꞌ stucua̱nj Moisés, ne̱ cheꞌé dan se̱ guun nucua̱j níꞌ nani̱i̱ maꞌa̱n níꞌ rihaan cacunꞌ tumé níꞌ maꞌ. Tza̱j ne̱ Yaꞌanj me síí tinanii man níꞌ rihaan cacunꞌ yoꞌ, ne̱ caꞌnéé Yaꞌanj maꞌa̱n Taꞌníí Yaꞌanj rihaan chumii̱, ne̱ ase vaa nee̱ man níꞌ roꞌ, da̱nj vaa nee̱ man soꞌ uún a. Dan me se caviꞌ soꞌ cheꞌé níꞌ, ne̱ cheꞌé se taj cacunꞌ tumé maꞌa̱n soꞌ, ne̱ cheꞌé dan taj cheꞌé quiꞌya̱j níꞌ cacunꞌ ya̱j maꞌ.
Vaa se neꞌen níꞌ cuano̱, rá níꞌ, tza̱j ne̱ ne neꞌen sa̱ꞌ níꞌ man yoꞌ maꞌ. Dan me se ase vaa yuvii̱ niꞌya̱j rihaan ꞌo̱ se niꞌya̱j rihaan roꞌ, da̱nj vaa níꞌ, ne̱ sese ne naruvi̱i̱ rihaan se niꞌya̱j rihaan, ne̱ se̱ queneꞌen sa̱ꞌ yuvii̱ rihaan yuvii̱ maꞌ. Ne̱ da̱nj vaa níꞌ uún, ne̱ ma̱n ndoꞌo rasu̱u̱n ne neꞌen sa̱ꞌ níꞌ maꞌ. Tza̱j ne̱ vaa güii canicu̱nꞌ níꞌ rihaan maꞌa̱n Yaꞌanj, ne̱ sa̱ꞌ uxrá queneꞌe̱n níꞌ man maꞌa̱n soꞌ a. Cuano̱ nihánj me se ne neꞌenj cunuda̱nj, tza̱j ne̱ vaa güii, ne̱ ase vaa neꞌen Yaꞌanj manj roꞌ, da̱nj ga̱a̱ que̱neꞌenj man cunuda̱nj ado̱nj.
Ne̱ nda̱ꞌ se rii taꞌngaꞌ ndoꞌo nij soꞌ rihaan soj do̱ꞌ, nda̱ꞌ se aꞌnéj nij soꞌ nu̱ꞌ siꞌyaj soj do̱ꞌ, nda̱ꞌ se tihaꞌ yuꞌunj nij soꞌ man soj do̱ꞌ, nda̱ꞌ se sa̱ꞌ doj vaa nij soꞌ rihaan soj rá nij soꞌ do̱ꞌ, nda̱ꞌ se ase vaa síí oxro xruu̱ soj vaa nij soꞌ do̱ꞌ, tza̱j ne̱ veꞌé uno soj rihaan nij soꞌ na̱nj ado̱nj.
ꞌO̱ se Yaꞌanj me síí cataj se vaa chugu̱u̱n rihaan chumii̱, ne̱ da̱nj caꞌmii Yaꞌanj ga̱a naá uxrá ga̱a vaa rmi̱ꞌ rihaan chumii̱ nihánj, ga̱a ne̱ cuchuguu̱n rihaan chumii̱ nihánj, ne̱ ya̱j me se chuguu̱n nimán núj, quiꞌyaj uún Yaꞌanj á. Cheꞌé dan me guun nucua̱j núj cataj xnaꞌanj núj rihaan yuvii̱ se vaa niꞌndaj ya̱ sa̱ꞌ veꞌé vaa Yaꞌanj, ne̱ sese cuno̱ nij yuvii̱ snana̱ Cristó, ne̱ xca̱j nij soꞌ cuentá se vaa sa̱ꞌ uxrá quiꞌyaj Yaꞌanj ado̱nj.
Dan me se Yaꞌanj me Taꞌanj Jesucristó Si̱j ꞌNi̱j Raꞌa man níꞌ, ne̱ Rej níꞌ síí nicu̱nꞌ xta̱ꞌ me uún Yaꞌanj, ne̱ síí uun chij sa̱ꞌ uxrá me soꞌ ado̱nj. Ne̱ cheꞌé dan achíín ni̱ꞌyáá ꞌu̱nj rihaan Yaꞌanj se vaa rque̱ ndoꞌo soꞌ nana̱ cu̱u sa̱ꞌ nimán soj, ne̱ achíín ni̱ꞌyáá ꞌu̱nj se vaa gu̱un nucua̱j soj nari̱ꞌ soj nu̱ꞌ nana̱ naca̱ tihaa̱n soꞌ man níꞌ, ga̱a ne̱ sa̱ꞌ doj xca̱j maꞌa̱n soj cuentá cheꞌé soꞌ á.
Tza̱j ne̱ a̱j cuchruj sca̱ꞌ Yaꞌanj tucuáán noco̱ꞌ níꞌ, ne̱ a̱j na̱j se‑se̱lló soꞌ, quiꞌyaj soꞌ a. Ne̱ nihánj me nana̱ no̱ rihaan se‑se̱lló soꞌ a: “Neꞌen Síí ꞌNi̱j Raꞌa man níꞌ man nij síí noco̱ꞌ man soꞌ a.” Ne̱ ꞌó nana̱ no̱ rihaan se‑se̱lló soꞌ taj a: “Nu̱ꞌ nij síí nataꞌ se vaa si̱j noco̱ꞌ man Síí ꞌNi̱j Raꞌa man níꞌ me nij soꞌ roꞌ, no̱ xcúún nij soꞌ ta̱náj nij soꞌ nu̱ꞌ chrej chiꞌi̱i̱ á.” Dan me ro̱j nana̱ noco̱ꞌ níꞌ ado̱nj.
ꞌO̱ se ga̱a rque̱ me se xcaj nij soꞌ cuentá cheꞌé Jesucristó Si̱j ꞌNi̱j Raꞌa man níꞌ, Si̱j Tinanii man níꞌ rihaan Sayuun, ne̱ nanii nij soꞌ rihaan cunuda̱nj chrej chiꞌi̱i̱ ma̱n rihaan chumii̱ nihánj, quiꞌyaj Jesucristó a. Ne̱ ya̱j nanica̱j nij soꞌ quiꞌyaj uún nij soꞌ se chiꞌi̱i̱, ne̱ nda̱a quiꞌyaj canaán chrej chiꞌi̱i̱ yoꞌ rihaan nij soꞌ a. Dan me se asino ya̱a̱n me se ma̱an taꞌngaꞌ nij vaa nij soꞌ, tza̱j ne̱ ya̱j me se chiꞌi̱i̱ doj vaa nij soꞌ ado̱nj.
Ne̱ neꞌen níꞌ se vaa a̱j caꞌnaꞌ Taꞌníí Yaꞌanj, ne̱ caꞌvee xcaj níꞌ cuentá cheꞌé Yaꞌanj ya̱ quiꞌyaj Taꞌníí Yaꞌanj, ne̱ neꞌen níꞌ se vaa me níꞌ síí noco̱ꞌ man maꞌa̱n ya̱ Taꞌníí soꞌ Jesucristó, ne̱ Jesucristó roꞌ, maꞌa̱n Yaꞌanj ya̱ me soꞌ, ne̱ soꞌ me síí quiꞌya̱j ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.
ကြော်ငြာတွေ