Gálatas 4:31 - Triqui de San Juan Copala

³¹ Dan me se né taꞌni̱j mozó cha̱na̱ me níꞌ, maan tinu̱j, maan nocoj. Ma̱an se ase vaa taꞌníí chana̱ ne uun mozó roꞌ, da̱nj vaa níꞌ ado̱nj.

Gálatas 4:31 ပူးပေါင်းရင်းမြစ်များ

San Juan 8:36

Cheꞌé dan me sese ti̱nanii Taꞌníí Yaꞌanj man soj rihaan suun uun mozó, ne̱ ya̱ ya̱ si̱j nanii rihaan suun uun mozó me soj ado̱nj.

Gálatas 4:22

Dan me se cachrón Moisés nana̱ nihánj rihaan yanj, se vaa vaa vi̱j taꞌníí Abraham snóꞌo cunii, ne̱ ꞌo̱ taꞌníí soꞌ me neꞌej cuchruj mozó cha̱na̱ nu̱u̱ rihaan soꞌ, ne̱ ꞌó taꞌníí soꞌ me neꞌej cuchruj maꞌa̱n nica̱ soꞌ a. Xa̱ꞌ nica̱ soꞌ, tza̱j ne̱ né mo̱zó me noꞌ maꞌ.

Gálatas 4:30

Tza̱j ne̱ xca̱j níꞌ cuentá me taj Danj Yaꞌanj a: “Quiri̱i̱ so̱ꞌ man ro̱j taꞌni̱j mozó cha̱na̱ caꞌa̱nj yaníj ro̱j taꞌni̱j noꞌ á. ꞌO̱ se o̱rúnꞌ taꞌníí nica̱ so̱ꞌ níí ne uun mozó me síí gu̱un síí siꞌya̱j nu̱ꞌ siꞌyáá so̱ꞌ vaa güii ado̱nj. Ne̱ xa̱ꞌ taꞌníí chana̱ me mozó, tza̱j ne̱ daj chiha̱a̱ míj ne nó xcúún taꞌníí mozó cha̱na̱ yoꞌ quiri̱ꞌ yoꞌ taꞌa̱j siꞌyáá so̱ꞌ maꞌ.” Da̱nj vaa nana̱ caꞌmii Yaꞌanj rihaan Abraham nana̱ no̱ rihaan Danj Yaꞌanj a.

Gálatas 5:1

ꞌO̱ se a̱j caꞌnéj Cristó nu̱ꞌ suun ta̱j xráá níꞌ, ne̱ cheꞌé dan vaa yaꞌnúj rihaan níꞌ canoco̱ꞌ níꞌ man Yaꞌanj cuano̱ ado̱nj. Cheꞌé dan me caꞌne̱j nucuaj soj nimán soj, ne̱ se̱ caꞌvej uún soj quiꞌya̱j soj suun uun mozó a̱ maꞌ. Se̱ guun rá soj canoco̱ꞌ soj nu̱ꞌ stucua̱nj Moisés a̱ maꞌ.

Gálatas 5:13

Dan me se canacúún Yaꞌanj man nij soj ga̱a̱ yaꞌnúj rihaan nij soj da̱j quiꞌya̱j nij soj, tinu̱j, nocoj. Tza̱j ne̱ se̱ guun rá soj se vaa caꞌve̱e quiꞌya̱j soj náá guun se me rá nee̱ man maꞌa̱n soj quiꞌya̱j soj maꞌ. Tana̱nj ga̱a̱ ꞌe̱e̱ rá soj tinúú soj, ne̱ ꞌo̱ ra̱cuíj soj tinúú soj á.