Gálatas 4:29 - Triqui de San Juan Copala

²⁹ Neꞌen nij soj se vaa xnii caꞌngaa maꞌa̱n taꞌníí ꞌó chana̱ roꞌ, ta̱j riꞌyunj ndoꞌo soꞌ man neꞌej tucua̱ ya̱ veꞌ chugua̱nj. Dan me se taꞌngaꞌ da̱nj ranꞌ gue̱e̱ níꞌ cuano̱ nihánj, ne̱ dan me se ꞌyaj ndoꞌo nij yuvii̱ noco̱ꞌ stucua̱nj Moisés sayuun man níꞌ si̱j cunuu sa̱ꞌ nimán cheꞌé Nimán Yaꞌanj chugua̱nj.

Gálatas 4:29 ပူးပေါင်းရင်းမြစ်များ

San Juan 15:9

Dan me se da̱j se ꞌe̱e̱ rá Réj manj roꞌ, da̱nj vaa ꞌe̱e̱ raj man soj chugua̱nj. ꞌO̱ cu̱nuû rá nimán soj se vaa ꞌe̱e̱ raj man soj á.

San Juan 3:5

Ga̱a ne̱ cataj uún Jesús a: ―Ya̱ ya̱ cata̱j xnaꞌanj ꞌu̱nj rihaan so̱ꞌ se vaa sese se̱ caꞌngaa ꞌo̱ soꞌ quiꞌya̱j na, ne̱ sese se̱ caꞌngaa naca̱ nimán soꞌ, ne̱ se̱ caꞌvee catu̱u̱ soꞌ rej uun chij Yaꞌanj a̱ maꞌ.

Romanos 8:1

Ya̱j me se daj chiha̱a̱ míj se̱ cutaꞌ Yaꞌanj cacunꞌ xráá níꞌ si̱j uun rcuaꞌa̱a̱n ga̱ Cristó Jesús maꞌ.

Romanos 8:13

ꞌO̱ se sese aráyaꞌa̱nj ndoꞌo soj man nee̱ man soj, ne̱ caꞌa̱nj yaníj soj rihaan Yaꞌanj, quiꞌya̱j maꞌa̱n soj ado̱nj. Tza̱j ne̱ sese cuno̱ soj nana̱ aꞌmii Nimán Yaꞌanj, ne̱ se̱ caꞌvej rá soj quiꞌya̱j nee̱ man soj cacunꞌ, ga̱a ne̱ ꞌo̱ ga̱a̱ iꞌna̱ꞌ nimán soj ado̱nj.

Gálatas 4:23

Dan me se neꞌej cuchruj mozó cha̱na̱ roꞌ, ase vaa aꞌngaa na̱j guun neꞌej roꞌ, da̱nj vaa caꞌngaa soꞌ a. Tza̱j ne̱ xa̱ꞌ neꞌej cuchruj maꞌa̱n nica̱ Abraham, tza̱j ne̱ a̱j cataꞌ tuꞌva Yaꞌanj da̱j quiꞌya̱j Yaꞌanj cheꞌé soꞌ asi̱j ga̱a ataa caꞌnga̱a̱ soꞌ a.

Gálatas 5:11

Aꞌmii natáj ma̱ꞌán ꞌu̱nj rihaan yuvii̱ se vaa cuta̱ꞌ nii taꞌngaꞌ man yuvii̱, rá soj naꞌ. Taj, maan tinu̱j, maan nocoj. Sese da̱nj vaa nana̱ aꞌmii natáj ꞌu̱nj, ne̱ ne caꞌma̱an rá yuvii̱ cuno̱ yuvii̱ nana̱ se vaa caviꞌ Cristó rihaan rcutze̱ asuun tza̱j maꞌ. Tza̱j ne̱ aꞌmaan rá nij yuvii̱ ado̱nj. Ne̱ ma̱an cheꞌé dan ꞌyaj ndoꞌo nij yuvii̱ sayuun manj ado̱nj.