Gálatas 4:28 - Triqui de San Juan Copala

²⁸ Ne̱ ase vaa taꞌníí noꞌ síí cuꞌna̱j Isaac roꞌ, taꞌngaꞌ da̱nj vaa nij soj, tinu̱j, nocoj. Soj me neꞌej se vaa cataj ya̱ Yaꞌanj caꞌnga̱a̱ ya̱ ado̱nj. Ne̱ ase vaa cavii sa̱ꞌ Isaac roꞌ, da̱nj cavi̱i̱ sa̱ꞌ soj uún na̱nj á.

Gálatas 4:28 ပူးပေါင်းရင်းမြစ်များ

Hechos 3:25

’Ne̱ rihaan maꞌa̱n nij soj caꞌmii nij síí nataꞌ snana̱ Yaꞌanj, ne̱ maꞌa̱n nij soj me nij síí cavi̱i̱ sa̱ꞌ quiꞌya̱j Yaꞌanj, nda̱a vaa cataꞌ tuꞌva Yaꞌanj rihaan xi̱i níꞌ ga̱a naá na̱nj á. Dan me se rihaan xi̱i níꞌ síí cuꞌna̱j Abraham cataj Yaꞌanj a: “Dan me se cavi̱i̱ sa̱ꞌ ta̱ranꞌ nij xꞌneꞌ yuvii̱ ino̱ vaa stucua̱nj ma̱n rihaan chumii̱, quiꞌya̱j taꞌníí taꞌnij siꞌno̱ so̱ꞌ a”, taj Yaꞌanj rihaan Abraham a.

Romanos 9:7

Abraham síí cayáán ga̱a naá roꞌ, do̱j taꞌníí taꞌnij siꞌno̱ soꞌ guun taꞌníí Yaꞌanj, ne̱ dan me se cataj Danj Yaꞌanj se vaa ina̱nj nij taꞌníí taꞌnij siꞌno̱ síí cuꞌna̱j Isaac me ya̱ ya̱ taꞌníí taꞌnij siꞌno̱ Abraham rihaan Yaꞌanj á. Da̱nj caꞌmii Yaꞌanj rihaan Abraham ga̱a naá a.

Gálatas 3:29

Cheꞌé se si̱j noco̱ꞌ man Cristó me soj roꞌ, cheꞌé dan maꞌa̱n ya̱ taꞌníí taꞌnij siꞌno̱ síí cuꞌna̱j Abraham me soj rihaan Yaꞌanj, nda̱a vaa cataj Yaꞌanj rihaan Abraham se vaa quiꞌya̱j soꞌ se lu̱j rihaan ta̱ranꞌ nij taꞌníí taꞌnij siꞌno̱ Abraham ado̱nj.

Gálatas 4:23

Dan me se neꞌej cuchruj mozó cha̱na̱ roꞌ, ase vaa aꞌngaa na̱j guun neꞌej roꞌ, da̱nj vaa caꞌngaa soꞌ a. Tza̱j ne̱ xa̱ꞌ neꞌej cuchruj maꞌa̱n nica̱ Abraham, tza̱j ne̱ a̱j cataꞌ tuꞌva Yaꞌanj da̱j quiꞌya̱j Yaꞌanj cheꞌé soꞌ asi̱j ga̱a ataa caꞌnga̱a̱ soꞌ a.

Gálatas 6:18

Me rá ꞌu̱nj quiꞌya̱j ndoꞌo Jesucristó Si̱j ꞌNi̱j Raꞌa man níꞌ se lu̱j nimán nij soj, tinu̱j, nocoj. Veé da̱nj ga̱a̱ ya̱ ado̱nj.