Gálatas 4:25 - Triqui de San Juan Copala

²⁵ Da̱j se vaa quij Sinaí nicu̱nꞌ rej Arabia vaa Agar, ne̱ da̱j se vaa chumanꞌ Jerusalén na̱j cuano̱ vaa Agar uún, cheꞌé se nij síí chiha̱nj chuman' Jerusalén me se mozó me nij soꞌ a.

Gálatas 4:25 ပူးပေါင်းရင်းမြစ်များ

San Mateo 23:37

Ga̱a ne̱ cataj uún Jesús a: ―Nanó uxrá raj cheꞌé soj si̱j ma̱n chumanꞌ Jerusalén nihánj na̱nj á. Dan me se ticaviꞌ soj man nij síí nataꞌ snana̱ Yaꞌanj, ne̱ goꞌ soj yahij man nij síí caꞌnéé Yaꞌanj cuchi̱ꞌ rihaan soj ado̱nj. Guun queꞌe̱e̱ ndoꞌo guun rá ꞌu̱nj naquiꞌya̱j chre̱ꞌ ꞌu̱nj man soj tu̱mé ꞌu̱nj man soj, tza̱j ne̱ taj se quiꞌyáꞌ caꞌve̱e maꞌ. Dan me se ase vaa ꞌyaj xee naquiꞌyaj chre̱ꞌ xee man taꞌníí xoꞌ ca̱ráán xoꞌ xcóó xoꞌ xráá taꞌníí xoꞌ roꞌ, da̱nj guun raj qui̱ꞌyáj man soj, tza̱j ne̱ ne caꞌve̱j rá soj qui̱ꞌyáj da̱nj a̱ maꞌ.

San Lucas 13:34

Ga̱a ne̱ cataj uún Jesús a: ―Nanó uxrá raj cheꞌé soj si̱j ma̱n chumanꞌ Jerusalén nihánj na̱nj á. ꞌO̱ se ticaviꞌ soj man nij síí nataꞌ snana̱ Yaꞌanj, ne̱ goꞌ soj yahij man nij síí caꞌnéé Yaꞌanj cuchi̱ꞌ rihaan soj a. Guun queꞌe̱e̱ ndoꞌo guun rá ꞌu̱nj naquiꞌya̱j chre̱ꞌ ꞌu̱nj man soj tu̱mé ꞌu̱nj man soj, tza̱j ne̱ taj se quiꞌyáꞌ caꞌvee maꞌ. Ase vaa ꞌyaj xee naquiꞌyaj chre̱ꞌ xee man taꞌníí xoꞌ ca̱ráán xoꞌ xcóó xoꞌ xráá taꞌníí xoꞌ roꞌ, da̱nj guun raj qui̱ꞌyáj man soj, tza̱j ne̱ ne caꞌve̱j rá soj qui̱ꞌyáj da̱nj a̱ maꞌ.

San Lucas 19:44

Ne̱ tu̱cuanee nij soꞌ nu̱ꞌ chiháán soj, ne̱ cavi̱ꞌ soj, ne̱ a̱ ꞌó yuvej se̱ quitáá xráá tuviꞌ yuvej, quiꞌya̱j nij soꞌ maꞌ. Da̱nj quira̱nꞌ soj, cheꞌé se ga̱a guun rá Yaꞌanj ra̱cuíj Yaꞌanj man soj, ne̱ ne xca̱j soj cuentá maꞌ ―taj Jesús niꞌya̱j soꞌ man nij síí ma̱n chumanꞌ Jerusalén yoꞌ a.

Hechos 1:11

Ga̱a ne̱ cataj ro̱j snóꞌo yoꞌ a: ―Me cheꞌé ꞌo̱ nicunꞌ soj si̱j cavii estadó Galilea niꞌya̱j soj xta̱ꞌ ga̱. Jesús me se neꞌen soj se vaa cavii soꞌ quinanꞌ soꞌ xta̱ꞌ, quiꞌyaj Yaꞌanj a. Ne̱ ase vaa cavii soꞌ xta̱ꞌ roꞌ, da̱nj quiꞌya̱j uún soꞌ nani̱j soꞌ caꞌna̱ꞌ soꞌ rihaan chumii̱ nihánj ado̱nj ―taj ro̱j síí nu̱u̱ yatzéj catzi̱i̱ rihaan nij síí cuneꞌ Jesús a.

Gálatas 1:17

Dan me se chumanꞌ Jerusalén roꞌ, ya̱nj nij síí cuneꞌ Jesucristó asino ya̱a̱n caꞌa̱nj nata̱ꞌ snana̱ soꞌ, tza̱j ne̱ ne cuchi̱ꞌ ꞌu̱nj rihaan nij soꞌ xna̱ꞌanj ꞌu̱nj man nij soꞌ da̱j qui̱ꞌyáj maꞌ. Ma̱an se caꞌanj ꞌu̱nj cuaj estadó Arabia, ne̱ canica̱j ꞌu̱nj caꞌnaj chumanꞌ Damasco ado̱nj.

Gálatas 4:24

Ro̱j chana̱ nihánj roꞌ, da̱j se vaa ro̱j tucuáán uun ya̱ ataꞌ tuꞌva Yaꞌanj ga̱ níꞌ vaa ro̱j noꞌ a. ꞌO̱ se ꞌo̱ tucuáán me se avii quij Sinaí, ne̱ nij síí noco̱ꞌ tucuáán yoꞌ roꞌ, mozó u̱u̱n me nij soꞌ ado̱nj. Da̱j se vaa chana̱ cuꞌna̱j Agar vaa nij soꞌ a.

Gálatas 4:26

Tana̱nj ino̱ vaa chumanꞌ Jerusalén na̱j rej xta̱ꞌ ado̱nj. Da̱j se vaa nii cunuda̱nj níꞌ vaa chumanꞌ yoꞌ, ne̱ né mo̱zó me níꞌ si̱j noco̱ꞌ tucuáán cataꞌ tuꞌva Yaꞌanj maꞌ.

Hebreos 12:18

Dan me se cavii sa̱ꞌ soj doj rihaan nij síí israelitá vaa na̱nj chugua̱nj. Nij soꞌ me se cuchiꞌ nij soꞌ tacóó quij xca̱a̱n rej rqué Yaꞌanj snana̱ Yaꞌanj rihaan síí cuꞌna̱j Moisés, ne̱ queneꞌen nij soꞌ cacoꞌ yaꞌan raa̱ quij queneꞌen nij soꞌ rej rmi̱ꞌ ndoꞌo queneꞌen nij soꞌ nana̱ yuva̱a̱ queneꞌen nij soꞌ do̱ꞌ ado̱nj.