Gálatas 4:22 - Triqui de San Juan Copala

²² Dan me se cachrón Moisés nana̱ nihánj rihaan yanj, se vaa vaa vi̱j taꞌníí Abraham snóꞌo cunii, ne̱ ꞌo̱ taꞌníí soꞌ me neꞌej cuchruj mozó cha̱na̱ nu̱u̱ rihaan soꞌ, ne̱ ꞌó taꞌníí soꞌ me neꞌej cuchruj maꞌa̱n nica̱ soꞌ a. Xa̱ꞌ nica̱ soꞌ, tza̱j ne̱ né mo̱zó me noꞌ maꞌ.

Gálatas 4:22 ပူးပေါင်းရင်းမြစ်များ

Gálatas 4:23

Dan me se neꞌej cuchruj mozó cha̱na̱ roꞌ, ase vaa aꞌngaa na̱j guun neꞌej roꞌ, da̱nj vaa caꞌngaa soꞌ a. Tza̱j ne̱ xa̱ꞌ neꞌej cuchruj maꞌa̱n nica̱ Abraham, tza̱j ne̱ a̱j cataꞌ tuꞌva Yaꞌanj da̱j quiꞌya̱j Yaꞌanj cheꞌé soꞌ asi̱j ga̱a ataa caꞌnga̱a̱ soꞌ a.

Gálatas 4:30

Tza̱j ne̱ xca̱j níꞌ cuentá me taj Danj Yaꞌanj a: “Quiri̱i̱ so̱ꞌ man ro̱j taꞌni̱j mozó cha̱na̱ caꞌa̱nj yaníj ro̱j taꞌni̱j noꞌ á. ꞌO̱ se o̱rúnꞌ taꞌníí nica̱ so̱ꞌ níí ne uun mozó me síí gu̱un síí siꞌya̱j nu̱ꞌ siꞌyáá so̱ꞌ vaa güii ado̱nj. Ne̱ xa̱ꞌ taꞌníí chana̱ me mozó, tza̱j ne̱ daj chiha̱a̱ míj ne nó xcúún taꞌníí mozó cha̱na̱ yoꞌ quiri̱ꞌ yoꞌ taꞌa̱j siꞌyáá so̱ꞌ maꞌ.” Da̱nj vaa nana̱ caꞌmii Yaꞌanj rihaan Abraham nana̱ no̱ rihaan Danj Yaꞌanj a.

Gálatas 4:31

Dan me se né taꞌni̱j mozó cha̱na̱ me níꞌ, maan tinu̱j, maan nocoj. Ma̱an se ase vaa taꞌníí chana̱ ne uun mozó roꞌ, da̱nj vaa níꞌ ado̱nj.