Gálatas 4:21 - Triqui de San Juan Copala

²¹ Me rá ꞌu̱nj cata̱j ya̱ soj ꞌo̱ nana̱ rihanj á: Me rá nij soj canoco̱ꞌ soj stucua̱nj Moisés, tza̱j ne̱ neꞌen soj da̱j taj nana̱ cachrón Moisés rihaan yanj yoꞌ naꞌ.

Gálatas 4:21 ပူးပေါင်းရင်းမြစ်များ

San Marcos 10:3

Ga̱a ne̱ cataj Jesús rihaan nij soꞌ a: ―Ne̱ da̱j cataj Moisés quiꞌya̱j soj ga̱ ―taj Jesús a.

San Lucas 16:29

Ga̱a ne̱ cataj Abraham rihaan soꞌ a: “Vaa snana̱ síí cuꞌna̱j Moisés do̱ꞌ, snana̱ nij síí nataꞌ snana̱ Yaꞌanj ga̱a naá do̱ꞌ, rihaan nij soꞌ a. Caꞌve̱e cuno̱ nij soꞌ nana̱ yoꞌ ado̱nj”, taj Abraham rihaan ruꞌvee a.

San Juan 10:34

Ga̱a ne̱ cataj Jesús a: ―Ma̱an se vaa nana̱ no̱ rihaan yanj no̱ tucuáán noco̱ꞌ soj, ne̱ nana̱ caꞌmii maꞌa̱n Yaꞌanj me nana̱ yoꞌ a. Dan me se cataj Yaꞌanj a: “ꞌU̱nj me síí cataj xnaꞌanj se vaa yaꞌanj me soj á”, taj Yaꞌanj rihaan nij síí caꞌmii snana̱ soꞌ ga̱a naá a.

San Juan 12:34

Ga̱a ne̱ cataj nij yuvii̱ rihaan Jesús a: ―A̱j neꞌen núj nana̱ no̱ rihaan Danj Yaꞌanj se vaa Síí Caꞌne̱j Yaꞌanj Ti̱nanii man Yuvii̱ rihaan Sayuun me se si̱j ca̱yáán nu̱ꞌ cavii nu̱ꞌ caꞌanj me soꞌ a. Ne̱ me cheꞌé cataj so̱ꞌ nihánj se vaa vaa cheꞌé na̱xcaj nii man Síí Caꞌnéé Yaꞌanj Ni̱caj Yuꞌunj man Yuvii̱ rihaan chumii̱ nihánj ga̱. Me cheꞌé cavi̱ꞌ soꞌ ga̱. Da̱j si̱j me Síí Caꞌnéé Yaꞌanj Ni̱caj Yuꞌunj man Yuvii̱, rá so̱ꞌ ga̱ ―taj nij yuvii̱, xnáꞌanj nij yuvii̱ man Jesús a.

San Juan 15:25

Tza̱j ne̱ nihánj me se quisi̱j ya̱ nu̱ꞌ nana̱ nihánj nana̱ no̱ rihaan stucua̱nj xi̱i nij soꞌ síí cuꞌna̱j Moisés a: “Quitáá riꞌyunj rmaꞌa̱n nij soꞌ manj a”, taj stucua̱nj Moisés yoꞌ ado̱nj.

Romanos 3:19

Dan me se yuvii̱ noco̱ꞌ stucua̱nj Moisés me nij síí israelitá, ne̱ dan me se neꞌen níꞌ se vaa nu̱ꞌ nana̱ yoꞌ nana̱ no̱ rihaan Danj Yaꞌanj roꞌ, taj xnaꞌanj rihaan nij soꞌ da̱j vaa maꞌa̱n nij soꞌ a. Nda̱a síj, ga̱a ne̱ gu̱un naꞌa̱j nij soꞌ ga̱ ꞌó nij yuvii̱ ma̱n rihaan chumii̱ nihánj, ne̱ queneꞌe̱n cunuda̱nj níꞌ se vaa vaa cheꞌé quiꞌya̱j Yaꞌanj sayuun man níꞌ na̱nj ado̱nj.

Romanos 6:14

Se̱ guun chij cacunꞌ rihaan soj ya̱j a̱ maꞌ. ꞌO̱ se neꞌen soj se vaa se̱ cutaꞌ Yaꞌanj cacunꞌ xráá soj sese se̱ canocoꞌ soj nu̱ꞌ stucua̱nj Moisés maꞌ. Tza̱j ne̱ me rá Yaꞌanj quiꞌya̱j Yaꞌanj se lu̱j cheꞌé soj, ne̱ navi̱j cacunꞌ tumé soj, ne̱ cavi̱i̱ sa̱ꞌ soj, quiꞌya̱j maꞌa̱n Yaꞌanj ado̱nj.

Gálatas 3:10

Nij síí nucua̱j rá man stucua̱nj Moisés me se se̱ cavii sa̱ꞌ nij soꞌ a̱ maꞌ. ꞌO̱ se taj Danj Yaꞌanj a: “Sese se̱ quiꞌyaj ꞌo̱ soꞌ cunuda̱nj nij nana̱ no̱ rihaan stucua̱nj Yaꞌanj nana̱ cataj xnaꞌanj Moisés, ne̱ se̱ cavii sa̱ꞌ soꞌ rihaan Yaꞌanj a̱ maꞌ”, taj Danj Yaꞌanj ado̱nj.

Gálatas 4:9

Tza̱j ne̱ cuano̱ nihánj me se neꞌen nij soj man maꞌa̱n ya̱ Yaꞌanj ado̱nj. Tza̱j ne̱ sa̱ꞌ doj cata̱j ꞌu̱nj se vaa neꞌen Yaꞌanj man nij soj chugua̱nj. Sese a̱j neꞌen soj man maꞌa̱n ya̱ Yaꞌanj, ga̱a ne̱ me cheꞌé ca̱nica̱j uún soj canoco̱ꞌ soj man nij yaꞌanj uun chij rihaan rasu̱u̱n ma̱n rihaan chumii̱ nihánj ga̱. Neꞌen soj se vaa se̱ guun nucua̱j nij soꞌ ra̱cuíj nij soꞌ man soj maꞌ. Taj yuꞌvee a̱ ꞌó xcoꞌ nó maꞌa̱n nij soꞌ a̱ maꞌ. Me cheꞌé me rá uún soj gu̱un soj mozó rihaan nij soꞌ ga̱.