Gálatas 4:19 - Triqui de San Juan Copala

¹⁹ Dan me se ase vaa taꞌníí ꞌu̱nj neꞌej roꞌ, da̱nj vaa nij soj, tinu̱j, nocoj. Cuano̱ nihánj me se uun cheꞌe̱ uún ꞌu̱nj nanó ndoꞌo rá ꞌu̱nj cheꞌé soj nda̱a vaa nanó rá ꞌu̱nj ga̱a rque̱ a. Dan me se ase vaa nanó rá chana̱ nichrunꞌ cuchru̱j neꞌej roꞌ, da̱nj vaa nanó rá ꞌu̱nj cheꞌé soj cuano̱ chugua̱nj. Ne̱ veé ina̱nj da̱nj nanó ndoꞌo rá uún ꞌu̱nj cheꞌé nij soj nda̱a nari̱ꞌ ya̱ ya̱ soj nda̱a vaa quiꞌyaj maꞌa̱n ya̱ Cristó na̱nj á.

Gálatas 4:19 ပူးပေါင်းရင်းမြစ်များ

San Lucas 22:44

Ne̱ nanó ndoꞌo rá nimán soꞌ, ne̱ nucua̱j ndoꞌo cachíín niꞌya̱j soꞌ rihaan Yaꞌanj, ne̱ cavii ndoꞌo nihaa̱ rihaan soꞌ, ne̱ ase vaa ton vaa nihaa̱ cavii rihaan soꞌ cayanj rihaan yoꞌóó a.

Romanos 13:14

Se̱ guun rá níꞌ quiꞌya̱j níꞌ nda̱a vaa me rá nee̱ man níꞌ maꞌ. Tana̱nj tu̱cuꞌyón níꞌ nda̱a vaa quiꞌyaj Jesucristó Si̱j ꞌNi̱j Raꞌa man níꞌ, ne̱ ase vaa quiꞌyaj soꞌ roꞌ, da̱nj ga̱a̱ quiꞌya̱j gue̱e̱ níꞌ na̱nj ado̱nj.

Romanos 8:29

Ga̱a naá me se queneꞌen Yaꞌanj se vaa canoco̱ꞌ níꞌ man soꞌ vaa güii, ga̱a ne̱ ꞌo̱ guun rá Yaꞌanj se vaa naquiꞌya̱j sa̱ꞌ Yaꞌanj nimán níꞌ a. Ne̱ ase vaa Taꞌníí Yaꞌanj síí cuꞌna̱j Jesucristó roꞌ, da̱nj ga̱a̱ níꞌ uún, ne̱ vaa güii cuma̱n ndoꞌo tinúú Jesucristó do̱ꞌ, raꞌvij Jesucristó do̱ꞌ, ne̱ soꞌ gu̱un síí chava̱ꞌ rihaan cunuda̱nj níꞌ a.

2 Corintios 12:14

Dan me se a̱j quiꞌyaj chuvi̱i uún ꞌu̱nj cuchi̱ꞌ ꞌu̱nj rihaan soj, ga̱a ne̱ quisi̱j vaꞌnu̱j cuchi̱ꞌ ꞌu̱nj rihaan soj, ne̱ asa̱ꞌ cuchíꞌ ꞌu̱nj rej ma̱n soj, ne̱ se̱ caꞌnéj ꞌu̱nj rasu̱u̱n man soj maꞌ. Ma̱an se maꞌa̱n soj nanóꞌ ꞌu̱nj ado̱nj. Dan me se ase vaa taꞌníj vaa soj rihanj, ne̱ ne nó xcúún xnii cara̱a sa̱ꞌ xnii rasu̱u̱n cheꞌé se vaa achiin rihaan rej xnii maꞌ. ꞌO̱ se ma̱an rej xnii no̱ xcúún cara̱a sa̱ꞌ rasu̱u̱n cheꞌé taꞌníí soꞌ ado̱nj.

Efesios 4:13

Ne̱ sa̱ꞌ doj cuchuma̱n rá níꞌ ni̱ꞌyaj níꞌ Taꞌníí Yaꞌanj, ne̱ sa̱ꞌ doj queneꞌe̱n níꞌ da̱j vaa soꞌ, ne̱ veꞌé cunu̱u rcuaꞌa̱a̱n ta̱ranꞌ níꞌ ado̱nj. Chij ina̱nj ga̱a̱ rá níꞌ, ga̱a ne̱ da̱j se sa̱ꞌ ndoꞌo vaa Cristó roꞌ, da̱nj ga̱a̱ sa̱ꞌ ta̱ranꞌ níꞌ na̱nj ado̱nj.

Efesios 4:24

Ne̱ caꞌve̱j soj gu̱un soj yuvii̱ naca̱ quiꞌya̱j Yaꞌanj á. Dan me se Yaꞌanj me síí quiꞌya̱j cunu̱u nica̱ ya̱ nimán soj, ne̱ cunu̱u sa̱ꞌ ya̱ nimán soj, quiꞌya̱j soꞌ ado̱nj.

Filipenses 1:8

Ne̱ Yaꞌanj me síí neꞌen ya̱ se vaa ase vaa ꞌe̱e̱ rá Cristó Jesús man nij soj roꞌ, veé da̱nj ꞌe̱e̱ gue̱e̱ rá ma̱ꞌanj man cunuda̱nj nij soj chugua̱nj.

Filipenses 2:17

Ne̱ nda̱ꞌ se nda̱a ayanj maꞌa̱n ton manj cheꞌé sayuun ránꞌ ꞌu̱nj cheꞌé se me ndoꞌo raj ꞌo̱ cuchuma̱n rá soj ni̱ꞌyaj soj Yaꞌanj, tza̱j ne̱ gu̱un niha̱ꞌ ndoꞌo rá nimanj, ne̱ gu̱un niha̱ꞌ ndoꞌo rá nimanj ga̱ soj ado̱nj.

Filipenses 2:5

Ase vaa rá maꞌa̱n Cristó Jesús roꞌ, da̱nj ga̱a̱ rá maꞌa̱n soj uún á.

Colosenses 1:27

Dan me se guun rá Yaꞌanj xca̱j cunuda̱nj níꞌ si̱j noco̱ꞌ man soꞌ cuentá cheꞌé nana̱ sa̱ꞌ yuve̱ nihánj nana̱ tihaa̱n naca̱ Yaꞌanj se vaa niꞌndaj ya̱ sa̱ꞌ quiꞌyaj Yaꞌanj cheꞌé soj si̱j yaníj na̱nj ado̱nj. Dan me se yuvii̱ yaníj me soj, tza̱j ne̱ ya̱nj Cristó nimán soj, ne̱ cheꞌé dan uun ya̱ rá níꞌ se vaa niꞌndaj ya̱ cavi̱i̱ sa̱ꞌ soj ga̱ Yaꞌanj vaa güii na̱nj ado̱nj.

Colosenses 2:1

Me rá ꞌu̱nj queneꞌe̱n nij soj se vaa ꞌyaj ndoꞌoj se‑su̱u̱n Cristó cheꞌé soj do̱ꞌ, cheꞌé nij síí noco̱ꞌ man Cristó ya̱nj chumanꞌ Laodicea do̱ꞌ, cheꞌé ꞌó nij yuvii̱ noco̱ꞌ man Cristó yuvii̱ ataa queneꞌe̱n manj do̱ꞌ a.

Colosenses 3:10

Cunuu sa̱ꞌ nimán soj, quiꞌyaj Yaꞌanj, ne̱ cheꞌé dan sa̱ꞌ doj namán nana̱ sa̱ꞌ cu̱u raa̱ soj ꞌo̱ ꞌo̱ güii ado̱nj. Neꞌen soj se vaa Yaꞌanj me síí quiꞌyaj man nimán soj se naca̱, ne̱ ase vaa maꞌa̱n Yaꞌanj roꞌ, da̱nj ga̱a̱ uún nimán soj ado̱nj.

Colosenses 4:12

Ne̱ veꞌé cuma̱n soj, rá síí cuꞌna̱j Epafras uún a. Síí cavii chiháán soj me soꞌ, ne̱ ꞌyaj uxrá soꞌ se‑su̱u̱n Cristó a. Ne̱ nu̱ꞌ güii achíín niꞌya̱j uxrá ya̱ soꞌ rihaan Yaꞌanj cheꞌé soj, ne̱ me rá soꞌ ga̱a̱ chij rá soj, ne̱ gu̱un ya̱ rá soj se vaa neꞌen soj da̱j me rá Yaꞌanj quiꞌya̱j soj a.

1 Tesalonicenses 2:7

Tana̱nj ase ꞌyaj nij chana̱ ga̱ taꞌníí chana̱ neꞌej roꞌ, da̱nj quiꞌyaj núj ga̱ soj ga̱a cayáán núj ga̱ soj, ne̱ veꞌé ina̱nj quiꞌyaj núj ga̱ soj ado̱nj.

1 Timoteo 1:2

ꞌYáá ꞌu̱nj yanj cartá nihánj caꞌne̱j ꞌu̱nj rihaan so̱ꞌ si̱j cuꞌna̱j Timoteo a. Dan me se tihaán ꞌu̱nj snana̱ Yaꞌanj rihaan so̱ꞌ, ne̱ cuchumán rá so̱ꞌ nana̱ yoꞌ, ne̱ cheꞌé dan ase vaa ꞌo̱ taꞌníj roꞌ, da̱nj vaa yá so̱ꞌ rihanj ado̱nj. Me rá ꞌu̱nj se vaa Rej níꞌ Yaꞌanj ga̱ Cristó Jesús Si̱j ꞌNi̱j Raꞌa man níꞌ quiꞌya̱j ndoꞌo se lu̱j cheꞌé so̱ꞌ, ne̱ ga̱a̱ ꞌe̱e̱ rá ro̱j soꞌ mán so̱ꞌ, ne̱ ga̱a̱ xe̱j nimán so̱ꞌ, quiꞌya̱j ro̱j soꞌ, raj a.

Tito 1:4

Dan me se qui̱ꞌyáá ꞌu̱nj yanj nihánj caꞌne̱j ꞌu̱nj rihaan so̱ꞌ si̱j cuꞌna̱j Titó a. Amán rá so̱ꞌ nana̱ sa̱ꞌ cheꞌé Cristó nana̱ natáꞌ ꞌu̱nj rihaan so̱ꞌ, ne̱ cuya̱a̱n vaa nana̱ amán rá níꞌ, ne̱ cheꞌé dan ase vaa ꞌo̱ taꞌníj roꞌ, da̱nj vaa so̱ꞌ rihanj, tinu̱j. Me rá ꞌu̱nj quiꞌya̱j Rej níꞌ Yaꞌanj do̱ꞌ, Cristó Jesús Si̱j Tinanii man níꞌ rihaan Sayuun do̱ꞌ, se lu̱j cheꞌé so̱ꞌ, ne̱ ga̱a̱ xe̱j nimán so̱ꞌ, quiꞌya̱j ro̱j soꞌ a.

Filemón 1:10

ne̱ cheꞌé dan cachi̱nj ni̱ꞌyáá ꞌu̱nj do̱j rihaan so̱ꞌ cheꞌé síí cuꞌna̱j Onésimo a. Dan me se ase vaa ꞌo̱ taꞌníj roꞌ, da̱nj vaa soꞌ rihanj cuano̱, cheꞌé se ga̱a ꞌni̱j ꞌu̱nj tagaꞌ, ne̱ cataj xnaꞌanj ꞌu̱nj rihaan soꞌ cheꞌé Cristó, ne̱ guun cheꞌe̱ soꞌ canocoꞌ soꞌ man Cristó na̱nj ado̱nj.

Filemón 1:19

Ma̱ꞌanj raꞌaj si̱j cuꞌna̱j Pabló cachronj nana̱ nihánj se vaa na̱ruꞌvee ꞌu̱nj cunuda̱nj se vaa quiꞌyaj xcúún soꞌ rihaan so̱ꞌ ado̱nj. Veé da̱nj vaa xcúún rihaan soꞌ do̱ꞌ, tza̱j ne̱ taj cheꞌé cata̱j xnaꞌanj ꞌu̱nj rihaan so̱ꞌ se vaa vaa xcúún rihaan ma̱ꞌán so̱ꞌ se vaa nanii so̱ꞌ rihaan sayuun nu̱ꞌ cavii nu̱ꞌ caꞌanj, quiꞌyaj ma̱ꞌanj ga̱a natáꞌ ꞌu̱nj snana̱ Cristó rihaan so̱ꞌ maꞌ.

Hebreos 5:7

Dan me se ga̱a chéé Jesús rihaan chumii̱ nihánj, ne̱ nacúún soꞌ rihaan Yaꞌanj ne̱ cachíín niꞌya̱j uxrá soꞌ se vaa ti̱nanii Yaꞌanj man soꞌ se̱ caviꞌ soꞌ, ne̱ cheꞌé dan nda̱a taꞌvee maꞌa̱n soꞌ a. Cheꞌé se si̱j aráj cochro̱j ya̱ rihaan Yaꞌanj me soꞌ, cheꞌé dan cuno ya̱ Yaꞌanj caꞌmii soꞌ,

Santiago 1:18

Guun rá soꞌ gu̱un taꞌni̱j soꞌ man níꞌ, ga̱a ne̱ cuno níꞌ snana̱ soꞌ nana̱ ya̱, quiꞌyaj soꞌ, ne̱ cheꞌé dan guun taꞌni̱j soꞌ man níꞌ ga̱a asino ya̱a̱n, ga̱a ne̱ vaa güii naquiꞌya̱j sa̱ꞌ soꞌ man cunuda̱nj nij rasu̱u̱n quiꞌyaj soꞌ a.

1 Juan 2:1

Ase vaa taꞌníí ꞌu̱nj roꞌ, da̱nj vaa soj, tinu̱j, nocoj. Ne̱ achrón ꞌu̱nj nu̱ꞌ nana̱ nihánj rihaan yanj nihánj, cheꞌé rej se̱ quiꞌyaj soj cacunꞌ maꞌ. Dan me se sese quiꞌya̱j níꞌ cacunꞌ, ne̱ vaa ꞌo̱ síí nica̱ ina̱nj nimán aꞌmii yuꞌunj cheꞌé níꞌ rihaan Rej níꞌ Yaꞌanj, ne̱ Jesucristó me soꞌ ado̱nj.

1 Juan 2:12

Dan me se achrón ꞌu̱nj nu̱ꞌ nana̱ nihánj naya̱a̱ soj xni̱i, cheꞌé se navij cacunꞌ tumé soj rihaan Yaꞌanj cheꞌé se noco̱ꞌ soj man Cristó ado̱nj.

1 Juan 5:21

Ase vaa taꞌníj vaa nij soj rihanj, tinu̱j, nocoj. Dan me se cata̱j xnaꞌanj ꞌu̱nj rihaan soj se vaa tu̱mé ndoꞌo soj man soj rihaan yaꞌanj quiꞌyaj maꞌa̱n yuvii̱ á.

3 Juan 1:4

Ne̱ taj va̱j ꞌó suun caꞌve̱e quiꞌya̱j gu̱un niha̱ꞌ doj raj a̱ maꞌ. Ma̱an se o̱rúnꞌ nana̱ cunó ꞌu̱nj se vaa veꞌé nocoꞌ nij síí guun taꞌníí ꞌu̱nj man tucuáán ya̱ na̱nj ado̱nj.