Gálatas 3:5 - Triqui de San Juan Copala

⁵ Ga̱a rqué Yaꞌanj Nimán soꞌ rihaan soj quiꞌya̱j ndoꞌo soj suun sa̱ꞌ noco̱o, ga̱a ne̱ me cheꞌé quiꞌyaj Yaꞌanj da̱nj, rá soj ga̱. Cheꞌé se canocoꞌ soj stucua̱nj Moisés me quiꞌyaj Yaꞌanj da̱nj naꞌ. Taj maꞌ. Cheꞌé se amán rá soj niꞌya̱j soj man Cristó me quiꞌyaj Yaꞌanj da̱nj chugua̱nj.

Gálatas 3:5 ပူးပေါင်းရင်းမြစ်များ

Hechos 14:3

Dan me se queꞌe̱e̱ güii sca̱ꞌ na̱nj caꞌmii natáj Pabló ga̱ Bernabé snana̱ Yaꞌanj Si̱j ꞌNi̱j Raꞌa man níꞌ a. Ne̱ Síí ꞌNi̱j Raꞌa man níꞌ roꞌ, racuíj man ro̱j soꞌ se vaa guun nucua̱j ro̱j soꞌ quiꞌyaj ndoꞌo ro̱j soꞌ suun sa̱ꞌ noco̱o niꞌya̱j nij yuvii̱, cheꞌé rej cuchuma̱n rá nij yuvii̱ se vaa ya̱ ya̱ vaa snana̱ ro̱j soꞌ nana̱ cheꞌé se lu̱j quiꞌyaj Síí ꞌNi̱j Raꞌa man níꞌ cheꞌé níꞌ a.

Romanos 10:17

Tza̱j ne̱ veé dan me se asino aꞌmii natáj nii rihaan yuvii̱ cheꞌé Cristó, ga̱a ne̱ uno nij yuvii̱, ne̱ xcaj nij yuvii̱ cuentá cheꞌé se vaa taj xnaꞌanj Yaꞌanj rihaan nij yuvii̱, ga̱a ne̱ amán rá nij yuvii̱ niꞌya̱j nij yuvii̱ man Yaꞌanj na̱nj ado̱nj.

Romanos 15:19

Dan me se guun nu̱cuáá ꞌu̱nj ꞌyáá ꞌu̱nj da̱j a̱ nij suun sa̱ꞌ noco̱o, ꞌyaj snucua̱j Nimán Yaꞌanj a. Ga̱a ne̱ xcaj yuvii̱ ya̱nj nu̱ꞌ anica̱j chumanꞌ Jerusalén cuentá cheꞌé nana̱ sa̱ꞌ cheꞌé Cristó, ne̱ nda̱a yuvii̱ ya̱nj ꞌó nij chumanꞌ ga̱nꞌ doj nda̱a estadó cuꞌna̱j Ilírico roꞌ, xcaj cuentá cheꞌé nana̱ sa̱ꞌ cheꞌé Cristó, quiꞌyáj a.

1 Corintios 12:10

ꞌÓ tinúú níꞌ me síí uun nucua̱j ꞌyaj suun sa̱ꞌ noco̱o, ne̱ ꞌó tinúú níꞌ uun nucua̱j nataꞌ nana̱ rqué Yaꞌanj rihaan, ne̱ ꞌó tinúú níꞌ me síí uun nucua̱j xcaj cuentá da̱j vaa nana̱ aꞌmii ꞌo̱ ꞌo̱ níꞌ, ne̱ soꞌ roꞌ, me síí neꞌen sese snana̱ Nimán Yaꞌanj aꞌmii níꞌ niꞌ, ase snana̱ Síí Chre̱e aꞌmii níꞌ a. Ne̱ vaa ꞌó tinúú níꞌ aꞌmii xnaꞌánj naca̱ xnaꞌánj ne neꞌen a̱ maꞌa̱n nij soꞌ maꞌ. Ne̱ ꞌó tinúú níꞌ roꞌ, me síí nataꞌ me se me raj cata̱a nana̱ caꞌmii tinúú níꞌ síí aꞌmii xnaꞌánj naca̱ yoꞌ a.

2 Corintios 10:4

Xa̱ꞌ se nucua̱j núj, tza̱j ne̱ né se nucua̱j ma̱n rihaan chumii̱ nihánj me yoꞌ maꞌ. ꞌO̱ se se nucua̱j rqué maꞌa̱n ya̱ Yaꞌanj man núj me yoꞌ ado̱nj. Cheꞌé dan gu̱un nucua̱j núj quiꞌya̱j canaán núj rihaan cunuda̱nj nij síí me rá cunu̱ꞌ ga̱ Yaꞌanj, ne̱ dan me se tiri̱ꞌ núj nana̱ tihaꞌ yuꞌunj nana̱ avii raa̱ yuvii̱,

2 Corintios 12:12

ꞌO̱ se da̱j a̱ nij suun sa̱ꞌ noco̱o ꞌyaj nij síí cuneꞌ Jesucristó roꞌ, quiꞌyáj niꞌya̱j soj, ne̱ dan me se naquiꞌyaj na̱j ndoꞌo ꞌu̱nj nimanj, ne̱ ne caꞌne̱ꞌ raj ga̱ suun ꞌyaj nij suun sa̱ꞌ noco̱o yoꞌ maꞌ.

2 Corintios 13:3

ꞌO̱ se sese da̱nj qui̱ꞌyáj, ne̱ gu̱un ya̱ rá soj se vaa ya̱ ya̱ Cristó me síí rqué nana̱ aꞌmii ꞌu̱nj rihaan soj na̱nj á. Xa̱ꞌ Cristó, tza̱j ne̱ né si̱j ninaj me soꞌ rihaan soj maꞌ. ꞌO̱ se si̱j gu̱un nucua̱j ndoꞌo tu̱mé man soj me Cristó ado̱nj.

2 Corintios 3:8

Táá a̱ suun vaa rihaan núj suun nataꞌ stucua̱nj Nimán Yaꞌanj chugua̱nj.

2 Corintios 9:10

Dan me se Yaꞌanj me síí rqué ꞌnúú rihaan síí unô naa̱, ne̱ Yaꞌanj me síí rqué se chá rihaan síí naꞌaan rque a. Ne̱ cavi̱i̱ sa̱ꞌ uxrá nij tinúú níꞌ cheꞌé se sa̱ꞌ quiꞌya̱j soj, quiꞌya̱j uún Yaꞌanj ado̱nj.

Gálatas 3:2

ꞌO̱ se me rá ꞌu̱nj xna̱ꞌanj ꞌu̱nj ꞌo̱ nana̱ man soj chugua̱nj: Cheꞌé se canocoꞌ nij soj stucua̱nj Moisés me catúj Nimán Yaꞌanj nimán soj naꞌ. Ase cheꞌé se amán rá soj cuno soj nana̱ sa̱ꞌ cheꞌé Cristó me catúj Nimán Yaꞌanj nimán soj xa̱ꞌ.

Filipenses 1:19

ꞌO̱ se neꞌén ꞌu̱nj se vaa cavi̱i̱ sa̱ꞌ ꞌu̱nj doj vaa güii, cheꞌé nu̱ꞌ se vaa ránꞌ ꞌu̱nj nihánj ado̱nj. Cavi̱i̱ sa̱ꞌ yá ꞌu̱nj doj cheꞌé se achíín niꞌya̱j soj rihaan Yaꞌanj cheꞌé ꞌu̱nj, ne̱ cheꞌé se racuíj ya̱ Nimán Jesucristó manj ado̱nj.