Gálatas 2:4 - Triqui de San Juan Copala

⁴ Tza̱j ne̱ do̱j nij síí tihaꞌ yuꞌunj taj se vaa tinúú níꞌ me nij soꞌ, tza̱j ne̱ taj maꞌ. Dan me se catúj yuve̱ nij soꞌ rej nuu chre̱ꞌ núj cheꞌé rej xca̱j nij soꞌ cuentá da̱j ꞌyaj núj a. ꞌO̱ se vaa yaꞌnúj rihaan níꞌ canoco̱ꞌ níꞌ man Cristó Jesús, ne̱ taj cheꞌé canoco̱ꞌ níꞌ nu̱ꞌ stucua̱nj Moisés nda̱a vaa guun rá nij síí tihaꞌ yuꞌunj quiꞌya̱j níꞌ a̱ maꞌ.

Gálatas 2:4 ပူးပေါင်းရင်းမြစ်များ

San Lucas 5:38

Cheꞌé dan araa nii na vinó naca̱ rque nuj naca̱, ne̱ ꞌo̱ mán sa̱ꞌ na vinó rque nuj yoꞌ na̱nj ado̱nj.

Hechos 15:1

Dan me se taꞌa̱j nij síí noco̱ꞌ man Jesucristó cavii estadó Judea, ne̱ caꞌanj nij soꞌ tucuꞌyón nij soꞌ rihaan ꞌó tinúú nij soꞌ se vaa sese se̱ cataꞌ taꞌngaꞌ man ꞌo̱ soꞌ nda̱a vaa taj stucua̱nj Moisés, ne̱ daj chiha̱a̱ míj se̱ caꞌvee nani̱i̱ soꞌ rihaan sayuun ne̱ cavi̱i̱ sa̱ꞌ soꞌ quiꞌya̱j Yaꞌanj maꞌ.

Hechos 15:24

Dan me se caꞌnaꞌ nana̱ rihaan núj se vaa do̱j tuviꞌ núj me síí caꞌmii nana̱ quiꞌyaj sayuun rihaan soj, ne̱ quiriꞌ rá nimán soj, quiꞌyaj nij síí caꞌmii nana̱ yoꞌ a. Tza̱j ne̱ né núj caꞌnéé man nij soꞌ maꞌ.

Hechos 20:30

Ne̱ nda̱a tuviꞌ maꞌa̱n ya̱ soj me síí gu̱un cheꞌe̱ tuguáj nij soꞌ nana̱ ya̱, cheꞌé se gu̱un rá nij soꞌ canoco̱ꞌ nij síí tucuꞌyón snana̱ Jesucristó man maꞌa̱n nij soꞌ a.

Romanos 8:15

Neꞌen soj se vaa chuꞌviꞌ mozó niꞌya̱j soꞌ se‑ruꞌve̱e̱ soꞌ, tza̱j ne̱ naꞌvej rá Yaꞌanj quiꞌya̱j soj da̱nj rihaan Yaꞌanj maꞌ. Se̱ cuchuꞌviꞌ nimán soj ni̱ꞌyaj soj Yaꞌanj maꞌ. ꞌO̱ se nica̱j yuꞌunj Yaꞌanj man soj, ne̱ guun taꞌni̱j Yaꞌanj man soj, ne̱ cheꞌé dan me ga̱a̱ niha̱ꞌ rá soj cata̱j soj “Ata̱j” rihaan Yaꞌanj á.

2 Corintios 11:13

Dan me se taj nij soꞌ se vaa me nij soꞌ síí cuneꞌ Cristó caꞌa̱nj nata̱ꞌ snana̱ soꞌ, tza̱j ne̱ aꞌmii ne̱ nij soꞌ, ne̱ tihaꞌ yuꞌunj nij soꞌ man soj na̱nj ado̱nj. Ne̱ ase vaa síí cuneꞌ Cristó roꞌ, da̱nj vaa nij soꞌ rá soj a.

2 Corintios 11:17

Né na̱na̱ rqué Síí ꞌNi̱j Raꞌa man níꞌ rihaan ꞌu̱nj me nana̱ nihánj nana̱ caꞌmi̱i̱ ꞌu̱nj rihaan soj cuano̱ maꞌ. Tana̱nj cheꞌé se snúú rma̱ꞌanj, dan caꞌmi̱i̱ ꞌu̱nj nana̱ nihánj rihaan soj na̱nj á.

2 Corintios 11:20

Ne̱ nda̱ꞌ se rii taꞌngaꞌ ndoꞌo nij soꞌ rihaan soj do̱ꞌ, nda̱ꞌ se aꞌnéj nij soꞌ nu̱ꞌ siꞌyaj soj do̱ꞌ, nda̱ꞌ se tihaꞌ yuꞌunj nij soꞌ man soj do̱ꞌ, nda̱ꞌ se sa̱ꞌ doj vaa nij soꞌ rihaan soj rá nij soꞌ do̱ꞌ, nda̱ꞌ se ase vaa síí oxro xruu̱ soj vaa nij soꞌ do̱ꞌ, tza̱j ne̱ veꞌé uno soj rihaan nij soꞌ na̱nj ado̱nj.

2 Corintios 11:26

Dan me se a̱j cachéé ndoꞌoj nu̱ꞌ nij chrej, ne̱ vaa ndoꞌo sayuun quiránꞌ ꞌu̱nj rihaan chráá do̱ꞌ, cheꞌé síí itu̱u̱ do̱ꞌ, cheꞌé nij síí israelitá ne nocoꞌ man Cristó do̱ꞌ, cheꞌé nij síí yaníj do̱ꞌ, rej chumanꞌ ma̱n ndoꞌo yuvii̱ do̱ꞌ, rej tacaan naco̱o̱ do̱ꞌ, rihaan na yaꞌa̱nj do̱ꞌ, cheꞌé nij síí tihaꞌ yuꞌunj manj se vaa tinúj me nij soꞌ do̱ꞌ a.

2 Corintios 3:17

Dan me se da̱nj vaa ese Nimán Yaꞌanj me Síí ꞌNi̱j Raꞌa man níꞌ, ne̱ dan me se rej ya̱nj Nimán Yaꞌanj me se vaa yaꞌnúj rej yoꞌ a.

Gálatas 1:7

Taj va̱j ꞌó nana̱ sa̱ꞌ maꞌ. Ma̱an se vaa do̱j síí me rá naquiꞌya̱j ino̱ nana̱ sa̱ꞌ cheꞌé Cristó cheꞌé yan gu̱un vi̱j rá soj chugua̱nj.

Gálatas 4:25

Da̱j se vaa quij Sinaí nicu̱nꞌ rej Arabia vaa Agar, ne̱ da̱j se vaa chumanꞌ Jerusalén na̱j cuano̱ vaa Agar uún, cheꞌé se nij síí chiha̱nj chuman' Jerusalén me se mozó me nij soꞌ a.

Gálatas 4:3

Ne̱ ase vaa xnii ataa cachi̱j roꞌ, taꞌngaꞌ da̱nj vaa maꞌa̱n níꞌ ga̱a rque̱, ne̱ ina̱nj neꞌen níꞌ canoco̱ꞌ níꞌ man nij yaꞌanj uun chij rihaan chumii̱ nihánj a.

Gálatas 5:1

ꞌO̱ se a̱j caꞌnéj Cristó nu̱ꞌ suun ta̱j xráá níꞌ, ne̱ cheꞌé dan vaa yaꞌnúj rihaan níꞌ canoco̱ꞌ níꞌ man Yaꞌanj cuano̱ ado̱nj. Cheꞌé dan me caꞌne̱j nucuaj soj nimán soj, ne̱ se̱ caꞌvej uún soj quiꞌya̱j soj suun uun mozó a̱ maꞌ. Se̱ guun rá soj canoco̱ꞌ soj nu̱ꞌ stucua̱nj Moisés a̱ maꞌ.

Gálatas 5:10

Dan me se ꞌu̱nj me se ꞌo̱ amán raj niꞌya̱j ꞌu̱nj man Síí ꞌNi̱j Raꞌa man níꞌ se vaa ꞌo̱ cuya̱a̱n ga̱a̱ rá soj ga̱ ꞌu̱nj chugua̱nj. Ne̱ síí aꞌmii ꞌó nana̱ roꞌ, tza̱j ne̱ naquiꞌyaj chru̱j soꞌ rihaan soj se vaa se̱ canocoꞌ sa̱ꞌ soj man Yaꞌanj chugua̱nj. Cheꞌé se ꞌyaj soꞌ da̱nj roꞌ, cheꞌé dan quira̱nꞌ soꞌ sayuun, quiꞌya̱j Yaꞌanj na̱nj ado̱nj. A̱ me maꞌa̱n si̱j me soꞌ, tza̱j ne̱ ya̱ quira̱nꞌ soꞌ sayuun, quiꞌya̱j Yaꞌanj á.

2 Timoteo 3:6

Atúj nij soꞌ rá veꞌ tucuá chana̱ ne acaj cuentá, ne̱ tihaꞌ yuꞌunj nij soꞌ man nij chana̱ ata̱ da̱j a̱ cacunꞌ qui̱j avii raa̱ maꞌa̱n nij noꞌ a.

Santiago 1:25

Ne̱ ase vaa espejó roꞌ, da̱nj vaa tucuáán sa̱ꞌ ina̱nj cuchruj Yaꞌanj rihaan níꞌ, ne̱ xcaj níꞌ cuentá da̱j me rá Yaꞌanj quiꞌya̱j níꞌ, ꞌyaj tucuáán sa̱ꞌ yoꞌ, tucuáán tinanii man níꞌ rihaan cacunꞌ a. Se̱ guun níꞌ síí tucuꞌyón rmaꞌa̱n nana̱ yoꞌ ne̱ niꞌyón nana̱ yoꞌ maꞌ. Tana̱nj quiꞌya̱j níꞌ nda̱a vaa taj nana̱ yoꞌ á. Ne̱ sese se̱ caꞌneꞌ rá níꞌ ga̱ nana̱ yoꞌ, ne̱ Yaꞌanj me síí quiꞌya̱j cavi̱i̱ sa̱ꞌ níꞌ ado̱nj.

1 Pedro 2:16

Neꞌen níꞌ se vaa si̱j chéé u̱u̱n me níꞌ, tza̱j ne̱ se̱ guun cata̱j níꞌ se vaa cheꞌé dan me caꞌve̱e quiꞌya̱j níꞌ me maꞌa̱n se chiꞌi̱i̱ maꞌ. Tana̱nj gu̱un níꞌ síí nu̱u̱ rihaan Yaꞌanj ado̱nj.

2 Pedro 2:19

Ne̱ ataꞌ tuꞌva nij síí narqué tucuáán ne̱ rihaan yuvii̱ a: “Caꞌve̱e quiꞌya̱j soj me maꞌa̱n se me rá soj á”, taj nij síí narqué tucuáán ne̱ rihaan nij síí tiha̱j uun yaníj rihaan nij síí ne acaj cuentá, tza̱j ne̱ maꞌa̱n nij soꞌ me mozó nu̱u̱ rihaan se tiriꞌ ado̱nj. ꞌO̱ se me maꞌa̱n rasu̱u̱n ꞌyaj canaán rihaan yuvii̱ roꞌ, yoꞌ me rasu̱u̱n ꞌyaj suun yuvii̱ rihaan, ne̱ mozó me yuvii̱ rihaan yoꞌ ado̱nj.

1 Juan 4:1

Tinu̱j, nocoj, se̱ guun cuno̱ soj me maꞌa̱n nana̱ maꞌ. Asino xca̱j soj cuentá sese nana̱ rqué Nimán Yaꞌanj me nana̱ caꞌmii ꞌo̱ soꞌ á. ꞌO̱ se a̱j caꞌnaꞌ ndoꞌo síí ne̱ rihaan chumii̱ nihánj, ne̱ taj nij soꞌ se vaa si̱j nataꞌ snana̱ Yaꞌanj me nij soꞌ, tza̱j ne̱ tuꞌva rmaꞌa̱n nij soꞌ na̱nj á.

Judas 1:4

ꞌO̱ se a̱j catúj yuve̱ do̱j nij síí narqué tucuáán ne̱ scaꞌnúj soj, ne̱ asi̱j naá ndoꞌo nó nana̱ rihaan Danj Yaꞌanj cheꞌé nij soꞌ se vaa vaa güii quira̱nꞌ nij soꞌ sayuun, quiꞌya̱j Yaꞌanj ado̱nj. Si̱j naꞌvej rá cuno̱ rihaan Yaꞌanj me nij soꞌ, ne̱ a̱j nariꞌ nij soꞌ nana̱ se vaa me rá Yaꞌanj caꞌne̱e̱ Yaꞌanj cacunꞌ xráá nij soꞌ, ne̱ cheꞌé dan taj nij soꞌ se vaa caꞌve̱e quiꞌya̱j nij soꞌ me maꞌa̱n se nij a. Dan me se o̱rúnꞌ Yaꞌanj me síí uun chij rihaan níꞌ, tza̱j ne taj cheꞌé cuno̱ nij soꞌ rihaan soꞌ do̱ꞌ, rihaan Jesucristó Si̱j ꞌNi̱j Raꞌa man níꞌ do̱ꞌ, rá nij soꞌ maꞌ.