Gálatas 2:21 - Triqui de San Juan Copala

²¹ Ne̱ naꞌvej rá ꞌu̱nj ta̱náj yaníj ꞌu̱nj se lu̱j quiꞌyaj Yaꞌanj cheꞌé ꞌu̱nj maꞌ. ꞌO̱ se vaa cheꞌé ya̱ quiꞌyaj Yaꞌanj se lu̱j ado̱nj. Dan me se sese caꞌve̱e ya̱ navi̱j cacunꞌ quiꞌya̱j stucua̱nj Moisés, ga̱a ne̱ caviꞌ u̱u̱n maꞌa̱n Cristó vaa ga̱a na̱nj ado̱nj.” Nu̱ꞌ nana̱ nihánj me nana̱ caꞌmii ꞌu̱nj rihaan Pedró ado̱nj.

Gálatas 2:21 ပူးပေါင်းရင်းမြစ်များ

San Marcos 7:9

Ne̱ cataj uún soꞌ a: ―Cuna̱j uxrá vaa ꞌyaj soj, rá soj, ne̱ utaꞌ yaníj soj suun caꞌneꞌ Yaꞌanj rihaan níꞌ, cheꞌé rej caꞌve̱e canoco̱ꞌ soj stucua̱nj maꞌa̱n soj asânj.

Romanos 10:3

Ne xca̱j nij soꞌ cuentá cheꞌé se vaa a̱j quiꞌyaj Yaꞌanj cheꞌé nij soꞌ, ne̱ ne xca̱j nij soꞌ cuentá se vaa caꞌve̱e cunu̱u sa̱ꞌ nij soꞌ rihaan Yaꞌanj, quiꞌya̱j maꞌa̱n Yaꞌanj maꞌ. Ma̱an se nanoꞌ maꞌa̱n nij soꞌ chrej cunu̱u sa̱ꞌ maꞌa̱n nij soꞌ rihaan Yaꞌanj, ne̱ cheꞌé dan ataa quiꞌya̱j nij soꞌ nda̱a vaa me rá Yaꞌanj quiꞌya̱j nij soꞌ, ne̱ cheꞌé dan ataa cunu̱u sa̱ꞌ nij soꞌ ado̱nj.

Romanos 11:6

Ina̱nj da̱nj quiꞌyaj maꞌa̱n Yaꞌanj cheꞌé taꞌa̱j nij yuvii̱ israelitá, tza̱j ne̱ né cheꞌe̱ se sa̱ꞌ quiꞌyaj maꞌa̱n nij soꞌ me narii Yaꞌanj man nij soꞌ maꞌ. Sese cheꞌe̱ se sa̱ꞌ quiꞌyaj nij soꞌ narii Yaꞌanj man nij soꞌ, ne̱ taj cheꞌé cata̱j níꞌ se vaa cunuu ꞌe̱e̱ rá u̱u̱n Yaꞌanj man nij soꞌ maꞌ.

Romanos 4:25

Dan me se caꞌvej rá Yaꞌanj cavi̱ꞌ Jesús cheꞌé cacunꞌ quiꞌyaj níꞌ, ne̱ cunuu iꞌna̱ꞌ uún soꞌ, quiꞌyaj Yaꞌanj, cheꞌé yan cunu̱u sa̱ꞌ nimán níꞌ rihaan maꞌa̱n Yaꞌanj ado̱nj.

Romanos 8:31

Dan me se Yaꞌanj me tuviꞌ níꞌ, ne̱ cheꞌé dan taj síí quisi̱j quiꞌya̱j sayuun man níꞌ maꞌ.

1 Corintios 15:14

Sese ya̱ ne cunu̱u iꞌna̱ꞌ uún Cristó, ga̱a ne̱ tuꞌva rmaꞌa̱n núj ga̱a aꞌmii natáj núj na̱nj á. Amán rmaꞌa̱n rá soj niꞌya̱j soj nana̱ aꞌmii núj ga̱a na̱nj á.

1 Corintios 15:17

Ne̱ sese ya̱ ne cunu̱u iꞌna̱ꞌ uún Cristó, ne̱ nana̱ amán rá soj yoꞌ roꞌ, nana̱ tihaꞌ yuꞌunj me yoꞌ vaa ga̱a na̱nj asânj. Ne̱ quira̱nꞌ maꞌa̱n soj sayuun cheꞌé nu̱ꞌ cacunꞌ tumé soj,

1 Corintios 15:2

Dan me se cheꞌe̱ nana̱ nihánj nana̱ natáꞌ ꞌu̱nj rihaan soj me nani̱i̱ soj rihaan sayuun, sese ꞌo̱ xraan canoco̱ꞌ soj nana̱ nihánj ado̱nj. Tza̱j ne̱ sese amán rmaꞌa̱n rá soj ꞌó nana̱ cheꞌé Cristó nana̱ ne̱, ga̱a ne̱ se̱ cavii sa̱ꞌ soj maꞌ.

Gálatas 2:16

Tza̱j ne̱ neꞌen níꞌ se vaa nda̱ꞌ se veꞌé nocoꞌ ꞌo̱ soꞌ stucua̱nj Moisés, tza̱j ne̱ se̱ cunuu sa̱ꞌ maꞌa̱n soꞌ rihaan Yaꞌanj maꞌ. ꞌO̱ se cunu̱u sa̱ꞌ ya̱ soꞌ rihaan Yaꞌanj sese cuchuma̱n rá soꞌ ni̱ꞌyaj soꞌ man Cristó ado̱nj. Dan me se cuchumán rá maꞌa̱n níꞌ niꞌya̱j níꞌ man Cristó Jesús, yan cunu̱u sa̱ꞌ níꞌ rihaan Yaꞌanj, tza̱j ne̱ se̱ cunuu sa̱ꞌ níꞌ, quiꞌya̱j stucua̱nj Moisés maꞌ. Ina̱nj da̱nj taj Danj Yaꞌanj á. A̱ ꞌó yuvii̱ se̱ cunuu sa̱ꞌ rihaan Yaꞌanj quiꞌya̱j stucua̱nj Moisés maꞌ, taj uún Danj Yaꞌanj ado̱nj.

Gálatas 2:18

Dan me se ma̱ꞌán ꞌu̱nj me síí tiriꞌ chrej canoco̱ꞌ stucua̱nj Moisés, ne̱ veé dan, ga̱a ne̱ sese gu̱un cheꞌe̱ uún ꞌu̱nj naquiꞌya̱j sa̱ꞌ uún ꞌu̱nj man chrej yoꞌ, ne̱ dan me se maꞌa̱n ina̱nj yá ꞌu̱nj me síí tumé cacunꞌ ga̱a na̱nj ado̱nj.

Gálatas 3:21

Tza̱j ne̱ ta̱j riꞌyunj stucua̱nj Moisés man nana̱ cataꞌ tuꞌva Yaꞌanj rihaan Abraham ga̱a naá, rá soj naꞌ. Daj chiha̱a̱ míj ne vaa da̱nj maꞌ. Tza̱j ne̱ sese caꞌve̱e gu̱un nucua̱j yuvii̱ quiꞌya̱j yuvii̱ ꞌo̱ tucuáán rqué Yaꞌanj, ne̱ ya̱ cunu̱u sa̱ꞌ yuvii̱ rihaan Yaꞌanj, quiꞌya̱j tucuáán yoꞌ ado̱nj. Tza̱j ne̱ se̱ guun nucua̱j yuvii̱ quiꞌya̱j yuvii̱ tucuáán vaa da̱nj maꞌ.

Hebreos 7:11

Dan me se nij síí noco̱ꞌ xnaꞌanj tuvi̱ꞌ ga̱ Aarón me nij xrej, ne̱ taꞌa̱j nij taꞌníí taꞌnij siꞌno̱ Leví me nij soꞌ, ne̱ tucuꞌyón nij soꞌ stucua̱nj Moisés rihaan nij yuvii̱ israelitá, tza̱j ne̱ ne quisi̱j cunu̱u sa̱ꞌ ina̱nj nij yuvii̱ israelitá, quiꞌyaj nij soꞌ maꞌ. ꞌO̱ se Danj Yaꞌanj taj se vaa ase vaa síí cuꞌna̱j Melquisedec roꞌ, da̱nj ga̱a̱ ꞌó xrej cune̱ꞌ Yaꞌanj, tza̱j ne̱ né si̱j noco̱ꞌ xnaꞌanj tuviꞌ ga̱ Aarón me xrej naca̱ yoꞌ maꞌ.