Gálatas 2:18 - Triqui de San Juan Copala

¹⁸ Dan me se ma̱ꞌán ꞌu̱nj me síí tiriꞌ chrej canoco̱ꞌ stucua̱nj Moisés, ne̱ veé dan, ga̱a ne̱ sese gu̱un cheꞌe̱ uún ꞌu̱nj naquiꞌya̱j sa̱ꞌ uún ꞌu̱nj man chrej yoꞌ, ne̱ dan me se maꞌa̱n ina̱nj yá ꞌu̱nj me síí tumé cacunꞌ ga̱a na̱nj ado̱nj.

Gálatas 2:18 ပူးပေါင်းရင်းမြစ်များ

Romanos 14:15

Sese yuꞌva̱ꞌ cha̱ꞌ ꞌo̱ rasu̱u̱n rá tinúú so̱ꞌ, ne̱ sese cha̱ so̱ꞌ man yoꞌ, ne̱ gu̱un rá soꞌ cha̱ soꞌ uún, ne̱ dan me se cha̱ soꞌ, ga̱a ne̱ quira̱nꞌ soꞌ cacunꞌ, qui̱ꞌyáá so̱ꞌ á. Sese da̱nj qui̱ꞌyáá so̱ꞌ, ne̱ né si̱j ꞌe̱e̱ rá man tinúú mé so̱ꞌ ga̱a a̱ maꞌ. Se̱ caꞌvej rá so̱ꞌ quira̱nꞌ tinúú so̱ꞌ cacunꞌ cheꞌé se chá chá so̱ꞌ maꞌ. ꞌO̱ se neꞌén so̱ꞌ se vaa caviꞌ Cristó cheꞌé maꞌa̱n tinúú so̱ꞌ ado̱nj.

Romanos 2:25

Cutaꞌ nii taꞌngaꞌ man nee̱ mán so̱ꞌ asânj. Cuna̱j vaa yoꞌ, sese ya̱ ꞌyáá so̱ꞌ nda̱a vaa taj stucua̱nj Moisés, tza̱j ne̱ sese ne ꞌyáá so̱ꞌ nda̱a vaa taj stucua̱nj Moisés, ne̱ taj se gúnꞌ man taꞌngaꞌ yoꞌ maꞌ.

Romanos 3:5

Vaa taꞌa̱j yuvii̱ ne acaj sa̱ꞌ cuentá cata̱j a: “Ga̱a ꞌyaj núj se chiꞌi̱i̱, ne̱ doj a̱ neꞌen yuvii̱ se vaa síí nica̱ ina̱nj rá me Yaꞌanj a. Sese da̱nj vaa, ne̱ ne nó xcúún Yaꞌanj quiꞌya̱j Yaꞌanj sayuun man núj cheꞌé se chiꞌi̱i̱ ꞌyaj núj maꞌ”, taj nij yuvii̱ yoꞌ a.

Gálatas 2:21

Ne̱ naꞌvej rá ꞌu̱nj ta̱náj yaníj ꞌu̱nj se lu̱j quiꞌyaj Yaꞌanj cheꞌé ꞌu̱nj maꞌ. ꞌO̱ se vaa cheꞌé ya̱ quiꞌyaj Yaꞌanj se lu̱j ado̱nj. Dan me se sese caꞌve̱e ya̱ navi̱j cacunꞌ quiꞌya̱j stucua̱nj Moisés, ga̱a ne̱ caviꞌ u̱u̱n maꞌa̱n Cristó vaa ga̱a na̱nj ado̱nj.” Nu̱ꞌ nana̱ nihánj me nana̱ caꞌmii ꞌu̱nj rihaan Pedró ado̱nj.

Gálatas 5:11

Aꞌmii natáj ma̱ꞌán ꞌu̱nj rihaan yuvii̱ se vaa cuta̱ꞌ nii taꞌngaꞌ man yuvii̱, rá soj naꞌ. Taj, maan tinu̱j, maan nocoj. Sese da̱nj vaa nana̱ aꞌmii natáj ꞌu̱nj, ne̱ ne caꞌma̱an rá yuvii̱ cuno̱ yuvii̱ nana̱ se vaa caviꞌ Cristó rihaan rcutze̱ asuun tza̱j maꞌ. Tza̱j ne̱ aꞌmaan rá nij yuvii̱ ado̱nj. Ne̱ ma̱an cheꞌé dan ꞌyaj ndoꞌo nij yuvii̱ sayuun manj ado̱nj.