Gálatas 2:17 - Triqui de San Juan Copala

¹⁷ ꞌO̱ se níꞌ si̱j israelitá me se canocoꞌ níꞌ man Cristó, ga̱a ne̱ caꞌve̱e xꞌne̱e̱ cacunꞌ xráá níꞌ quiꞌya̱j soꞌ, rá níꞌ, tza̱j ne̱ ꞌo̱ se veé da̱nj ꞌyaj níꞌ cacunꞌ ta̱ꞌ asuun xa̱ꞌ. Me cheꞌé ꞌyaj níꞌ da̱nj ga̱. ꞌO̱ se Cristó me síí caꞌneꞌ suun quiꞌya̱j níꞌ cacunꞌ, rá so̱ꞌ naꞌ. Taj maꞌ.

Gálatas 2:17 ပူးပေါင်းရင်းမြစ်များ

San Mateo 1:21

Dan me se cuchru̱j noꞌ neꞌej sno̱ꞌo, ne̱ JESÚS tu̱cuꞌnáj so̱ꞌ man neꞌej yoꞌ á. Da̱nj tu̱cuꞌnáj soj man soꞌ, cheꞌé se ti̱nanii soꞌ man nij tuviꞌ soꞌ rihaan cacunꞌ tumé nij soꞌ ado̱nj ―da̱nj cataj se‑mo̱zó Síí ꞌNi̱j Raꞌa man níꞌ rihaan José a.

San Lucas 20:16

ꞌO̱ se caꞌna̱ꞌ soꞌ vaa güii, ne̱ ticavi̱ꞌ soꞌ man nij síí nu̱u̱ tumé naa̱ yoꞌ, ne̱ ta̱cuachén soꞌ xnaa̱ soꞌ rihaan ꞌó síí tu̱mé man xnaa̱ soꞌ na̱nj ado̱nj ―taj Jesús rihaan nij yuvii̱ a. Ga̱a cuno nij yuvii̱ nana̱ nihánj, ne̱ cuchuꞌviꞌ ndoꞌo nij soꞌ, ne̱ cataj nij soꞌ a: ―O̱rúnꞌ ra̱a̱ Yaꞌanj me síí naca̱j man núj rihaan sayuun yoꞌ na̱nj chugua̱nj ―taj nij soꞌ rihaan Jesús a.

Romanos 11:7

Cuano̱ roꞌ, cunuda̱nj nij yuvii̱ israelitá me rá cunu̱u sa̱ꞌ rihaan Yaꞌanj, tza̱j ne̱ ne gu̱un nucua̱j cunuda̱nj nij soꞌ cunu̱u sa̱ꞌ maꞌa̱n nij soꞌ maꞌ. Tza̱j ne̱ narii Yaꞌanj man taꞌa̱j nij soꞌ, ne̱ cunuu sa̱ꞌ taꞌa̱j nij soꞌ rihaan Yaꞌanj, ne̱ quináj u̱u̱n ꞌó taꞌa̱j nij yuvii̱ israelitá yoꞌ a. Ne̱ xa̱ꞌ nij síí quináj me se ne gu̱un nucua̱j nij soꞌ daj chiha̱a̱ míj xca̱j nij soꞌ cuentá cheꞌé Yaꞌanj maꞌ.

Romanos 15:8

Dan me se cata̱j xnaꞌanj ꞌu̱nj rihaan nij soj cheꞌé suun quiꞌyaj Cristó cheꞌé nij yuvii̱ israelitá, ne̱ ga̱a naá me se cataj xnaꞌanj Yaꞌanj rihaan xi̱i nij yuvii̱ israelitá da̱j quiꞌya̱j Yaꞌanj cheꞌé nij soꞌ, ne̱ quisíj ya̱ nu̱ꞌ nana̱ yoꞌ, quiꞌyaj Cristó a.

Romanos 3:4

A̱ ꞌó xcoꞌ se̱ caꞌvee maꞌ. Cata̱j níꞌ se vaa síí aꞌmii ina̱nj nana ya̱ me Yaꞌanj, ne̱ síí aꞌmii nana̱ ne̱ me cunuda̱nj yuvii̱ á. Nana̱ no̱ rihaan Da̱nj Yaꞌanj taj a: Queneꞌe̱n yuvii̱ se vaa se sa̱ꞌ inanj me nana aꞌmii so̱ꞌ do̱ꞌ, se vaa nica̱ aꞌnéꞌ so̱ꞌ cacunꞌ do̱ꞌ a. Da̱nj taj Danj Yaꞌanj cheꞌé maꞌa̱n Yaꞌanj ado̱nj.

Romanos 3:6

A̱ ꞌó xcoꞌ ne ya̱ aꞌmii nij soꞌ a̱ maꞌ. ꞌO̱ se no̱ xcúún Yaꞌanj caꞌne̱ꞌ Yaꞌanj cacunꞌ cheꞌé cunuda̱nj yuvii̱ ma̱n rihaan chumii̱, ne̱ cheꞌé dan no̱ xcúún soꞌ quiꞌya̱j soꞌ sayuun man yuvii̱ quiꞌyaj cacunꞌ ado̱nj.

Gálatas 2:11

Cachén do̱j güii, ga̱a ne̱ cuchiꞌ Pedró chumanꞌ cuꞌna̱j Antioquía a. Tza̱j ne̱ quiꞌyaj soꞌ do̱j se nij, ne̱ tumé soꞌ cacunꞌ cheꞌé se nij quiꞌyaj soꞌ, rá ꞌu̱nj, ne̱ cheꞌé dan caꞌmii riha̱a̱n yáj ga̱ soꞌ rihaan cunuda̱nj yuvii̱, ne̱ cataj ꞌu̱nj se vaa tumé soꞌ cacunꞌ cheꞌé se vaa quiꞌyaj soꞌ a.

Gálatas 2:15

Dan me se yuvii̱ israelitá me níꞌ á. Né yuvi̱i̱ yaníj yuvii̱ ꞌyaj ndoꞌo cacunꞌ me níꞌ maꞌ.

Gálatas 3:21

Tza̱j ne̱ ta̱j riꞌyunj stucua̱nj Moisés man nana̱ cataꞌ tuꞌva Yaꞌanj rihaan Abraham ga̱a naá, rá soj naꞌ. Daj chiha̱a̱ míj ne vaa da̱nj maꞌ. Tza̱j ne̱ sese caꞌve̱e gu̱un nucua̱j yuvii̱ quiꞌya̱j yuvii̱ ꞌo̱ tucuáán rqué Yaꞌanj, ne̱ ya̱ cunu̱u sa̱ꞌ yuvii̱ rihaan Yaꞌanj, quiꞌya̱j tucuáán yoꞌ ado̱nj. Tza̱j ne̱ se̱ guun nucua̱j yuvii̱ quiꞌya̱j yuvii̱ tucuáán vaa da̱nj maꞌ.

Gálatas 6:14

Ne̱ xa̱ꞌ ꞌu̱nj, tza̱j ne̱ daj chiha̱a̱ míj se̱ caꞌmii xta̱ꞌ ꞌu̱nj maꞌ. ꞌO̱ se guun niha̱ꞌ rá ꞌu̱nj ina̱nj cheꞌé se caviꞌ Jesucristó Si̱j ꞌNi̱j Raꞌa man níꞌ rihaan rcutze̱ cheꞌé níꞌ ado̱nj. Ne̱ xa̱ꞌ chumii̱ nihánj, tza̱j ne̱ ase vaa se caviꞌ roꞌ, da̱nj vaa chumii̱ nihánj rihaan ꞌu̱nj, ne̱ da̱nj vaa ꞌu̱nj rihaan chumii̱ nihánj ado̱nj.

Hebreos 8:2

ne̱ nu̱u̱ soꞌ rihaan Yaꞌanj rá nuvií gue̱e̱ ya̱nj rej xta̱ꞌ, ne̱ né ꞌo̱ nuvií cuneꞌ yuvii̱ u̱u̱n me nuvií yoꞌ maꞌ. ꞌO̱ se nuvií cuneꞌ maꞌa̱n Síí ꞌNi̱j Raꞌa man níꞌ me nuvií yoꞌ ado̱nj.

1 Juan 3:5

Ne̱ neꞌen nij soj se vaa caꞌnaꞌ Cristó rihaan chumii̱ nihánj, cheꞌé rej caꞌve̱e tinavi̱j soꞌ cacunꞌ tumé yuvii̱, ne̱ a̱ doj cacunꞌ taj tumé soꞌ maꞌ.