Filipenses 4:9 - Triqui de San Juan Copala

⁹ Nu̱ꞌ nana̱ tucuꞌyón ꞌu̱nj man soj do̱ꞌ, nu̱ꞌ suun caꞌnéꞌ ꞌu̱nj rihaan soj do̱ꞌ, nu̱ꞌ nana̱ caꞌmii ꞌu̱nj cuno soj do̱ꞌ, nu̱ꞌ se vaa quiꞌyáá ꞌu̱nj queneꞌen soj do̱ꞌ roꞌ, da̱nj quiꞌya̱j uún soj á. Ga̱a ne̱ ca̱yáán Yaꞌanj si̱j ꞌyaj vaa xe̱j nimán níꞌ nimán soj ado̱nj.

Filipenses 4:9 ပူးပေါင်းရင်းမြစ်များ

San Mateo 1:23

Ni̱ꞌyaj soj á. Nari̱ꞌ ꞌo̱ chana̱ ya̱a̱n neꞌej, ne̱ cuchru̱j noꞌ neꞌej sno̱ꞌo, ne̱ Emanuel cuꞌna̱j neꞌej ado̱nj, da̱nj caꞌmii Yaꞌanj Si̱j ꞌNi̱j Raꞌa man níꞌ ga̱a naá rihaan síí nataꞌ snana̱ Yaꞌanj, ne̱ nana̱ Emanuel me raj cata̱a se vaa ca̱yáán maꞌa̱n Yaꞌanj ga̱ níꞌ ado̱nj.

San Mateo 28:20

Ne̱ tu̱cuꞌyón soj rihaan nij yuvii̱ se vaa quiꞌya̱j nij yuvii̱ nu̱ꞌ suun caꞌnéꞌ ꞌu̱nj rihaan soj á. Veé dan yu̱u̱n cheꞌe̱ cache̱e̱ ꞌu̱nj ga̱ soj da̱j a̱ güii, nda̱a se navi̱j nu̱ꞌ chumii̱ nihánj na̱nj ado̱nj ―taj Jesús rihaan nij soꞌ a.

San Mateo 7:21

’Neꞌen soj se vaa ma̱n ndoꞌo yuvii̱ taj rihanj se vaa ꞌu̱nj me Síí ꞌNi̱j Raꞌa man nij soꞌ, tza̱j ne̱ tuꞌva rmaꞌa̱n taꞌa̱j nij soꞌ na̱nj ado̱nj. Né cunuda̱nj nij síí taj neꞌen manj caꞌa̱nj ca̱yáán ga̱ Yaꞌanj asa̱ꞌ guun chij Yaꞌanj maꞌ. Tana̱nj ina̱nj nij síí uno rihaan Réé ꞌu̱nj síí nicu̱nꞌ xta̱ꞌ me síí ca̱yáán ga̱ soꞌ na̱nj ado̱nj.

San Lucas 6:46

Canica̱j Jesús, cataj soꞌ nana̱ nihánj a: ―Me cheꞌé taj soj se vaa Síí ꞌNi̱j Raꞌa man soj mej, tza̱j ne̱ ne uno soj rihanj ga̱.

San Lucas 8:21

Tza̱j ne̱ cataj Jesús rihaan nij yuvii̱ a: ―Ase vaa nií ꞌu̱nj do̱ꞌ, ase vaa tinúú ꞌu̱nj do̱ꞌ, vaa nij síí nihánj ado̱nj. ꞌO̱ se nanó xre̱j nij soꞌ snana̱ Yaꞌanj, ne̱ ꞌyaj nij soꞌ nda̱a vaa taj nana̱ yoꞌ ado̱nj ―taj Jesús rihaan nij yuvii̱ a.

San Juan 13:17

Ne̱ a̱j cuno soj nana̱ nihánj, ne̱ sese quiꞌya̱j soj nu̱ꞌ nana̱ nihánj, ne̱ ya̱ cavi̱i̱ sa̱ꞌ soj ado̱nj.

San Juan 15:14

Ne̱ nij soj me se tuvij me soj sese cuno̱ soj suun caꞌnéꞌ ꞌu̱nj rihaan soj na̱nj ado̱nj.

San Juan 2:5

Ga̱a ne̱ cataj xnaꞌanj nii Jesús rihaan nij mozó a: ―Quiꞌya̱j soj nu̱ꞌ se vaa cata̱j xnaꞌanj soꞌ rihaan soj á ―taj noꞌ rihaan nij mozó a.

Hechos 9:6

Tza̱j ne̱ na̱xaga̱a̱ so̱ꞌ caꞌa̱nj so̱ꞌ nda̱a chumanꞌ Damasco, ga̱a ne̱ cata̱j nii rihaan so̱ꞌ da̱j qui̱ꞌyáá so̱ꞌ á ―taj Jesús rihaan Saulo a.

Romanos 15:33

Xa̱ꞌ Yaꞌanj si̱j ꞌyaj vaa xe̱j nimán níꞌ, tza̱j ne̱ me raj ꞌo̱ ca̱yáán soꞌ ga̱ soj ado̱nj. Veé da̱nj ga̱a̱ ya̱ ado̱nj.

Romanos 16:20

Raꞌya̱nj quiꞌya̱j canaán soj rihaan Síí Chre̱e, quiꞌya̱j Yaꞌanj, si̱j ꞌyaj vaa xe̱j nimán níꞌ, ne̱ me raj quiꞌya̱j Jesús Si̱j ꞌNi̱j Raꞌa man níꞌ se lu̱j cheꞌé soj na̱nj ado̱nj.

1 Corintios 10:31

Dan me se nu̱ꞌ se cha̱ soj do̱ꞌ, nu̱ꞌ se coꞌo̱ soj do̱ꞌ, na̱j guun se quiꞌya̱j soj do̱ꞌ, ina̱nj cheꞌé Yaꞌanj quiꞌya̱j soj cunuda̱nj nij rasu̱u̱n yoꞌ, ga̱a ne̱ veꞌé doj caꞌmi̱i̱ yuvii̱ cheꞌé Yaꞌanj, quiꞌya̱j soj chugua̱nj.

1 Corintios 14:33

Dan me se xa̱ꞌ Yaꞌanj, tza̱j ne̱ né si̱j tinachej rasu̱u̱n me Yaꞌanj maꞌ. ꞌO̱ se Yaꞌanj roꞌ, me síí ꞌyaj nica̱ vaa nu̱ꞌ rasu̱u̱n ado̱nj. Dínj ga̱a̱ tuꞌva chana̱ ga̱a nuu chre̱ꞌ nij xꞌneꞌ nij soj si̱j noco̱ꞌ man Cristó á. Ne nó xcúún chana̱ caꞌmi̱i̱ chana̱ maꞌ. Ma̱an se nano̱ xre̱j noꞌ á. Ina̱nj da̱nj taj stucua̱nj Moisés, ne̱ ina̱nj da̱nj vaa tucuáán noco̱ꞌ cunuda̱nj nij xꞌneꞌ nij síí noco̱ꞌ man Cristó ma̱n da̱j a̱ chumanꞌ a.

1 Corintios 4:16

Cheꞌé dan me rqueé ꞌu̱nj man soj se vaa ase vaa ꞌyáá ꞌu̱nj roꞌ, da̱nj ga̱a̱ quiꞌya̱j gue̱e̱ soj uún a.

2 Corintios 13:11

Ne̱ vaa do̱j nana̱ me raj cata̱j xnaꞌanj ꞌu̱nj rihaan soj, tinu̱j, nocoj. Dan me se ga̱a̱ niha̱ꞌ ya̱ rá nimán soj á. Rquee̱ soj sa̱ꞌ doj ga̱a̱ nimán soj á. Ga̱a̱ nucua̱j rá soj quiꞌya̱j snana̱ ꞌu̱nj á. ꞌO̱ cuya̱a̱n ga̱a̱ rá nimán soj ga̱ tuviꞌ soj na̱nj á. Ga̱a̱ xe̱j nimán soj á. Ne̱ ca̱yáán Yaꞌanj si̱j ꞌyaj vaa xe̱j nimán níꞌ do̱ꞌ, si̱j ꞌyaj nuu ꞌe̱e̱ rá níꞌ tinúú níꞌ do̱ꞌ, ga̱ soj ado̱nj.

Filipenses 3:17

Xca̱j nij soj cuentá da̱j ꞌyaj ma̱ꞌanj do̱ꞌ, da̱j ꞌyaj nij síí noco̱ꞌ manj do̱ꞌ, ne̱ cuya̱a̱n da̱nj quiꞌya̱j gue̱e̱ soj uún á.

Filipenses 4:7

Da̱nj quiꞌya̱j soj, ga̱a ne̱ ꞌo̱ ga̱a̱ xe̱j nimán soj, quiꞌya̱j Yaꞌanj, nda̱ꞌ se ne neꞌen yuvii̱ da̱j ꞌyaj Yaꞌanj maꞌ. Ne̱ tu̱mé Yaꞌanj nimán soj ga̱ raa̱ soj cheꞌé se si̱j noco̱ꞌ man Cristó Jesús me soj ado̱nj.

1 Tesalonicenses 1:6

Ne̱ ase quiꞌyaj gue̱e̱ núj do̱ꞌ, ase ꞌyaj gue̱e̱ Síí ꞌNi̱j Raꞌa man níꞌ do̱ꞌ, da̱nj quiꞌyaj gue̱e̱ soj chugua̱nj. Dan me se nda̱ꞌ se quiranꞌ soj sayuun quiꞌyaj nij yuvii̱ ne nocoꞌ man Cristó, tza̱j ne̱ ꞌo̱ canocoꞌ soj snana̱ Yaꞌanj, ne̱ guun niha̱ꞌ rá soj, quiꞌyaj Nimán Yaꞌanj ado̱nj.

1 Tesalonicenses 2:14

ꞌO̱ se ase vaa quiranꞌ nij xꞌneꞌ nij síí noco̱ꞌ man Yaꞌanj síí ma̱n estadó Judea roꞌ, da̱nj quiranꞌ uún soj, cheꞌé se si̱j noco̱ꞌ man Cristó Jesús me ta̱ranꞌ soj, tinu̱j, nocoj. Dan me se quiranꞌ nij síí ma̱n estadó Judea sayuun, quiꞌyaj nij yuvii̱ israelitá síí ma̱n chiháán nij soꞌ, ne̱ quiranꞌ uún soj sayuun, quiꞌyaj nij síí ma̱n chiháán soj ado̱nj.

1 Tesalonicenses 5:23

Yaꞌanj roꞌ, me síí naquiꞌyaj xe̱j nimán níꞌ, ne̱ me rá núj cunu̱u sa̱ꞌ ina̱nj nimán soj rihaan soꞌ, quiꞌya̱j maꞌa̱n soꞌ, ne̱ tu̱mé Yaꞌanj man maꞌa̱n soj nda̱a se quisi̱j güii caꞌna̱ꞌ uún Jesucristó Si̱j ꞌNi̱j Raꞌa man níꞌ a. Ne̱ dan me se me rá núj tu̱mé Yaꞌanj man nimán soj do̱ꞌ, man nee̱ man soj do̱ꞌ, ne̱ a̱ ꞌó cacunꞌ se̱ tumé soj a̱ maꞌ.

2 Tesalonicenses 3:4

Ne̱ nucua̱j rá núj man Síí ꞌNi̱j Raꞌa man níꞌ se vaa ꞌo̱ ꞌyaj ya̱ soj nu̱ꞌ se vaa cataj núj rihaan soj, ne̱ dan me se veé ꞌo̱ da̱nj ya̱ quiꞌya̱j soj á.

2 Timoteo 4:22

Me rá ꞌu̱nj ca̱yáán Síí ꞌNi̱j Raꞌa man níꞌ ga̱ nimán so̱ꞌ, ne̱ quiꞌya̱j ndoꞌo Yaꞌanj se lu̱j cheꞌé nij soj ado̱nj.

Santiago 1:22

Se̱ guun catu̱u̱ rmaꞌa̱n snana̱ Yaꞌanj xréé níꞌ maꞌ. Tana̱nj quiꞌya̱j níꞌ nda̱a vaa taj Yaꞌanj ado̱nj. Sese se̱ quiꞌyaj níꞌ da̱nj, ne̱ tiha̱ꞌ yuꞌunj níꞌ man maꞌa̱n níꞌ ga̱a na̱nj á.

2 Pedro 1:10

Cheꞌé dan me doj a̱ te̱rquee̱ ndoꞌo soj canoco̱ꞌ xraan soj man Yaꞌanj, tinu̱j, nocoj. Dan, ga̱a ne̱ queneꞌe̱n ya̱ soj se vaa nacúún Yaꞌanj man soj ne̱ narii Yaꞌanj man soj cavi̱i̱ sa̱ꞌ soj ga̱ soꞌ, ne̱ daj chiha̱a̱ míj se̱ quiriꞌ soj rihaan Yaꞌanj maꞌ.

1 Juan 3:22

Dan me se me maꞌa̱n rasu̱u̱n cachi̱nj níꞌ rihaan Yaꞌanj, ne̱ rque̱ Yaꞌanj cunuda̱nj se vaa cachi̱nj niꞌya̱j níꞌ rihaan soꞌ, cheꞌé se si̱j uno suun caꞌneꞌ soꞌ me níꞌ, ne̱ uun niha̱ꞌ rá soꞌ niꞌya̱j soꞌ se sa̱ꞌ ꞌyaj níꞌ ado̱nj.