Filipenses 4:8 - Triqui de San Juan Copala

⁸ Dan me se ina̱nj cheꞌé se ya̱ do̱ꞌ, cheꞌé se sa̱ꞌ do̱ꞌ, cheꞌé tucuáán sa̱ꞌ do̱ꞌ, cheꞌé se lu̱j do̱ꞌ, cheꞌé se nica̱ vaa nimán do̱ꞌ, cheꞌé se niꞌya̱nj do̱ꞌ, nuchru̱j ra̱a̱ soj, tinu̱j, nocoj. Dan me se sese veꞌé vaa se ꞌyaj ꞌo̱ soꞌ rá soj, ne̱ xca̱j soj cuentá, ne̱ nuchru̱j ra̱a̱ soj da̱j ꞌyaj soꞌ á.

Filipenses 4:8 ပူးပေါင်းရင်းမြစ်များ

San Mateo 22:16

Ga̱a ne̱ caꞌnéé nij soꞌ man nij síí tucuꞌyón snana̱ maꞌa̱n nij soꞌ do̱ꞌ, man nij síí noco̱ꞌ man síí cuꞌna̱j Herodes do̱ꞌ, cuchi̱ꞌ nij soꞌ rihaan Jesús a. Ne̱ cataj nij soꞌ rihaan Jesús a: ―Neꞌen núj se vaa nana̱ ya̱ ina̱nj aꞌmii so̱ꞌ, ne̱ ya̱ tucuꞌyón so̱ꞌ rihaan yuvii̱ da̱j quiꞌya̱j yuvii̱ canoco̱ꞌ yuvii̱ man Yaꞌanj, maestro. Ne̱ ne chuꞌvíꞌ so̱ꞌ niꞌya̱j so̱ꞌ man yuvii̱ da̱j cata̱j yuvii̱ maꞌ. Ne̱ ꞌo̱ cuya̱a̱n vaa nu̱ꞌ yuvii̱ rihaan so̱ꞌ chugua̱nj.

San Marcos 6:20

ꞌO̱ se cuchuꞌviꞌ Herodes niꞌya̱j soꞌ man Juan, cheꞌé se queneꞌen Herodes se vaa síí nica̱ rá síí sa̱ꞌ nimán rihaan Yaꞌanj me Juan, ne̱ cheꞌé dan caráán Herodes rihaan se chiꞌi̱i̱ cheꞌé Juan a. Dan me se ga̱a cuno Herodes snana̱ Juan, ne̱ nitunj ndoꞌo nimán soꞌ, tza̱j ne̱ guun niha̱ꞌ rá soꞌ caꞌmi̱i̱ Juan rihaan soꞌ a.

San Lucas 16:15

Ga̱a ne̱ cataj Jesús rihaan nij soꞌ a: ―Xa̱ꞌ soj, tza̱j ne̱ nuviꞌ cacunꞌ tumé soj niꞌya̱j yuvii̱, ꞌyaj soj maꞌ. Tza̱j ne̱ Yaꞌanj roꞌ, me síí neꞌen ya̱ da̱j vaa nimán soj ado̱nj. ꞌO̱ se sa̱ꞌ uxrá vaa ꞌyaj yuvii̱, rá tuviꞌ yuvii̱, tza̱j ne̱ chiꞌi̱i̱ ndoꞌo ꞌyaj nij yuvii̱, rá Yaꞌanj na̱nj ado̱nj.

San Lucas 2:25

Dan me se cayáán ꞌo̱ chii nga̱ cuꞌna̱j Simeón chumanꞌ Jerusalén a. Si̱j vaa nica̱ nimán me soꞌ, ne̱ si̱j noco̱ꞌ uxrá man Yaꞌanj me uún soꞌ, ne̱ quisíj queꞌe̱e̱ yoꞌ naꞌvi̱j uxrá soꞌ se vaa ti̱nanii Yaꞌanj man nij yuvii̱ israelitá rihaan sayuun a. Ya̱nj Nimán Yaꞌanj nimán soꞌ,

San Lucas 23:50

Vaa ꞌo̱ síí cuꞌna̱j José, ne̱ síí sa̱ꞌ do̱ꞌ, síí nica̱ nimán do̱ꞌ, me soꞌ, ne̱ síí cavii chumanꞌ Arimatea ꞌo̱ chumanꞌ na̱j estadó Judea me soꞌ a. Ne̱ ꞌo̱ tuviꞌ Xꞌneꞌ Nij Síí Ata̱ Suun Noco̱o Doj rihaan nij yuvii̱ israelitá me soꞌ a.

San Juan 7:18

Xa̱ꞌ síí aꞌmii snana̱ maꞌa̱n, tza̱j ne̱ ina̱nj me rá soꞌ caꞌmi̱i̱ sa̱ꞌ yuvii̱ cheꞌé maꞌa̱n soꞌ ado̱nj. Tza̱j ne̱ sese me rá ꞌo̱ soꞌ caꞌmi̱i̱ sa̱ꞌ yuvii̱ cheꞌé síí caꞌnéé man soꞌ, ne̱ ina̱nj nana̱ ya̱ cheꞌé síí caꞌnéé man soꞌ aꞌmii soꞌ, ne̱ ne nanoꞌ soꞌ chrej chiꞌi̱i̱ maꞌ.

Hechos 10:22

Ga̱a ne̱ cataj nij soꞌ a: ―Caꞌmii ꞌo̱ se‑mo̱zó Yaꞌanj mozó gue̱e̱ rihaan ꞌo̱ síí cuꞌna̱j Cornelió, ne̱ soꞌ roꞌ, me tanuu capitán ꞌni̱j raꞌa cientó tanuu a. Ne̱ cunuda̱nj nij yuvii̱ israelitá taj se vaa síí vaa nica̱ nimán me soꞌ ne̱ síí aráj cochro̱j ndoꞌo rihaan Yaꞌanj me uún soꞌ a. Ne̱ dan me se cataj xnaꞌanj se‑mo̱zó Yaꞌanj rihaan soꞌ se vaa nacu̱nj soꞌ mán so̱ꞌ cuchi̱ꞌ so̱ꞌ veꞌ tucuá soꞌ ne̱ cuno̱ soꞌ nana̱ nata̱ꞌ so̱ꞌ rihaan soꞌ a ―taj nij soꞌ rihaan Pedró a.

Hechos 22:12

’Dan me se chumanꞌ Damasco roꞌ, yáán ꞌo̱ síí cuꞌna̱j Ananías, ne̱ síí veꞌé noco̱ꞌ man Yaꞌanj me soꞌ, ne̱ síí quiꞌyaj nu̱ꞌ stucua̱nj Moisés me soꞌ, ne̱ cunuda̱nj nij yuvii̱ israelitá ya̱nj chumanꞌ Damasco taj se vaa si̱j sa̱ꞌ me soꞌ a.

Hechos 6:3

Cheꞌé dan nari̱i̱ nij soj chi̱j tinúú níꞌ síí veꞌé aꞌmii nii niꞌya̱j nii man, tinu̱j. Dan me se nano̱ꞌ soj síí nu̱u̱ ndoꞌo Nimán Yaꞌanj nimán, ne̱ síí cu̱u raa̱ nano̱ꞌ soj, ne̱ cune̱ꞌ núj man nij soꞌ se vaa quiꞌya̱j nij soꞌ suun nihánj á.

Romanos 13:13

Cheꞌé se cuchugu̱u̱n nimán níꞌ, cheꞌé dan ina̱nj veꞌé quiꞌya̱j níꞌ, ne̱ se̱ cachéé níꞌ chaꞌanj snúú rmaꞌa̱n do̱ꞌ, se̱ guun xno̱ níꞌ do̱ꞌ, se̱ cotoj níꞌ ga̱ ꞌó yuvii̱ né ni̱ca̱ níꞌ me do̱ꞌ, se̱ canó tuviꞌ níꞌ do̱ꞌ, se̱ guun xco̱j ruva̱a̱ rá níꞌ ni̱ꞌyaj níꞌ tuviꞌ níꞌ do̱ꞌ maꞌ.

Romanos 13:3

Nij yuvii̱ ne ꞌyaj sayuun roꞌ, taj cheꞌé cuchuꞌvi̱ꞌ nij soꞌ rihaan nij síí nica̱j suun maꞌ. Ma̱an ina̱nj síí ꞌyaj sayuun cuchuꞌvi̱ꞌ rihaan nij soꞌ a. Ne̱ cheꞌé dan sese naꞌvej rá soj cuchuꞌvi̱ꞌ soj rihaan nij síí nica̱j suun, ne̱ veꞌé quiꞌya̱j soj, ne̱ veꞌé caꞌmi̱i̱ nij síí nica̱j suun cheꞌé soj ado̱nj.

Romanos 14:18

Dan me se nij síí ꞌyaj da̱nj roꞌ, ya̱ si̱j noco̱ꞌ man Cristó me nij soꞌ, ne̱ gu̱un niha̱ꞌ rá Yaꞌanj ni̱ꞌyaj Yaꞌanj man nij soꞌ, ne̱ cata̱j yuvii̱ ne nocoꞌ man Cristó se vaa veꞌé ꞌyaj nij soꞌ a.

Romanos 2:29

Caꞌve̱e se nu̱ꞌ nana̱ no̱ rihaan yanj nocoꞌ ꞌo̱ soꞌ, tza̱j ne̱ né si̱j israelitá veꞌé noco̱ꞌ man Yaꞌanj me soꞌ, quiꞌya̱j yanj yoꞌ, ni̱ꞌyaj Yaꞌanj maꞌ. Tza̱j ne̱ me maꞌa̱n síí noco̱ꞌ ya̱ man Yaꞌanj ne̱ nahuun sa̱ꞌ nimán, ne̱ ase vaa ꞌo̱ yuvii̱ israelitá roꞌ, da̱nj ga̱a̱ soꞌ rihaan Yaꞌanj, ne̱ caꞌve̱e se caꞌmi̱i̱ yuvii̱ nana̱ chiꞌi̱i̱ cheꞌé soꞌ, tza̱j ne̱ ne rihuun rá soꞌ maꞌ. ꞌO̱ se maꞌa̱n Yaꞌanj cata̱j se vaa sa̱ꞌ ndoꞌo quiꞌyaj soꞌ ado̱nj.

1 Corintios 4:5

Cheꞌé dan se̱ guun naquiꞌya̱j cu̱u soj cheꞌé yuvii̱ maꞌ. Ma̱an se na̱ꞌvi̱j soj caꞌna̱ꞌ uún Síí ꞌNi̱j Raꞌa man níꞌ rihaan chumii̱ nihánj na̱nj á. Cuano̱ nihánj me se ne neꞌen sa̱ꞌ níꞌ da̱j vaa ꞌyaj ꞌo̱ ꞌo̱ yuvii̱, tza̱j ne̱ asa̱ꞌ caꞌnaꞌ Síí ꞌNi̱j Raꞌa man níꞌ, ne̱ ti̱haa̱n soꞌ rihaan níꞌ da̱j vaa rá nimán ꞌo̱ ꞌo̱ yuvii̱ ma̱n rihaan chumii̱ nihánj, ne̱ sese sa̱ꞌ vaa rá nimán ꞌo̱ soꞌ, ne̱ maꞌa̱n Yaꞌanj cata̱j se vaa sa̱ꞌ quiꞌyaj soꞌ ado̱nj.

2 Corintios 13:7

ꞌO̱ se achíín niꞌya̱j núj rihaan Yaꞌanj se vaa a̱ ꞌó se chiꞌi̱i̱ se̱ quiꞌyaj soj maꞌ. Né cheꞌe̱ se me rá núj cata̱j yuvii̱ se vaa sa̱ꞌ quiꞌyaj núj me achíín niꞌya̱j núj da̱nj maꞌ. Tana̱nj cheꞌé se me rá núj sa̱ꞌ ina̱nj quiꞌya̱j soj, cheꞌé dan achíín niꞌya̱j núj da̱nj rihaan Yaꞌanj ado̱nj. Caꞌve̱e se cata̱j yuvii̱ se vaa síí tihaꞌ yuꞌunj me maꞌa̱n núj, tza̱j ne̱ ꞌo̱ sa̱ꞌ quiꞌya̱j soj na̱nj á.

2 Corintios 6:8

Vaa yuvii̱ aꞌmii cochro̱j cheꞌé núj ne̱ vaa yuvii̱ aꞌmii nij cheꞌé núj, vaa yuvii̱ taj se vaa se nij ꞌyaj núj ne̱ vaa yuvii̱ taj se vaa se sa̱ꞌ ꞌyaj núj, ne̱ vaa yuvii̱ taj se vaa síí ne̱ me núj, tza̱j ne̱ nana̱ ya̱ aꞌmii núj ado̱nj.

2 Corintios 8:18

Ne̱ cuchi̱ꞌ ꞌó tinúú níꞌ ga̱ Titó, ne̱ ꞌó soꞌ roꞌ, me síí aꞌmii natáj ndoꞌo nana̱ sa̱ꞌ cheꞌé Cristó, ne̱ cheꞌé dan veꞌé aꞌmii ta̱ranꞌ nij xꞌneꞌ nij síí noco̱ꞌ man Cristó niꞌya̱j nij soꞌ man soꞌ a.

2 Corintios 8:21

ꞌO̱ se nuchruj ra̱a̱ núj da̱j quiꞌya̱j núj ne̱ cara̱nꞌ rá Síí ꞌNi̱j Raꞌa man níꞌ ni̱ꞌyaj soꞌ man núj, ne̱ cara̱nꞌ rá yuvii̱ uún ni̱ꞌyaj nij yuvii̱ man núj ado̱nj.

Gálatas 5:22

Tza̱j ne̱ sese ina̱nj rihaan Nimán Yaꞌanj cuno̱ níꞌ, ne̱ ga̱a̱ ꞌe̱e̱ rá níꞌ tuviꞌ níꞌ do̱ꞌ, gu̱un niha̱ꞌ ya̱ rá nimán níꞌ do̱ꞌ, ga̱a̱ xe̱j nimán níꞌ do̱ꞌ, ga̱a̱ ina̱j nimán níꞌ do̱ꞌ, veꞌé quiꞌya̱j níꞌ rihaan yuvii̱ do̱ꞌ, ga̱a̱ sa̱ꞌ nimán níꞌ do̱ꞌ, ꞌo̱ cuchuma̱n rá níꞌ do̱ꞌ,

Efesios 4:25

Cheꞌé dan caꞌne̱ꞌ rá soj ga̱ nana̱ ne̱, ne̱ ina̱nj nana̱ ya̱ caꞌmi̱i̱ soj rihaan tinúú soj, cheꞌé se ase vaa nee̱ man maꞌa̱n soj roꞌ, vaa nee̱ man ta̱ranꞌ nij tinu̱j níꞌ ado̱nj.

Efesios 5:9

Síí chéé rej ranga̱ꞌ roꞌ, sa̱ꞌ ꞌyaj soꞌ, ne̱ nica̱ vaa nimán soꞌ, ne̱ nana̱ ya̱ ina̱nj aꞌmii soꞌ ado̱nj.

Efesios 6:14

Dan me se nano̱ꞌ soj da̱j quiꞌya̱j soj cunu̱ꞌ soj ga̱ Síí Chre̱e yoꞌ á. Uxrá canoco̱ꞌ soj nana̱ ya̱, ne̱ ase vaa nuj ꞌni̱j catuu̱n tanuu roꞌ, da̱nj ga̱a̱ nana̱ yoꞌ rihaan soj, ne̱ gu̱un nucua̱j soj cunu̱ꞌ soj ga̱ Síí Chre̱e yoꞌ ado̱nj. Ne̱ caꞌve̱j soj cunu̱u sa̱ꞌ nimán soj rihaan Yaꞌanj, ne̱ ase vaa agaꞌ aráán nu̱ꞌ rucua̱a̱ tanuu roꞌ, da̱nj ga̱a̱ se ca̱ráán nimán soj, quiꞌya̱j Yaꞌanj, ga̱a ne̱ se̱ guun nucua̱j Síí Chre̱e quiꞌya̱j chiꞌi̱i̱ Síí Chre̱e yoꞌ nimán soj a̱ maꞌ.

Filipenses 3:1

Dan me se ga̱a̱ niha̱ꞌ ya̱ rá nimán soj ni̱ꞌyaj soj man Síí ꞌNi̱j Raꞌa man níꞌ, tinu̱j, nocoj. Né sayu̱u̱n vaa achrón uún ꞌu̱nj nana̱ nihánj naya̱a̱ soj maꞌ. Ne̱ cavi̱i̱ sa̱ꞌ doj soj, sese cuno̱ soj nana̱ nihánj chugua̱nj.

Colosenses 4:5

Asa̱ꞌ chéé soj ga̱ nij síí ataa cuchuma̱n rá ni̱ꞌyaj man Cristó, ne̱ sa̱ꞌ nuchru̱j ra̱a̱ soj da̱j caꞌmi̱i̱ soj ga̱ nij soꞌ, ne̱ se̱ quiriꞌ u̱u̱n tiempó quiꞌya̱j soj ga̱ nij soꞌ maꞌ.

1 Tesalonicenses 4:12

Sese da̱nj quiꞌya̱j soj, ne̱ nij síí ne nocoꞌ man Cristó roꞌ, cata̱j nij soꞌ se vaa veꞌé ꞌyaj soj, ne̱ se̱ cachiin a̱ doj rasu̱u̱n man soj maꞌ.

1 Timoteo 2:2

Ne̱ cachi̱nj niꞌya̱j soj cheꞌé cunuda̱nj nij síí nica̱j suun, ga̱a ne̱ ga̱a̱ dínj ca̱yáán níꞌ rihaan chumii̱ nihánj, ne̱ veꞌé quiꞌya̱j níꞌ, canoco̱ꞌ níꞌ man Yaꞌanj á.

1 Timoteo 3:11

Veé da̱nj ga̱a̱ gue̱e̱ nij chana̱ uún, ne̱ chij ga̱a̱ rá nij noꞌ do̱ꞌ, se̱ caꞌmii ne̱ nij noꞌ do̱ꞌ, chij caꞌmi̱i̱ nij noꞌ do̱ꞌ, ꞌo̱ veꞌé quiꞌya̱j nij noꞌ da̱j a̱ rasu̱u̱n do̱ꞌ á.

1 Timoteo 3:4

Ma̱an se yan ga̱a̱ soꞌ me se sa̱ꞌ uxrá tu̱mé soꞌ tucuá soꞌ ne̱ gu̱un chij soꞌ do̱ꞌ, veꞌé uxrá cuno̱ taꞌníí soꞌ rihaan soꞌ do̱ꞌ, veꞌé cara̱j cochro̱j taꞌníí soꞌ rihaan soꞌ do̱ꞌ ado̱nj.

1 Timoteo 4:12

ꞌO̱ se xnii mé so̱ꞌ, ne̱ ataa cachi̱j so̱ꞌ, tza̱j ne̱ taj se ꞌyaj yoꞌ maꞌ. Se̱ guun cata̱j yuvii̱ se vaa taj se uún so̱ꞌ maꞌ. Ma̱an se veꞌé qui̱ꞌyáá so̱ꞌ nu̱ꞌ tucuáán noco̱ꞌ níꞌ, se vaa veꞌé caꞌmi̱i̱ so̱ꞌ do̱ꞌ, veꞌé qui̱ꞌyáá so̱ꞌ do̱ꞌ, ga̱a̱ ꞌe̱e̱ rá so̱ꞌ man tinúú so̱ꞌ do̱ꞌ, ga̱a̱ nucua̱j rá so̱ꞌ man Yaꞌanj do̱ꞌ, tu̱mé so̱ꞌ mán so̱ꞌ se̱ quiꞌyáá so̱ꞌ cacunꞌ do̱ꞌ, ga̱a ne̱ xca̱j nij síí noco̱ꞌ man Yaꞌanj cuentá da̱j no̱ xcúún nij soꞌ quiꞌya̱j nij soꞌ uún ado̱nj.

1 Timoteo 5:10

Ne̱ queneꞌe̱n cunuda̱nj nii man nij noꞌ se vaa veꞌé ꞌyaj nij noꞌ suun sa̱ꞌ cheꞌé tuviꞌ nij noꞌ do̱ꞌ, se vaa veꞌé tucuachij nij noꞌ taꞌníí nij noꞌ do̱ꞌ, se vaa rqué nij noꞌ se chá chá yuvii̱ aranꞌ tucuá nij noꞌ do̱ꞌ, se vaa naꞌnuꞌ nij noꞌ tacóó nij síí noco̱ꞌ man Cristó do̱ꞌ, se vaa racuíj nij noꞌ man nij síí quiranꞌ sayuun do̱ꞌ, ne̱ nij noꞌ me caꞌve̱e cachro̱n so̱ꞌ se‑chuvi̱i rihaan yanj no̱ se‑chuvi̱i nij chana̱ caviꞌ nica̱ a.

1 Timoteo 5:2

Ase aꞌmii so̱ꞌ ga̱ nií so̱ꞌ roꞌ, da̱nj caꞌmi̱i̱ so̱ꞌ ga̱ nij vichij uún a. Ase aꞌmii so̱ꞌ ga̱ raꞌvij so̱ꞌ roꞌ, da̱nj caꞌmi̱i̱ so̱ꞌ ga̱ nij chana̱ tachru̱u̱ á. Se̱ caꞌmii so̱ꞌ a̱ doj nana̱ chiꞌi̱i̱ ga̱ nij noꞌ maꞌ.

Tito 1:8

Tana̱nj nari̱i̱ so̱ꞌ man síí niha̱ꞌ rá cara̱nꞌ yuvii̱ avii ꞌó chumanꞌ tucuá soꞌ do̱ꞌ, síí niha̱ꞌ rá quiꞌya̱j se sa̱ꞌ do̱ꞌ, síí veꞌé acaj cuentá do̱ꞌ, síí nica̱ rá do̱ꞌ, síí nica̱j xraan man Yaꞌanj do̱ꞌ, síí tumé sa̱ꞌ man maꞌa̱n do̱ꞌ ado̱nj.

Tito 2:14

Ne̱ soꞌ me síí caꞌnéé nimán cavi̱ꞌ cheꞌé níꞌ, cheꞌé rej caꞌve̱e caꞌne̱ꞌ rá níꞌ ga̱ me maꞌa̱n tucuáán chiꞌi̱i̱ canocoꞌ níꞌ ga̱a rque̱, ne̱ caꞌve̱e cunu̱u sa̱ꞌ níꞌ, ne̱ gu̱un níꞌ yuvii̱ noco̱ꞌ man o̱rúnꞌ soꞌ, ne̱ gu̱un niha̱ꞌ ndoꞌo rá níꞌ quiꞌya̱j níꞌ suun sa̱ꞌ ado̱nj.

Tito 2:2

Cata̱j xnaꞌanj so̱ꞌ rihaan nij chii nga̱ se vaa síí na̱j nimán gu̱un nij soꞌ á. Ga̱a̱ chij rá nij soꞌ á. Xca̱j nij soꞌ cuentá da̱j quiꞌya̱j maꞌa̱n nij soꞌ á. ꞌO̱ cuchuma̱n rá nij soꞌ ni̱ꞌyaj nij soꞌ man Yaꞌanj, ne̱ ga̱a̱ ꞌe̱e̱ rá nij soꞌ tuviꞌ nij soꞌ, ne̱ nda̱ꞌ se ranꞌ nij soꞌ sayuun, tza̱j ne̱ ꞌo̱ xraan canoco̱ꞌ nij soꞌ man Cristó a.

Tito 2:7

Ne̱ ma̱ꞌán so̱ꞌ roꞌ, veꞌé qui̱ꞌyáá so̱ꞌ nu̱ꞌ suun sa̱ꞌ, ne̱ queneꞌe̱n nij tinúú níꞌ da̱j ꞌyáá so̱ꞌ, ga̱a ne̱ cuya̱a̱n quiꞌya̱j nij soꞌ ga̱ so̱ꞌ á. Ina̱nj tucuáán ya̱ tu̱cuꞌyón so̱ꞌ á. Ne̱ guún so̱ꞌ ꞌo̱ síí niꞌya̱nj aꞌmii a.

Tito 3:14

Ne̱ me rá ꞌu̱nj nari̱ꞌ ꞌó nij tinúú níꞌ quiꞌya̱j ndoꞌo nij soꞌ suun sa̱ꞌ cheꞌé tuviꞌ nij soꞌ síí achiin ya̱ rasu̱u̱n man uún chugua̱nj. Sese da̱nj ꞌyaj nij soꞌ, ne̱ vaa se gúnꞌ man nij soꞌ chugua̱nj.

Hebreos 11:2

Ne̱ nij síí ma̱n ga̱a naá roꞌ, amán rá nij soꞌ niꞌya̱j nij soꞌ Yaꞌanj, ne̱ cheꞌé dan caranꞌ rá Yaꞌanj niꞌya̱j Yaꞌanj man nij soꞌ ado̱nj.

Hebreos 13:18

Cachi̱nj niꞌya̱j soj rihaan Yaꞌanj cheꞌé núj á. ꞌO̱ se guun ya̱ rá núj se vaa taj va̱j cacunꞌ tumé núj maꞌ. ꞌO̱ se ina̱nj me rá núj quiꞌya̱j sa̱ꞌ núj ga̱a yáán núj rihaan chumii̱ nihánj ado̱nj.

Santiago 1:27

Cata̱j xnaꞌanj ꞌu̱nj rihaan soj me síí me síí noco̱ꞌ ya̱ man Rej níꞌ Yaꞌanj a. Síí racuíj man xnii nique̱ caviꞌ rej do̱ꞌ, síí racuíj man chana̱ nique̱ caviꞌ nica̱ do̱ꞌ, síí ne nocoꞌ man síí chiꞌi̱i̱ ma̱n rihaan chumii̱ nihánj do̱ꞌ roꞌ, soꞌ me síí noco̱ꞌ ya̱ man Yaꞌanj ado̱nj.

Santiago 3:17

Tza̱j ne̱ síí nica̱j tucuáán sa̱ꞌ cavii rihaan Yaꞌanj me se ꞌo̱ vaa sa̱ꞌ nimán soꞌ, ne̱ cheꞌé dan ꞌo̱ chij yáán soꞌ, ne̱ ne unuꞌ soꞌ ga̱ yuvii̱ maꞌ. ꞌO̱ lu̱j aꞌmii soꞌ ga̱ tuviꞌ soꞌ, ne̱ ne naquiꞌyaj soꞌo̱ soꞌ xréé soꞌ ga̱a aꞌmii tuviꞌ soꞌ ga̱ soꞌ maꞌ. ꞌE̱e̱ uxrá rá soꞌ niꞌya̱j soꞌ tuviꞌ soꞌ, ne̱ ina̱nj se sa̱ꞌ ꞌyaj soꞌ, ne̱ ꞌo̱ cuya̱a̱n veꞌé ꞌyaj soꞌ rihaan nu̱ꞌ nij yuvii̱, ne̱ ꞌyaj soꞌ nu̱ꞌ nda̱a vaa taj soꞌ a. Veé síí ꞌyaj nu̱ꞌ nihánj me síí nica̱j ya̱ tucuáán sa̱ꞌ cavii rihaan Yaꞌanj chugua̱nj.

1 Pedro 1:22

Dan me se uno soj snana̱ Yaꞌanj nana̱ ya̱, ne̱ cheꞌé dan cunuu sa̱ꞌ nimán soj, ne̱ cheꞌé dan no̱ xcúún soj ga̱a̱ ꞌe̱e̱ rá soj man tuviꞌ soj ado̱nj. Se̱ cataj rmaꞌa̱n soj se vaa ꞌe̱e̱ rá soj man tuviꞌ soj maꞌ. Ya̱ ga̱a̱ ꞌe̱e̱ ndoꞌo rá soj man tuviꞌ soj á.

1 Pedro 2:12

Ne̱ veꞌé ina̱nj quiꞌya̱j soj rej ya̱nj soj scaꞌnúj nij síí chiꞌi̱i̱ ma̱n rihaan chumii̱ nihánj, ga̱a ne̱ sese gu̱un rá nij soꞌ cuta̱ꞌ nij soꞌ cacunꞌ rmi̱ꞌ xráá soj se vaa nij ꞌyaj soj, ga̱a ne̱ xca̱j nij soꞌ cuentá se vaa veꞌé ina̱nj ꞌyaj soj ado̱nj. Ga̱a ne̱ güii caꞌna̱ꞌ Yaꞌanj rihaan chumii̱ nihánj caꞌne̱ꞌ soꞌ cacunꞌ cheꞌé yuvii̱ me se cata̱j nij soꞌ se vaa sa̱ꞌ uxrá vaa Yaꞌanj chugua̱nj.

1 Pedro 4:8

Ne̱ suun sa̱ꞌ noco̱o doj quiꞌya̱j soj me nihánj, ne̱ ga̱a̱ ꞌe̱e̱ uxrá rá soj man tuviꞌ soj nij síí noco̱ꞌ man Cristó, ne̱ sese ꞌe̱e̱ rá níꞌ tuviꞌ níꞌ, ga̱a ne̱ caꞌne̱e̱ noco̱o ndoꞌo níꞌ cacunꞌ xráá tuviꞌ níꞌ na̱nj ado̱nj.

2 Pedro 3:1

Nihánj me yanj vi̱j caꞌne̱j ꞌu̱nj rihaan soj, tinu̱j, nocoj. Rihaan ro̱j yanj nihánj tinanuj rá ꞌu̱nj snana̱ Yaꞌanj rihaan soj cheꞌé se me raj xca̱j soj cuentá cheꞌé chrej sa̱ꞌ ado̱nj.

1 Juan 3:18

Dan me se ase vaa taꞌníj vaa soj chugua̱nj. Dan me se se̱ guun cata̱j u̱u̱n níꞌ nana̱ u̱u̱n se vaa ꞌe̱e̱ rá níꞌ man tuviꞌ níꞌ maꞌ. Tana̱nj quiꞌya̱j níꞌ se sa̱ꞌ nda̱a vaa taj nana̱ ya̱ a.

1 Juan 3:3

Ne̱ nij síí uun ya̱ rá se vaa queneꞌe̱n nij soꞌ man Cristó roꞌ, ya̱ cunu̱u sa̱ꞌ nimán nij soꞌ quiꞌya̱j nij soꞌ, ne̱ ase vaa sa̱ꞌ nimán Cristó roꞌ, da̱nj ga̱a̱ sa̱ꞌ nimán nij soꞌ uún ado̱nj.

1 Juan 4:1

Tinu̱j, nocoj, se̱ guun cuno̱ soj me maꞌa̱n nana̱ maꞌ. Asino xca̱j soj cuentá sese nana̱ rqué Nimán Yaꞌanj me nana̱ caꞌmii ꞌo̱ soꞌ á. ꞌO̱ se a̱j caꞌnaꞌ ndoꞌo síí ne̱ rihaan chumii̱ nihánj, ne̱ taj nij soꞌ se vaa si̱j nataꞌ snana̱ Yaꞌanj me nij soꞌ, tza̱j ne̱ tuꞌva rmaꞌa̱n nij soꞌ na̱nj á.