Filipenses 2:2 - Triqui de San Juan Copala

² Cheꞌé dan quiꞌya̱j soj nda̱a vaa taj nana̱ nihánj, ga̱a ne̱ gu̱un niha̱ꞌ uxrá rá nimanj, ne̱ dan me se cuya̱a̱n ga̱a̱ rá nimán soj ga̱ tinúú soj do̱ꞌ, cunu̱u ꞌe̱e̱ rá soj man tinúú soj do̱ꞌ, ꞌo̱ cuya̱a̱n o̱rúnꞌ rasu̱u̱n ga̱a̱ nimán soj do̱ꞌ, veꞌé ca̱yáán soj ga̱ tinúú soj do̱ꞌ, ne̱ gu̱un niha̱ꞌ uxrá rá nimanj ado̱nj.

Filipenses 2:2 ပူးပေါင်းရင်းမြစ်များ

San Juan 3:29

Ase vaa síí xcaj man chana̱ ne̱ naraꞌa̱a roꞌ, vaa soꞌ, ne̱ ase vaa tuviꞌ síí naraꞌa̱a roꞌ, da̱nj vaa ꞌu̱nj a. Ne̱ nicúnꞌ ꞌu̱nj unó ꞌu̱nj se vaa aꞌmii soꞌ, ne̱ uun niha̱ꞌ uxrá raj, ꞌyaj nana̱ aꞌmii síí naraꞌa̱a, ne̱ cheꞌé dan me uun niha̱ꞌ uxrá raj ado̱nj.

Hechos 1:14

Dan me se ꞌo̱ vaa rá ta̱ranꞌ nij soꞌ, ne̱ ꞌo̱ achíín niꞌya̱j nij soꞌ rihaan Yaꞌanj a. Da̱nj quiꞌyaj nij soꞌ ga̱ nij chana̱ do̱ꞌ, ga̱ Mariá nii Jesús do̱ꞌ, ga̱ nij tinúú Jesús do̱ꞌ a.

Hechos 2:1

Dan me se ga̱a quisíj Chaꞌanj Pentecostés, ne̱ cunuu chre̱ꞌ cunuda̱nj nij síí noco̱ꞌ man Jesús rá ꞌo̱ veꞌ a.

Hechos 2:46

Dan me se da̱j a̱ güii nuu chre̱ꞌ nij soꞌ rej ya̱nj nuvií noco̱o, nda̱a vaa guun rá ta̱ranꞌ nij soꞌ a. Ne̱ ꞌo̱ nuu chre̱ꞌ nij soꞌ tucuá tuviꞌ nij soꞌ, ne̱ uxraꞌ taꞌa̱j nij soꞌ rachrúún chá nij soꞌ a. Ne̱ dan me se nda̱a niha̱ꞌ nda̱a cochro̱j rá ta̱ranꞌ nij soꞌ chá nij soꞌ a.

Hechos 5:12

Ga̱a ne̱ quiꞌyaj ndoꞌo nij síí ata̱ suun caꞌa̱nj nata̱ꞌ snana̱ Jesús suun sa̱ꞌ noco̱o quiꞌyaj se vaa caꞌanj rá nij yuvii̱ ya̱nj chumanꞌ Jerusalén a. Ne̱ ꞌo̱ vaa rá nij síí noco̱ꞌ man Jesús, ne̱ cunuu chre̱ꞌ nij soꞌ rej ya̱nj nuvií noco̱o rá veꞌ cheꞌe̱e̱ cuꞌna̱j Corredor Salomón a.

Romanos 12:16

ne̱ ꞌo̱ cuya̱a̱n ga̱a̱ rá nimán ta̱ranꞌ soj nij síí noco̱ꞌ man Cristó a. Se̱ guun rá soj ca̱ta̱ maꞌa̱n soj suun sa̱ꞌ doj maꞌ. Ma̱an se nano̱ꞌ soj man nij yuvii̱ taj suun ata̱, ne̱ cache̱e̱ soj ga̱ nij soꞌ a. Se̱ guun rá soj se vaa si̱j avii ndoꞌo raa̱ me soj maꞌ.

1 Corintios 1:10

Dan me se cuno̱ soj caꞌmi̱j, tinu̱j, nocoj. Ne̱ cheꞌé se‑chuvi̱i ya̱ Jesucristó Si̱j ꞌNi̱j Raꞌa man níꞌ roꞌ, rqueé ꞌu̱nj ya̱j rihaan nij soj se vaa ꞌo̱ cuya̱a̱n ga̱a̱ rá nimán ta̱ranꞌ soj do̱ꞌ, ꞌo̱ cuya̱a̱n caꞌmi̱i̱ soj do̱ꞌ, ꞌo̱ rcuaꞌa̱a̱n ga̱a̱ soj do̱ꞌ, raj chugua̱nj.

2 Corintios 13:11

Ne̱ vaa do̱j nana̱ me raj cata̱j xnaꞌanj ꞌu̱nj rihaan soj, tinu̱j, nocoj. Dan me se ga̱a̱ niha̱ꞌ ya̱ rá nimán soj á. Rquee̱ soj sa̱ꞌ doj ga̱a̱ nimán soj á. Ga̱a̱ nucua̱j rá soj quiꞌya̱j snana̱ ꞌu̱nj á. ꞌO̱ cuya̱a̱n ga̱a̱ rá nimán soj ga̱ tuviꞌ soj na̱nj á. Ga̱a̱ xe̱j nimán soj á. Ne̱ ca̱yáán Yaꞌanj si̱j ꞌyaj vaa xe̱j nimán níꞌ do̱ꞌ, si̱j ꞌyaj nuu ꞌe̱e̱ rá níꞌ tinúú níꞌ do̱ꞌ, ga̱ soj ado̱nj.

2 Corintios 2:3

ꞌO̱ se cheꞌé dan quiꞌyáj yanj cartá yoꞌ, nda̱a vaa me rá ma̱ꞌanj, cheꞌé se ne caꞌve̱j raj cuchi̱j ne̱ nano̱ raj quiꞌya̱j soj ado̱nj. Tza̱j ne̱ ꞌo̱ se no̱ xcúún soj gu̱un niha̱ꞌ raj quiꞌya̱j soj, ne̱ nda̱a maꞌa̱n soj do̱ꞌ, gu̱un niha̱ꞌ rá ga̱a chugua̱nj.

2 Corintios 7:7

Ne̱ veé uún soꞌ me síí cataj xnaꞌanj rihaan núj se vaa guun niha̱ꞌ rá soꞌ queneꞌen soꞌ man soj, ne̱ cataj xnaꞌanj soꞌ se vaa me ndoꞌo rá soj queneꞌe̱n soj man núj do̱ꞌ, se vaa nanó rá soj cheꞌé síí quiꞌyaj cacunꞌ ꞌni̱j scaꞌnúj soj do̱ꞌ, se vaa niha̱ꞌ rá soj caꞌmi̱i̱ sa̱ꞌ soj cheꞌé núj do̱ꞌ, ne̱ cheꞌé dan doj a̱ guun niha̱ꞌ raj ado̱nj.

Filipenses 1:4

Ne̱ ga̱a achíín ni̱ꞌyáj rihaan Yaꞌanj, ne̱ uun niha̱ꞌ ndoꞌo rá nimanj ga̱a rqueé ꞌu̱nj rihaan Yaꞌanj cheꞌé ta̱ranꞌ soj

Filipenses 2:16

xraan canoco̱ꞌ soj snana̱ Yaꞌanj nana̱ ꞌyaj vaa iꞌna̱ꞌ nimán níꞌ, ga̱a ne̱ gu̱un niha̱ꞌ raj ni̱ꞌyaj ꞌu̱nj man soj güii caꞌna̱ꞌ uún Cristó rihaan chumii̱ nihánj, cheꞌé se queneꞌe̱n soꞌ se vaa tucuꞌyón uxraj man soj ne̱ cavii sa̱ꞌ nu̱ꞌ suun quiꞌyáj a.

Filipenses 2:20

O̱rúnꞌ soꞌ me tuvíꞌ ꞌu̱nj ya̱ nanó ndoꞌo rá cheꞌé soj da̱j vaa mán soj chugua̱nj.

Filipenses 4:2

Achíín ni̱ꞌyáá ꞌu̱nj rihaan chana̱ cuꞌna̱j Evodia do̱ꞌ, rihaan chana̱ cuꞌna̱j Síntique do̱ꞌ, se vaa ꞌo̱ cuya̱a̱n ga̱a̱ rá ro̱j noꞌ, cheꞌé se chana̱ noco̱ꞌ man Síí ꞌNi̱j Raꞌa man níꞌ me ro̱j noꞌ á.

Colosenses 2:5

Nda̱ꞌ se nuvíꞌ ꞌu̱nj nicunꞌ niꞌya̱j soj, tza̱j ne̱ nicu̱nꞌ nimán ꞌu̱nj ga̱ soj chugua̱nj. ꞌO̱ se uun niha̱ꞌ uxrá ya̱ raj se vaa ꞌo̱ veꞌé sa̱ꞌ mán soj, ne̱ ꞌo̱ Cristó nucua̱j rá soj, mán soj ado̱nj.

2 Tesalonicenses 2:13

Tza̱j ne̱ no̱ xcúún núj niga̱nj cata̱j núj guun niꞌya̱j níꞌ rihaan Yaꞌanj cheꞌé soj si̱j ꞌe̱e̱ rá Síí ꞌNi̱j Raꞌa man níꞌ man, tinu̱j, nocoj. ꞌO̱ se asi̱j tacoo narii Yaꞌanj man soj cunu̱u sa̱ꞌ nimán soj rihaan soꞌ quiꞌya̱j Nimán Yaꞌanj, ne̱ cuchuma̱n rá soj cuno̱ soj nana̱ ya̱ ado̱nj.

2 Timoteo 1:4

Ne̱ nanuj rá ꞌu̱nj se vaa taꞌveé so̱ꞌ ga̱a tanáj ꞌu̱nj mán so̱ꞌ, ne̱ cheꞌé dan me ndoꞌo rá ꞌu̱nj queneꞌe̱n uún ꞌu̱nj mán so̱ꞌ, ga̱a ne̱ cunu̱u cui̱j nimanj qui̱ꞌyáá so̱ꞌ, raj a.

Filemón 1:20

Dan me se me ina̱nj rá ꞌu̱nj qui̱ꞌyáá so̱ꞌ se ndoꞌo cheꞌej, cheꞌé se si̱j noco̱ꞌ man Síí ꞌNi̱j Raꞌa man níꞌ me níꞌ, tinu̱j. ꞌO̱ se nda̱a cunu̱u cui̱j rá ꞌu̱nj, qui̱ꞌyáá so̱ꞌ cheꞌé Cristó ado̱nj.

2 Juan 1:4

Guun niha̱ꞌ uxrá raj, cheꞌé se xcaj ꞌu̱nj cuentá se vaa taꞌa̱j nij soj me síí ꞌo̱ nocoꞌ tucuáán ya̱, nda̱a vaa suun caꞌneꞌ Rej níꞌ Yaꞌanj rihaan níꞌ cuno̱ níꞌ chugua̱nj.

3 Juan 1:4

Ne̱ taj va̱j ꞌó suun caꞌve̱e quiꞌya̱j gu̱un niha̱ꞌ doj raj a̱ maꞌ. Ma̱an se o̱rúnꞌ nana̱ cunó ꞌu̱nj se vaa veꞌé nocoꞌ nij síí guun taꞌníí ꞌu̱nj man tucuáán ya̱ na̱nj ado̱nj.