Filipenses 2:16 - Triqui de San Juan Copala

¹⁶ xraan canoco̱ꞌ soj snana̱ Yaꞌanj nana̱ ꞌyaj vaa iꞌna̱ꞌ nimán níꞌ, ga̱a ne̱ gu̱un niha̱ꞌ raj ni̱ꞌyaj ꞌu̱nj man soj güii caꞌna̱ꞌ uún Cristó rihaan chumii̱ nihánj, cheꞌé se queneꞌe̱n soꞌ se vaa tucuꞌyón uxraj man soj ne̱ cavii sa̱ꞌ nu̱ꞌ suun quiꞌyáj a.

Filipenses 2:16 ပူးပေါင်းရင်းမြစ်များ

San Mateo 10:27

Nana̱ aꞌmii yuve̱ ꞌu̱nj rihaan soj cuano̱ roꞌ, caꞌmi̱i̱ ranga̱ꞌ soj á. Ne̱ nu̱ꞌ se vaa aꞌmii yáá ꞌu̱nj xréé soj roꞌ, cavi̱i̱ soj xráá veꞌ, ne̱ cagua̱j soj caꞌmi̱i̱ natáj soj nana̱ yoꞌ á.

San Lucas 12:8

’Ne̱ cata̱j xnaꞌanj ꞌu̱nj rihaan soj cuano̱ se vaa no̱ xcúún soj nata̱ꞌ ya̱ soj rihaan yuvii̱ se vaa me soj síí noco̱ꞌ manj a. Ne̱ nu̱ꞌ síí ꞌyaj da̱nj roꞌ, vaa güii, ne̱ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, nata̱j rihaan nij se‑mo̱zó Yaꞌanj se vaa si̱j noco̱ꞌ manj me soꞌ a.

San Juan 6:63

Dan me se Nimán Yaꞌanj me síí ꞌyaj vaa iꞌna̱ꞌ nimán yuvii̱ ado̱nj. Tza̱j ne̱ taj se gúnꞌ man nee̱ man yuvii̱ quiꞌya̱j yoꞌ ga̱a̱ iꞌna̱ꞌ yuvii̱ a̱ maꞌ. Xa̱ꞌ nana̱ caꞌmij rihaan soj, tza̱j ne̱ nana̱ cavii Nimán Yaꞌanj me nana̱ yoꞌ, ne̱ caꞌve̱e ga̱a̱ iꞌna̱ꞌ nimán soj, quiꞌya̱j snana̱j ado̱nj.

San Juan 6:68

Ga̱a ne̱ cataj síí cuꞌna̱j Simón Pedró rihaan soꞌ a: ―Taj ꞌó síí cuchi̱ꞌ núj rihaan, maan Señor. ꞌO̱ se so̱ꞌ me síí aꞌmii nana̱ quiꞌya̱j ga̱a̱ iꞌna̱ꞌ núj rihaan Yaꞌanj nu̱ꞌ cavii nu̱ꞌ caꞌanj ado̱nj.

Hechos 13:26

’Cuno̱ soj taꞌni̱j taꞌnij siꞌno̱ Abraham do̱ꞌ, soj si̱j yaníj aráj cochro̱j rihaan Yaꞌanj do̱ꞌ, caꞌmi̱j rihaan soj cuano̱, tinu̱j. A̱j caꞌnaꞌ nana̱ nihánj rihaan níꞌ, quiꞌyaj Yaꞌanj, ne̱ nana̱ nihánj taj xnaꞌanj da̱j quiꞌya̱j níꞌ ga̱a ne̱ caꞌve̱e nani̱i̱ níꞌ rihaan sayuun ne̱ cavi̱i̱ sa̱ꞌ níꞌ ado̱nj.

1 Corintios 1:8

Ne̱ soꞌ me síí ra̱cuíj ndoꞌo man soj, ne̱ gu̱un nucua̱j soj canoco̱ꞌ xraan soj man soꞌ nda̱a güii caꞌne̱ꞌ Jesucristó Si̱j ꞌNi̱j Raꞌa man níꞌ cacunꞌ cheꞌé yuvii̱, ne̱ se̱ tumé soj cacunꞌ, quiꞌya̱j soꞌ a̱ maꞌ.

1 Corintios 9:26

Xa̱ꞌ síí unánj tico tuviꞌ, tza̱j ne̱ neꞌen soꞌ me rej cuchi̱ꞌ soꞌ, ne̱ ne ꞌanj soꞌ na̱j guun chrej maꞌ. Ne̱ da̱nj ꞌyaj gue̱e̱ ꞌu̱nj na̱nj á. Ne̱ síí tico tuviꞌ cuxruꞌ, tza̱j ne̱ oꞌ soꞌ tuviꞌ soꞌ, ne̱ ne oꞌ soꞌ rihaan nana̱ u̱u̱n maꞌ. Ne̱ da̱nj ꞌyaj gue̱e̱ ꞌu̱nj na̱nj á.

Gálatas 2:2

Dan me se caꞌanj ꞌu̱nj chumanꞌ Jerusalén, cheꞌé se queneꞌén ꞌu̱nj quiꞌyaj Yaꞌanj se vaa me rá Yaꞌanj caꞌa̱nj ꞌu̱nj chumanꞌ Jerusalén a. Ne̱ quirii yaníj ꞌu̱nj man nij síí uun chij doj rihaan tinúú níꞌ síí israelitá, ne̱ natáꞌ ꞌu̱nj rihaan maꞌa̱n ina̱nj nij soꞌ cheꞌé snana̱ Yaꞌanj nana̱ sa̱ꞌ aꞌmii natáj ꞌu̱nj rihaan nij soj si̱j yaníj, cheꞌé rej cata̱j nij soꞌ se vaa cuna̱j ꞌyáá ꞌu̱nj, ne̱ se̱ quiriꞌ suun a̱j quiꞌyáj do̱ꞌ, suun ꞌyáj cuano̱ do̱ꞌ maꞌ.

Gálatas 4:11

Nanó ndoꞌo rá ꞌu̱nj se vaa ꞌyaj soj, ne̱ nanó rá ꞌu̱nj se vaa quiri̱ꞌ rmaꞌa̱n nu̱ꞌ suun quiꞌyáá ꞌu̱nj tucuꞌyón ꞌu̱nj snana̱ Yaꞌanj nana̱ sa̱ꞌ man nij soj na̱nj chugua̱nj.

Filipenses 1:10

ga̱a ne̱ ina̱nj chrej sa̱ꞌ doj nari̱i̱ soj canoco̱ꞌ soj na̱nj ado̱nj. Nda̱a síj, ga̱a ne̱ asa̱ꞌ caꞌnaꞌ uún Cristó rihaan chumii̱ nihánj, ne̱ sa̱ꞌ ina̱nj ga̱a̱ nimán soj, ne̱ taj a̱ doj cacunꞌ tu̱mé soj a̱ maꞌ.

Filipenses 1:6

Guun ya̱ raj se vaa ya̱ uxrá guun cheꞌe̱ ya̱ Yaꞌanj quiꞌyaj suun maꞌa̱n Yaꞌanj nimán soj, ne̱ ꞌo̱ da̱nj quiꞌya̱j Yaꞌanj nimán soj nda̱a quisi̱j güii caꞌna̱ꞌ uún Cristó Jesús rihaan chumii̱ nihánj ado̱nj.

1 Tesalonicenses 2:19

Dan me se asa̱ꞌ caꞌnaꞌ uún Jesús Si̱j ꞌNi̱j Raꞌa man níꞌ rihaan chumii̱ nihánj ne̱ gu̱un niha̱ꞌ uxrá rá núj cheꞌé soj, ne̱ nata̱ꞌ núj rihaan Jesús se vaa veꞌé canocoꞌ soj man soꞌ quiꞌyaj núj, ne̱ cavi̱i̱ sa̱ꞌ núj rihaan soꞌ cheꞌé soj á. ꞌO̱ se o̱rúnꞌ ya̱ soj me síí ꞌyaj da̱nj ado̱nj.

1 Tesalonicenses 3:5

Cheꞌé se me uxrá rá ꞌu̱nj que̱neꞌén ꞌu̱nj da̱j quiranꞌ soj, ne̱ cheꞌé dan caꞌnéé ꞌu̱nj man Timoteo cuchi̱ꞌ soꞌ rej ma̱n soj, ne̱ cata̱j xnaꞌanj soꞌ rihanj da̱j ꞌyaj soj noco̱ꞌ soj man Yaꞌanj, raj a. Dan me se nano̱ rá ꞌu̱nj sese a̱j caxríj Síí Chre̱e chrej chiꞌi̱i̱ rque soj do̱ꞌ, sese quiriꞌ nu̱ꞌ suun quiꞌyaj núj cheꞌé soj do̱ꞌ, raj a.

Hebreos 4:12

ꞌO̱ se vaa iꞌna̱ꞌ ya̱ snana̱ Yaꞌanj ado̱nj. Ne̱ nucua̱j uxrá yoꞌ, ne̱ ase vaa ꞌo̱ neê espadá siha̱a̱ nu̱ꞌ niha̱ rihaan roꞌ, vaa yoꞌ, tza̱j ne̱ né ina̱nj cúú do̱ꞌ, nee̱ do̱ꞌ, me se aꞌneꞌ yoꞌ maꞌ. ꞌO̱ se aꞌneꞌ yoꞌ nda̱a nimán ya̱ níꞌ, ne̱ cheꞌé snana̱ Yaꞌanj yoꞌ roꞌ, uun nucua̱j Yaꞌanj xcaj Yaꞌanj cuentá da̱j uun rá níꞌ ne̱ da̱j uun nimán níꞌ chugua̱nj.

1 Pedro 1:23

ꞌO̱ se caꞌngaa naca̱ nimán soj, quiꞌyaj snana̱ Yaꞌanj, ne̱ né se cavi̱ꞌ me snana̱ Yaꞌanj maꞌ. Tana̱nj ase vaa ꞌo̱ rasu̱u̱n vaa iꞌna̱ꞌ vaa snana̱ Yaꞌanj, ne̱ daj chiha̱a̱ míj se̱ caꞌanj niꞌya̱ yoꞌ maꞌ.

1 Juan 1:1

Dan me se núj me se cata̱j xnaꞌanj núj rihaan nij soj cheꞌé ꞌo̱ síí cayáán ga̱a naá asi̱j guun cheꞌe̱ Yaꞌanj quiꞌyaj Yaꞌanj chumii̱, ne̱ ina̱nj se vaa cuno maꞌa̱n núj do̱ꞌ, se vaa queneꞌen rihaan maꞌa̱n núj do̱ꞌ, se vaa cutaꞌ núj raꞌa núj xráá do̱ꞌ, cheꞌé ina̱nj rasu̱u̱n vaa da̱nj cata̱j xnaꞌanj núj rihaan soj a. Dan me se cata̱j xnaꞌanj núj cheꞌé síí me Snana̱ Yaꞌanj, ne̱ soꞌ me síí quiꞌya̱j ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.

Apocalipsis 22:17

Ne̱ dan me se Nimán Yaꞌanj do̱ꞌ, chana̱ gu̱un nica̱ Jesús do̱ꞌ, taj ro̱j soꞌ a: “Caꞌna̱ꞌ so̱ꞌ á”, taj ro̱j soꞌ a. Ne̱ síí uno nana̱ nihánj roꞌ, cata̱j soꞌ a: “Caꞌna̱ꞌ so̱ꞌ á”, cata̱j soꞌ rihaan tuviꞌ soꞌ a. Ne̱ síí nacoo̱ na roꞌ, caꞌna̱ꞌ soꞌ, ne̱ coꞌo̱ u̱u̱n soꞌ na ꞌyaj vaa iꞌna̱ꞌ yuvii̱ nu̱ꞌ cavii nu̱ꞌ caꞌanj, sese me rá soꞌ a.