Filipenses 2:10 - Triqui de San Juan Copala

¹⁰ Cheꞌé dan vaa güii, ne̱ caꞌa̱nj ca̱yáán ru̱j cunuda̱nj nij síí ma̱n xta̱ꞌ do̱ꞌ, nij síí ma̱n rihaan chumii̱ do̱ꞌ, nij síí ma̱n rej rque yoꞌóó do̱ꞌ, cheꞌé se‑chuvi̱i Jesús,

Filipenses 2:10 ပူးပေါင်းရင်းမြစ်များ

San Mateo 12:40

ꞌO̱ se ase vaa cunuû síí cuꞌna̱j Jonás vaꞌnu̱j ya̱ güii rque xcuu xi̱j va̱j rque na yaꞌa̱nj roꞌ, taꞌngaꞌ da̱nj ga̱a̱ vaꞌnu̱j ya̱ güii nuvi̱i niga̱nꞌ qui̱náá ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rque yoꞌóó queneꞌe̱n soj ado̱nj.

San Mateo 27:29

ne̱ quiꞌyaj nij soꞌ cachriin tanj, ne̱ cutaꞌ nij soꞌ cachriin tanj raa̱ Jesús, ne̱ caxríj nij soꞌ ꞌo̱ rihaa ston Jesús da̱j se vaa ꞌo̱ chruun vará nica̱j síí ata̱ suun a. Ga̱a ne̱ caꞌanj ca̱yáán ru̱j nij tanuu rihaan Jesús, ne̱ caꞌngaꞌ naco̱o̱ nij soꞌ niꞌya̱j nij soꞌ man Jesús, ne̱ cataj nij soꞌ a: ―Ya̱ ya̱ si̱j nica̱j suun rey rii taꞌngaꞌ rihaan nij yuvii̱ israelitá mé so̱ꞌ ei ―taj nij soꞌ tihaꞌ nij soꞌ man Jesús a.

San Mateo 28:18

Ga̱a ne̱ cuchiꞌ Jesús rihaan nij soꞌ, ne̱ cataj soꞌ rihaan nij soꞌ a: ―Ya̱j me se ꞌu̱nj me síí uun chij xta̱ꞌ do̱ꞌ, nu̱ꞌ rihaan yoꞌóó do̱ꞌ, quiꞌyaj Yaꞌanj ado̱nj.

Romanos 11:4

Ga̱a ne̱ caꞌmii uún Yaꞌanj rihaan soꞌ, cataj Yaꞌanj a: “Taj maꞌ. Né o̱ruún so̱ꞌ quináj maꞌ. Tana̱nj vaa ꞌó chi̱j ya̱ míj yuvii̱ israelitá noco̱ꞌ manj, ne̱ a̱ ꞌó nij soꞌ ne cara̱a̱ gue̱e̱ rihaan yaꞌanj cuꞌna̱j Baal maꞌ.” Da̱nj caꞌmii Yaꞌanj rihaan Elías a.

Efesios 1:10

asa̱ꞌ quisíj güii caꞌna̱ꞌ uún Cristó rihaan chumii̱ nihánj a. Dan me se güii yoꞌ me se gu̱un chij Cristó rihaan cunuda̱nj rasu̱u̱n, quiꞌya̱j Yaꞌanj, ne̱ gu̱un chij Cristó rihaan cunuda̱nj nij rasu̱u̱n ma̱n rej xta̱ꞌ do̱ꞌ, rihaan cunuda̱nj nij rasu̱u̱n ma̱n rihaan chumii̱ nihánj do̱ꞌ a.

Efesios 3:14

Cheꞌé se cavii sa̱ꞌ ndoꞌo nij soj ga̱ núj, cheꞌé dan yáán ru̱j ꞌu̱nj, ne̱ achíín ni̱ꞌyáá ꞌu̱nj rihaan Rej níꞌ Yaꞌanj cheꞌé soj ado̱nj.

Efesios 4:9

Ne̱ nana̱ yoꞌ taj se vaa cavii soꞌ xta̱ꞌ, ne̱ neꞌen níꞌ se vaa asino ya̱a̱n nanij soꞌ nda̱a rej cunu̱u̱ doj rque yoꞌóó a.

Hebreos 1:6

Ne̱ ꞌó nana̱ taj se vaa, ga̱a nica̱j Yaꞌanj man Taꞌníí soꞌ síí chava̱ꞌ caꞌnaꞌ soꞌ rihaan chumii̱, taj soꞌ a: Cara̱a̱ gue̱e̱ cunuda̱nj nij se‑mo̱zó Yaꞌanj rihaan soꞌ á.

Apocalipsis 20:13

Dan me se narqué na yaꞌa̱nj nu̱ꞌ nij síí caviꞌ rque na yaꞌa̱nj, ne̱ narqué se ꞌyaj aviꞌ yuvii̱ do̱ꞌ, rej ma̱n nij síí caviꞌ do̱ꞌ, nu̱ꞌ nij síí caviꞌ na̱j rej yoꞌ nuriha̱nj nij soꞌ canicunꞌ nij soꞌ rihaan síí ta̱j chruun xlá sa̱ꞌ xi̱j catzi̱i̱ yoꞌ a. Dan me se caꞌneꞌ Yaꞌanj cacunꞌ cheꞌé ꞌo̱ ꞌo̱ nij soꞌ nda̱a vaa quiꞌyaj ꞌo̱ ꞌo̱ nij soꞌ a.

Apocalipsis 4:10

Ne̱ da̱j a̱ ga̱a ꞌyaj nij xoꞌ da̱nj ne̱ ꞌanj ca̱yáán ru̱j ico̱ caꞌa̱nj (24) nij síí uun chij yoꞌ rihaan síí ta̱j rihaan chruun xlá sa̱ꞌ yoꞌ, ne̱ aráj gue̱e̱ nij soꞌ rihaan soꞌ, cheꞌé se me soꞌ síí ca̱yáán nu̱ꞌ cavii nu̱ꞌ caꞌanj, ne̱ tagüéj nij soꞌ cachriin nu̱u̱ raa̱ nij soꞌ rej rihaan chruun xlá sa̱ꞌ yoꞌ a. Ga̱a ne̱ taj nij soꞌ a:

Apocalipsis 5:3

Ne̱ taj va̱j a̱ ꞌó síí ma̱n rej xta̱ꞌ do̱ꞌ, síí ma̱n rihaan yoꞌóó do̱ꞌ, síí ma̱n rej rque̱ yoꞌóó do̱ꞌ, gu̱un nucua̱j nuxra̱ꞌ yanj ne̱ ni̱ꞌyaj soꞌ yanj yoꞌ a̱ maꞌ.