Filipenses 1:5 - Triqui de San Juan Copala

⁵ cheꞌé se asi̱j guun cheꞌe̱ soj cuno soj nana̱ sa̱ꞌ cheꞌé Cristó, ne̱ guun cheꞌe̱ soj ꞌo̱ vaa rá soj ga̱ ꞌu̱nj ne̱ rii soj saꞌanj cheꞌé rej caꞌve̱e nataꞌ ꞌu̱nj nana̱ sa̱ꞌ yoꞌ rihaan yuvii̱, ne̱ veé da̱nj ꞌyaj soj nda̱a cuano̱ a.

Filipenses 1:5 ပူးပေါင်းရင်းမြစ်များ

Hechos 2:42

Dan me se ꞌo̱ canocoꞌ xraan nij síí noco̱ꞌ man Jesús tucuáán tucuꞌyón nij síí ata̱ suun caꞌa̱nj nata̱ꞌ snana̱ Jesús rihaan yuvii̱ rihaan nij soꞌ, ne̱ ꞌo̱ guun tuvi̱ꞌ cunuda̱nj nij soꞌ a. Ne̱ ꞌo̱ cuxraꞌ taꞌa̱j nij soꞌ rachrúún chá nij soꞌ, ne̱ ꞌo̱ chre̱ꞌ cachíín niꞌya̱j nij soꞌ rihaan Yaꞌanj a.

Romanos 11:17

Neꞌen soj se vaa ne cuchuma̱n rá taꞌa̱j nij yuvii̱ israelitá ni̱ꞌyaj nij soꞌ Yaꞌanj maꞌ. Cheꞌé dan, ase vaa ꞌyaj nii man taꞌa̱j nij raꞌa chruun olivó ne rii chruj roꞌ, da̱nj vaa quiꞌyaj Yaꞌanj man nij soꞌ, ne̱ quiriꞌíj yaníj Yaꞌanj man nij síí ne cuchuma̱n rá yoꞌ, ga̱a ne̱ nacaj Yaꞌanj man soj si̱j yaníj, ne̱ dan me se ase vaa raꞌa chruun olivó nicu̱nꞌ rcoꞌ quij vaa soj, tza̱j ne̱ nacaj Yaꞌanj man soj, notaꞌ Yaꞌanj man soj tacóó chruun olivó sa̱ꞌ, ne̱ guun soj ꞌo̱ chruun sa̱ꞌ vaa, ne̱ vaa iꞌna̱ꞌ soj, ꞌyaj yáá chruun yoꞌ na̱nj ado̱nj.

Romanos 12:13

Sese vaa se achiin rihaan tinúú soj síí noco̱ꞌ man Cristó, ne̱ ra̱cuíj soj man nij soꞌ a. Ne̱ veꞌé quiꞌya̱j soj caꞌve̱j soj cara̱nꞌ yuvii̱ tucuá soj do̱ꞌ, cha̱ yuvii̱ ga̱ soj do̱ꞌ á.

Romanos 15:26

ꞌO̱ se nij síí noco̱ꞌ man Cristó ya̱nj estadó cuꞌna̱j Macedonia do̱ꞌ, estadó cuꞌna̱j Acaya do̱ꞌ, me se me ndoꞌo rá nij soꞌ caꞌne̱j nij soꞌ saꞌanj rihaan nij síí nique̱ noco̱ꞌ man Cristó ya̱nj chumanꞌ Jerusalén ado̱nj.

1 Corintios 1:9

Vaa cheꞌé ga̱a̱ nucua̱j rá níꞌ man Yaꞌanj, ne̱ Yaꞌanj me síí canacúún man soj gu̱un tuvi̱ꞌ soj ga̱ Taꞌníí soꞌ Jesucristó Si̱j ꞌNi̱j Raꞌa man níꞌ ado̱nj.

2 Corintios 8:1

Ne̱ cata̱j xnaꞌanj núj rihaan soj cheꞌé se lu̱j quiꞌyaj Yaꞌanj ga̱ nij xꞌneꞌ nij síí noco̱ꞌ man Cristó ma̱n estadó Macedonia, tinu̱j, nocoj.

Efesios 3:6

Dan me se tihaa̱n soꞌ nana̱ se vaa cuno̱ nij soj si̱j yaníj nana̱ sa̱ꞌ cheꞌé Cristó, ne̱ cunu̱u sa̱ꞌ nimán soj rihaan Yaꞌanj ga̱ núj si̱j israelitá ado̱nj. Ne̱ nana̱ cataꞌ tuꞌva Yaꞌanj cheꞌé nij síí canoco̱ꞌ man Cristó Jesús roꞌ, quisíj ya̱ nu̱ꞌ nana̱ yoꞌ cheꞌé nij soj si̱j yaníj ga̱ núj si̱j israelitá na̱nj chugua̱nj.

Filipenses 1:12

Me rá ꞌu̱nj xca̱j nij soj cuentá se vaa cheꞌé nu̱ꞌ sayuun quiránꞌ ꞌu̱nj roꞌ, doj a̱ xꞌnúj chrej rihaan nana̱ sa̱ꞌ cheꞌé Cristó, tinu̱j, nocoj.

Filipenses 1:16

Nij síí sa̱ꞌ yoꞌ roꞌ, ꞌe̱e̱ rá nij soꞌ manj, ne̱ neꞌen nij soꞌ se vaa cuneꞌ Yaꞌanj manj caꞌmi̱j rihaan nij yuvii̱ naꞌvej rá cuno̱ nana̱ sa̱ꞌ cheꞌé Cristó a.

Filipenses 1:27

Veꞌé quiꞌya̱j soj ca̱yáán soj ga̱ tinúú soj, da̱j se vaa no̱ xcúún níꞌ si̱j noco̱ꞌ nana̱ sa̱ꞌ cheꞌé Cristó quiꞌya̱j níꞌ á. Da̱nj quiꞌya̱j soꞌ cheꞌé yan, caꞌve̱e se cuchi̱ꞌ ꞌu̱nj chiháán soj do̱ꞌ, caꞌve̱e se se̱ cuchíꞌ ꞌu̱nj ne̱ ina̱nj cu̱noj nana̱ cheꞌé soj do̱ꞌ, cu̱nó ꞌu̱nj se vaa xraan uxrá vaa nimán soj ꞌo̱ rcuaꞌa̱a̱n aꞌmii nacaj soj cheꞌé nana̱ sa̱ꞌ noco̱ꞌ níꞌ á.

Filipenses 1:7

Ne̱ ya̱ ya̱ vaa cheꞌé caꞌmij da̱nj cheꞌé ta̱ranꞌ nij soj chugua̱nj. Dan me se ya̱ caráyaꞌa̱nj uxrá soj manj, ne̱ ga̱a ꞌni̱j ꞌu̱nj tagaꞌ do̱ꞌ, ga̱a caꞌmii ꞌu̱nj rihaan nij síí naꞌvej rá cuno̱ nana̱ sa̱ꞌ cheꞌé Cristó cheꞌé rej xca̱j nij soꞌ cuentá do̱ꞌ, ga̱a tucuꞌyón ꞌu̱nj nana̱ sa̱ꞌ yoꞌ man yuvii̱ do̱ꞌ, ne̱ racuíj ndoꞌo cunuda̱nj nij soj manj, ne̱ cheꞌé dan me se soj si̱j ꞌyaj se‑su̱u̱n Yaꞌanj ga̱j roꞌ, me ndoꞌo ya̱ raj que̱neꞌenj man soj ado̱nj.

Filipenses 2:12

Cheꞌé dan cuno̱ soj si̱j ꞌe̱e̱ rá ꞌu̱nj niꞌya̱j ꞌu̱nj man caꞌmi̱j á. Ga̱a cayáán ꞌu̱nj ga̱ soj, ne̱ ꞌo̱ cuno soj nu̱ꞌ nana̱ caꞌmij a. Cuano̱ nihánj me se nda̱ꞌ se nuvíꞌ ꞌu̱nj yáán ga̱ soj, tza̱j ne̱ me rá ꞌu̱nj doj a̱ cuno̱ soj á. Ase ꞌyaj xnii ga̱a aráyaꞌa̱nj xnii ne̱ aráj cochro̱j xnii niꞌya̱j xnii rej xnii roꞌ, da̱nj ga̱a̱ quiꞌya̱j soj ni̱ꞌyaj soj Yaꞌanj, ne̱ doj a̱ rquee̱ soj cheꞌé rej navi̱j nu̱ꞌ chrej chiꞌi̱i̱ uun chij nimán soj á.

Filipenses 2:22

Tza̱j ne̱ a̱j neꞌen soj se vaa síí sa̱ꞌ uxrá me Timoteo, ne̱ da̱j se ꞌyaj xnii racuíj xnii man rej xnii roꞌ, da̱nj vaa ꞌyaj Timoteo racuíj soꞌ mán ꞌu̱nj nataꞌ rój nana̱ sa̱ꞌ cheꞌé Cristó ado̱nj.

Filipenses 4:3

Vaa so̱ꞌ, ne̱ tuvíꞌ ꞌu̱nj síí sa̱ꞌ noco̱ꞌ xraan man Yaꞌanj mé so̱ꞌ, ne̱ dan me se achíín ni̱ꞌyáj rihaan so̱ꞌ ra̱cuíj so̱ꞌ man ro̱j chana̱ nihánj, tinu̱j. Ro̱j chana̱ nihánj ga̱ ꞌó síí cuꞌna̱j Clemente do̱ꞌ, ꞌó nij tinúú ꞌu̱nj do̱ꞌ, racuíj ndoꞌo nij soꞌ mán ꞌu̱nj caꞌmii núj nana̱ sa̱ꞌ cheꞌé Cristó rihaan yuvii̱ a. Ne̱ no̱ se‑chuvi̱i nij soꞌ rihaan yanj ta̱j rihaan Yaꞌanj se vaa ga̱a̱ iꞌna̱ꞌ nij soꞌ rihaan Yaꞌanj nu̱ꞌ cavii nu̱ꞌ caꞌanj ado̱nj.

Filemón 1:17

Dan me se sese tinu̱j ya̱ níꞌ, ne̱ veꞌé naꞌmi̱i̱ sa̱ꞌ so̱ꞌ ga̱ soꞌ, ne̱ da̱j se uun rá so̱ꞌ neꞌén so̱ꞌ manj roꞌ, da̱nj gu̱un rá so̱ꞌ que̱neꞌén so̱ꞌ man soꞌ á.

Hebreos 3:14

ꞌO̱ se ya̱j me se guun níꞌ síí cavi̱i̱ sa̱ꞌ ga̱ Cristó, ne̱ cavi̱i̱ sa̱ꞌ ya̱ níꞌ ga̱ soꞌ sese ꞌo̱ cuchuma̱n rá níꞌ cuno̱ níꞌ nana̱ ya̱, nda̱a vaa quiꞌyaj níꞌ ga̱a guun cheꞌe̱ níꞌ canocoꞌ níꞌ man Cristó chugua̱nj.

2 Pedro 1:1

ꞌU̱nj roꞌ, me síí cuꞌna̱j Simón Pedró, síí nu̱u̱ rihaan Jesucristó, ne̱ síí cuneꞌ soꞌ caꞌa̱nj nata̱ꞌ snana̱ soꞌ rihaan yuvii̱ mej, ne̱ qui̱ꞌyáá ꞌu̱nj yanj nihánj caꞌne̱j ꞌu̱nj rihaan soj si̱j noco̱ꞌ man Cristó, ne̱ dan me se cuya̱a̱n vaa yuꞌvee nó soj ga̱ núj rihaan Yaꞌanj ado̱nj. Dan me se síí nica̱ nimán me Jesucristó, ne̱ amán rá soj ga̱ núj niꞌya̱j soj man Yaꞌanj, ꞌyaj Jesucristó, ne̱ soꞌ roꞌ, me Taꞌanj níꞌ, ne̱ soꞌ me Síí Tinanii man níꞌ rihaan Sayuun ado̱nj.

1 Juan 1:3

Dan me se nataꞌ núj rihaan maꞌa̱n nij soj cheꞌé se vaa queneꞌen núj do̱ꞌ, cheꞌé se vaa cuno núj do̱ꞌ, cheꞌé rej caꞌve̱e cunu̱u rcuaꞌa̱a̱n soj ga̱ núj, ne̱ dan me se cunu̱u rcuaꞌa̱a̱n níꞌ ga̱ Rej níꞌ Yaꞌanj ga̱ Taꞌníí soꞌ Jesucristó a.

1 Juan 1:7

Tza̱j ne̱ sese chéé níꞌ rej chuguu̱n sa̱ꞌ rej va̱j maꞌa̱n Yaꞌanj, ne̱ veꞌé sa̱ꞌ mán ta̱ranꞌ níꞌ, ne̱ navi̱j nu̱ꞌ cacunꞌ tumé níꞌ, quiꞌya̱j ton cayanj man Jesús Taꞌníí Yaꞌanj ga̱a caviꞌ soꞌ cheꞌé níꞌ, ne̱ ꞌo̱ cunu̱u sa̱ꞌ nimán níꞌ ado̱nj.