Efesios 6:24 - Triqui de San Juan Copala

²⁴ Ne̱ me rá ꞌu̱nj quiꞌya̱j ndoꞌo Yaꞌanj se lu̱j cheꞌé ta̱ranꞌ nij soj si̱j ꞌo̱ aráj cochro̱j rihaan Jesucristó Si̱j ꞌNi̱j Raꞌa man níꞌ nu̱ꞌ cavii nu̱ꞌ caꞌanj a.

Efesios 6:24 ပူးပေါင်းရင်းမြစ်များ

San Mateo 22:37

Ga̱a ne̱ cataj Jesús a: ―“Nda̱a nimán yá so̱ꞌ gu̱un rá so̱ꞌ ni̱ꞌyaj so̱ꞌ man Yaꞌanj Si̱j ꞌNi̱j Raꞌa man níꞌ, ne̱ ꞌo̱ nda̱a cúú yave̱ yá so̱ꞌ cuchuma̱n rá ni̱ꞌyaj man Yaꞌanj na̱nj ado̱nj.”

San Mateo 28:20

Ne̱ tu̱cuꞌyón soj rihaan nij yuvii̱ se vaa quiꞌya̱j nij yuvii̱ nu̱ꞌ suun caꞌnéꞌ ꞌu̱nj rihaan soj á. Veé dan yu̱u̱n cheꞌe̱ cache̱e̱ ꞌu̱nj ga̱ soj da̱j a̱ güii, nda̱a se navi̱j nu̱ꞌ chumii̱ nihánj na̱nj ado̱nj ―taj Jesús rihaan nij soꞌ a.

San Mateo 6:13

Ca̱ráán raꞌá so̱ꞌ xráá núj rihaan chrej chiꞌi̱i̱, ne̱ ti̱nanii so̱ꞌ man núj se̱ quiꞌyaj núj cacunꞌ, quiꞌya̱j Síí Chre̱e maꞌ. Ina̱nj da̱nj caꞌmi̱i̱ soj cachi̱nj niꞌya̱j soj rihaan Yaꞌanj ado̱nj.

Romanos 2:7

Dan me se taꞌa̱j yuvii̱ racuíj man tuviꞌ nij soꞌ, ne̱ ina̱nj ꞌyaj nij soꞌ se sa̱ꞌ cheꞌé tuviꞌ nij soꞌ, cheꞌé rej niꞌndaj ya̱ sa̱ꞌ quiꞌya̱j Yaꞌanj ga̱ nij soꞌ ne̱ caꞌmi̱i̱ cochro̱j Yaꞌanj cheꞌé nij soꞌ a. Me rá nij soꞌ ca̱yáán nij soꞌ ga̱ Yaꞌanj nu̱ꞌ cavii nu̱ꞌ caꞌanj, ne̱ ya̱ uxrá da̱nj ga̱a̱ quiꞌya̱j Yaꞌanj á.

2 Corintios 13:14

Dan me se me rá núj quiꞌya̱j ndoꞌo Jesucristó Si̱j ꞌNi̱j Raꞌa man níꞌ se lu̱j ga̱ cunuda̱nj soj, ne̱ me rá núj ga̱a̱ ꞌe̱e̱ rá Yaꞌanj ni̱ꞌyaj Yaꞌanj man cunuda̱nj soj, ne̱ me rá núj ꞌo̱ veꞌé caꞌmi̱i̱ cunuda̱nj soj ga̱ tinúú soj quiꞌya̱j Nimán Yaꞌanj na̱nj ado̱nj.

2 Corintios 8:12

Sese ya̱ ya̱ rii nimán soj rque̱ soj saꞌanj yoꞌ, ne̱ cara̱nꞌ rá Yaꞌanj ga̱ saꞌanj gu̱un nucua̱j soj rque̱ soj a. Se̱ cataj Yaꞌanj rque̱ soj doj saꞌanj, sese se̱ guun nucua̱j soj quiꞌya̱j soj da̱nj maꞌ.

2 Corintios 8:8

Se̱ caꞌnéꞌ ꞌu̱nj suun rihaan soj da̱j quiꞌya̱j soj maꞌ. Ma̱an se me rá ꞌu̱nj xca̱j ꞌu̱nj cuentá sese ya̱ ya̱ ꞌe̱e̱ rá soj tinúú soj nda̱a vaa ꞌe̱e̱ rá nij síí ma̱n Macedonia tinúú nij soꞌ a.

Efesios 6:23

Me rá ꞌu̱nj ga̱a̱ xe̱j nimán nij tinu̱j nij soj, ne̱ ga̱a̱ ꞌe̱e̱ rá soj tinúú soj, ne̱ ga̱a̱ nucua̱j rá soj man Yaꞌanj, quiꞌya̱j Rej níꞌ Yaꞌanj do̱ꞌ, quiꞌya̱j Jesucristó Si̱j ꞌNi̱j Raꞌa man níꞌ do̱ꞌ ado̱nj.

Filipenses 1:1

Síí cuꞌna̱j Pabló ga̱ síí cuꞌna̱j Timoteo me rój, ne̱ síí nu̱u̱ rihaan Cristó Jesús me rój, ne̱ nihánj me se ꞌyaj rój yanj cartá nihánj caꞌne̱j rój rihaan cunuda̱nj nij soj xꞌneꞌ yuvii̱ noco̱ꞌ man Cristó Jesús soj si̱j ya̱nj chumanꞌ Filipos a. Me rá rój naya̱a̱ nij soj do̱ꞌ, nij síí tumé sa̱ꞌ rihaan Yaꞌanj man soj do̱ꞌ, nij síí nica̱j suun rihaan Yaꞌanj ra̱cuíj man soj do̱ꞌ, yanj cartá nihánj a.

Colosenses 4:18

Rej navij yanj cartá nihánj roꞌ, raꞌa ma̱ꞌanj si̱j cuꞌna̱j Pabló cachrón nana̱ nihánj ado̱nj. Se̱ niꞌyón soj se vaa ꞌni̱j ꞌu̱nj tagaꞌ maꞌ. Me rá ꞌu̱nj quiꞌya̱j ndoꞌo Yaꞌanj se lu̱j cheꞌé nij soj ado̱nj.

2 Timoteo 4:22

Me rá ꞌu̱nj ca̱yáán Síí ꞌNi̱j Raꞌa man níꞌ ga̱ nimán so̱ꞌ, ne̱ quiꞌya̱j ndoꞌo Yaꞌanj se lu̱j cheꞌé nij soj ado̱nj.

Tito 2:7

Ne̱ ma̱ꞌán so̱ꞌ roꞌ, veꞌé qui̱ꞌyáá so̱ꞌ nu̱ꞌ suun sa̱ꞌ, ne̱ queneꞌe̱n nij tinúú níꞌ da̱j ꞌyáá so̱ꞌ, ga̱a ne̱ cuya̱a̱n quiꞌya̱j nij soꞌ ga̱ so̱ꞌ á. Ina̱nj tucuáán ya̱ tu̱cuꞌyón so̱ꞌ á. Ne̱ guún so̱ꞌ ꞌo̱ síí niꞌya̱nj aꞌmii a.

Tito 3:15

Me rá cunuda̱nj nij yuvii̱ ya̱nj ga̱ ꞌu̱nj cuano̱ se vaa veꞌé ca̱yáán so̱ꞌ ado̱nj. Ne̱ cata̱j so̱ꞌ rihaan nij síí ꞌe̱e̱ rá man níꞌ nij síí noco̱ꞌ man Yaꞌanj se vaa veꞌé cuma̱n cunuda̱nj nij soꞌ á. Me rá ꞌu̱nj ꞌo̱ quiꞌya̱j ndoꞌo Yaꞌanj se lu̱j cheꞌé cunuda̱nj nij soj na̱nj ado̱nj.

Hebreos 13:25

Me rá ꞌu̱nj quiꞌya̱j ndoꞌo Yaꞌanj se lu̱j ga̱ ta̱ranꞌ nij soj na̱nj ado̱nj.