Efesios 6:14 - Triqui de San Juan Copala

¹⁴ Dan me se nano̱ꞌ soj da̱j quiꞌya̱j soj cunu̱ꞌ soj ga̱ Síí Chre̱e yoꞌ á. Uxrá canoco̱ꞌ soj nana̱ ya̱, ne̱ ase vaa nuj ꞌni̱j catuu̱n tanuu roꞌ, da̱nj ga̱a̱ nana̱ yoꞌ rihaan soj, ne̱ gu̱un nucua̱j soj cunu̱ꞌ soj ga̱ Síí Chre̱e yoꞌ ado̱nj. Ne̱ caꞌve̱j soj cunu̱u sa̱ꞌ nimán soj rihaan Yaꞌanj, ne̱ ase vaa agaꞌ aráán nu̱ꞌ rucua̱a̱ tanuu roꞌ, da̱nj ga̱a̱ se ca̱ráán nimán soj, quiꞌya̱j Yaꞌanj, ga̱a ne̱ se̱ guun nucua̱j Síí Chre̱e quiꞌya̱j chiꞌi̱i̱ Síí Chre̱e yoꞌ nimán soj a̱ maꞌ.

Efesios 6:14 ပူးပေါင်းရင်းမြစ်များ

San Lucas 12:35

Ne̱ cataj uún Jesús rihaan nij soꞌ a: ―Ase vaa síí ꞌni̱j xraan nuj catuu̱n roꞌ, da̱nj ga̱a̱ soj á. Ase vaa síí nica̱j agaꞌ chuguu̱n acoꞌ yaꞌan roꞌ, da̱nj ga̱a̱ soj á.

Romanos 13:12

Dan me se nichrunꞌ rá ranga̱ꞌ, ne̱ da̱j doj quisi̱j güii caꞌna̱ꞌ Cristó, ne̱ cheꞌé dan se̱ quiꞌyaj níꞌ cacunꞌ nda̱a vaa ꞌyaj yuvii̱ chéé rej nii̱ maꞌ. ꞌO̱ se adi̱ꞌ se chuguu̱n rej ranga̱ꞌ roꞌ, da̱nj ga̱a̱ cuchugu̱u̱n nimán níꞌ, ne̱ ꞌo̱ ga̱a̱ nucua̱j níꞌ quiꞌya̱j níꞌ se‑su̱u̱n Yaꞌanj á.

2 Corintios 6:7

Nana̱ ya̱ aꞌmii núj, ne̱ rqué Yaꞌanj se nucua̱j man núj, ne̱ cunuu sa̱ꞌ nimán núj rihaan Yaꞌanj, ne̱ cheꞌé dan aꞌvee unuꞌ núj ga̱ Síí Chre̱e, ne̱ tumé núj man núj se vaa se̱ quiꞌyaj canaán Síí Chre̱e man núj a.

Efesios 5:9

Síí chéé rej ranga̱ꞌ roꞌ, sa̱ꞌ ꞌyaj soꞌ, ne̱ nica̱ vaa nimán soꞌ, ne̱ nana̱ ya̱ ina̱nj aꞌmii soꞌ ado̱nj.

Efesios 6:13

Cheꞌé dan caꞌne̱j soj nu̱ꞌ se nucua̱j rqué Yaꞌanj man soj nimán soj, ne̱ güii quiꞌya̱j ndoꞌo Síí Chre̱e sayuun rihaan chumii̱ nihánj roꞌ, ne̱ gu̱un nucua̱j soj quiꞌya̱j canaán soj rihaan soꞌ ado̱nj. Ne̱ asa̱ꞌ cunuꞌ soj ga̱ Síí Chre̱e yoꞌ, ne̱ síí ga̱a̱ nucua̱j doj rihaan soꞌ gu̱un soj ado̱nj.

1 Tesalonicenses 5:8

Xa̱ꞌ níꞌ, tza̱j ne̱ si̱j va̱j rej ranga̱ꞌ me níꞌ, ne̱ acaj níꞌ cuentá da̱j ꞌyaj níꞌ na̱nj á. Dan me se ꞌo̱ ga̱a̱ nucua̱j rá níꞌ man Cristó, ne̱ ga̱a̱ ꞌe̱e̱ rá níꞌ man tinúú níꞌ, ne̱ ase vaa aráán rihaan nimán tanuu ꞌyaj agaꞌ no̱ rucua̱a̱ tanuu roꞌ, da̱nj ga̱a̱ ca̱ráán rihaan nimán níꞌ a. Ne̱ gu̱un ya̱ rá níꞌ se vaa ya̱ nani̱i̱ níꞌ rihaan sayuun ne̱ cavi̱i̱ sa̱ꞌ níꞌ, ne̱ ase vaa avii sa̱ꞌ tanuu ꞌyaj agaꞌ nu̱u̱ raa̱ tanuu roꞌ, da̱nj ga̱a̱ cavi̱i̱ sa̱ꞌ níꞌ a.

1 Pedro 1:13

Cheꞌé dan ꞌo̱ caꞌne̱j nimán soj quiꞌya̱j soj nda̱a vaa me rá Yaꞌanj na̱nj á. Ga̱a̱ chij rá soj ga̱ tuviꞌ soj, ne̱ ꞌo̱ ga̱a̱ nucua̱j rá soj man Yaꞌanj se vaa quiꞌya̱j ndoꞌo soꞌ se lu̱j cheꞌé soj asa̱ꞌ curuviꞌ uún Jesucristó á.

Apocalipsis 9:17

Ne̱ dan me se ga̱a naquiꞌyaa nu̱ꞌ rasu̱u̱n nihánj rihaan ꞌu̱nj, quiꞌyaj se‑mo̱zó Yaꞌanj yoꞌ, ne̱ queneꞌén ꞌu̱nj man nij cuayó do̱ꞌ, man nij síí ta̱j xráá nij cuayó do̱ꞌ, ne̱ nij soꞌ roꞌ, nica̱j nij soꞌ agaꞌ caráán rucua̱a̱ nij soꞌ, ne̱ dan me se no̱ se mare̱e ndoꞌo, ne̱ no̱ se tintá chro̱n, ne̱ no̱ se míí, nda̱a vaa chuguu̱n yoꞌóó azufré acaa a. Ne̱ ase vaa raa̱ chuvaa̱ vaa raa̱ nij cuayó, ne̱ cavii yaꞌan cavii yachruu̱ cavii azufré cavii tuꞌva nij xoꞌ a.

Apocalipsis 9:9

Ne̱ caráán agaꞌ nu̱ꞌ rucua̱a̱ nij xoꞌ a. Ne̱ da̱j se uun ráꞌ ga̱a unóꞌ queꞌe̱e̱ cuchriꞌ nucua̱j cuayó unánj rej cunu̱ꞌ nii roꞌ, da̱nj guun raj ga̱a cunoj cari̱i̱n scache̱e nij xoꞌ ga̱a chéé nij xoꞌ xta̱ꞌ a.