Efesios 6:12 - Triqui de San Juan Copala12 Da̱nj quiꞌya̱j níꞌ cheꞌé se nij síí unuꞌ ga̱ níꞌ me nij nana̱ chre̱e uun chij rihaan chumii̱ nihánj do̱ꞌ, nij nana̱ chre̱e nica̱j suun do̱ꞌ, nij nana̱ chre̱e rii taꞌngaꞌ rihaan rej rmi̱ꞌ ma̱n rihaan chumii̱ nihánj do̱ꞌ, nij xꞌneꞌ ri̱i̱ nana̱ chre̱e chéé rej xta̱ꞌ do̱ꞌ ado̱nj. အခန်းကိုကြည့်ပါ။ |
Efesios 6:12
25 ပူးပေါင်းရင်းမြစ်များ
tza̱j ne̱ nanó ndoꞌo rá nij soꞌ cheꞌé se ma̱n rihaan chumii̱ nihánj, ne̱ me ndoꞌo rá nij soꞌ quiꞌya̱j canaán nij soꞌ saꞌanj, dan tihaꞌ yuꞌunj nij soꞌ man maꞌa̱n nij soꞌ cheꞌé saꞌanj, ne̱ me maꞌa̱n ꞌó nij rasu̱u̱n nanoꞌ ndoꞌo nij soꞌ, ne̱ cheꞌé dan tanáj xco̱ nij soꞌ snana̱ Yaꞌanj, ne̱ ne ꞌyaj nij soꞌ se sa̱ꞌ a̱ maꞌ.
―Ase vaa taꞌyaa chru̱j ndoꞌo vaa rej cache̱n yuvii̱ catu̱u̱ yuvii̱ rihaan Yaꞌanj ado̱nj. Quiꞌya̱j nucua̱j soj nimán soj cheꞌé rej catu̱u̱ soj rej yoꞌ na̱nj á. Cata̱j xnaꞌanj ꞌu̱nj rihaan soj cuano̱ se vaa vaa ndoꞌo yuvii̱ gu̱un ndoꞌo rá catu̱u̱ rej yoꞌ, tza̱j ne̱ se̱ guun nucua̱j nij soꞌ catu̱u̱ nij soꞌ maꞌ.
cheꞌé rej naxra̱ꞌ rihaan nij soꞌ ne̱ xca̱j nij soꞌ cuentá qui̱ꞌyáá so̱ꞌ ado̱nj. Ga̱a ne̱ ta̱náj xco̱ nij soꞌ rej rmi̱ꞌ rej uun chij Síí Chre̱e rihaan nij soꞌ, ne̱ ca̱nica̱j nij soꞌ rihaan Yaꞌanj rej ranga̱ꞌ rej gu̱un nucua̱j nij soꞌ xca̱j nij soꞌ cuentá a. Ga̱a ne̱ caꞌve̱e navi̱j nu̱ꞌ cacunꞌ tumé nij soꞌ, ne̱ caꞌve̱e cavi̱i̱ sa̱ꞌ nij soꞌ ga̱ nij síí cunuu sa̱ꞌ nimán rihaan Yaꞌanj, sese cuchuma̱n rá nij soꞌ ni̱ꞌyaj nij soꞌ mán ꞌu̱nj, qui̱ꞌyáá so̱ꞌ á”, taj Síí ꞌNi̱j Raꞌa man níꞌ rihanj a.
Cheꞌé dan uun ya̱ rá ꞌu̱nj se vaa a̱ ꞌó rasu̱u̱n se̱ caꞌvee naquiꞌya̱j yaníj man níꞌ ga̱ Yaꞌanj maꞌ. Sese aviꞌ níꞌ do̱ꞌ, sese vaa iꞌna̱ꞌ níꞌ do̱ꞌ, nij se‑mo̱zó Yaꞌanj do̱ꞌ, nij nana̱ chre̱e uun chij do̱ꞌ, nij nana̱ chre̱e nucua̱j do̱ꞌ, sayuun ranꞌ níꞌ cuano̱ do̱ꞌ, sayuun quira̱nꞌ níꞌ rej riha̱a̱n do̱ꞌ,
Ne̱ xa̱ꞌ nij soꞌ, tza̱j ne̱ ne nocoꞌ nij soꞌ man Cristó maꞌ. ꞌO̱ se caráán xréé nij soꞌ, quiꞌyaj Síí Chre̱e síí noco̱ꞌ nij soꞌ man, ne̱ ne gu̱un nucua̱j nij soꞌ xca̱j nij soꞌ cuentá cheꞌé nana̱ sa̱ꞌ cheꞌé Cristó maꞌ. Ne neꞌen nij soꞌ se vaa niꞌndaj ya̱ veꞌé vaa Cristó maꞌ. Ne̱ xa̱ꞌ Cristó, tza̱j ne̱ ase vaa maꞌa̱n Yaꞌanj vaa soꞌ niꞌya̱j níꞌ man soꞌ ado̱nj.
Veé dan, ne̱ rej xta̱ꞌ yoꞌ me se uun chij soꞌ doj rihaan da̱j a̱ nij síí nucua̱j do̱ꞌ, da̱j a̱ nij síí rii taꞌngaꞌ do̱ꞌ, da̱j a̱ nij síí uun chij do̱ꞌ, da̱j a̱ nij síí nica̱j suun do̱ꞌ a. Ne̱ se‑chuvi̱i soꞌ me se sa̱ꞌ doj vaa yoꞌ rihaan se‑chuvi̱i ta̱ranꞌ nij síí uun chij rihaan chumii̱ nihánj do̱ꞌ, rihaan rej xta̱ꞌ do̱ꞌ ado̱nj. Tza̱j ne̱ ne do̱j cuano̱ me uun chij soꞌ maꞌ. ꞌO̱ se gu̱un chij soꞌ nu̱ꞌ cavii nu̱ꞌ caꞌanj na̱nj ado̱nj.
Dan me se quiꞌyaj soj nda̱a vaa ꞌyaj yuvii̱ ma̱n rihaan chumii̱ nihánj a. Ne̱ quiꞌyaj soj nu̱ꞌ rasu̱u̱n chiꞌi̱i̱ rasu̱u̱n niha̱ꞌ rá Síí Chre̱e síí rii taꞌngaꞌ rihaan chumii̱ nihánj cuano̱ síí chéé uun chij rque nana̱, ne̱ soꞌ me síí rii taꞌngaꞌ rihaan nimán nij yuvii̱ naꞌvej rá cuno̱ rihaan Yaꞌanj a.
Tza̱j ne̱ da̱j a̱ nij síí uun chij rej xta̱ꞌ do̱ꞌ, da̱j a̱ nij síí nica̱j suun rej xta̱ꞌ do̱ꞌ roꞌ, me rá Yaꞌanj xca̱j nij soꞌ cuentá cuano̱ se vaa ina̱nj nana̱ cu̱u sa̱ꞌ ndoꞌo avii raa̱ Yaꞌanj, ne̱ queneꞌe̱n nij soꞌ man xꞌneꞌ ta̱ranꞌ níꞌ si̱j noco̱ꞌ man Cristó, ne̱ xca̱j nij soꞌ cuentá se vaa avii ndoꞌo raa̱ Yaꞌanj ado̱nj.
Ri̱i̱ uxrá nij síí amán rá niꞌya̱j man Yaꞌanj, nij síí ma̱n ga̱a naá, ne̱ nicu̱nꞌ nij soꞌ nu̱ꞌ anica̱j rej ma̱n níꞌ tihaa̱n nij soꞌ man níꞌ suun noco̱ꞌ xraan man Yaꞌanj a. Cheꞌé dan ta̱náj xco̱ níꞌ nu̱ꞌ se vaa ca̱ráán chrej rihaan níꞌ, ne̱ ta̱náj xco̱ níꞌ nu̱ꞌ chrej chiꞌi̱i̱ na̱nj á. ꞌO̱ se sayu̱u̱n ndoꞌo vaa ta̱náj xco̱ níꞌ chrej chiꞌi̱i̱ yoꞌ ado̱nj. Ne̱ dan me se ꞌo̱ quiꞌya̱j níꞌ nu̱ꞌ suun vaa rihaan níꞌ á. Dan me se ase vaa síí unánj tico tuviꞌ roꞌ, da̱nj ga̱a̱ níꞌ, ne̱ se̱ caꞌneꞌ rá níꞌ caꞌa̱nj níꞌ rej rihaan níꞌ maꞌ.
ကြော်ငြာတွေ