Efesios 5:29 - Triqui de San Juan Copala

²⁹ ꞌO̱ se a̱ ꞌó yuvii̱ ne nachriꞌ nee̱ man maꞌa̱n maꞌ. Tana̱nj sese naꞌaan rque níꞌ, ne̱ chá níꞌ, ne̱ aráyaꞌa̱nj uxrá níꞌ man nee̱ man níꞌ ase vaa ꞌyaj Cristó aráyaꞌa̱nj Cristó man xꞌneꞌ níꞌ si̱j noco̱ꞌ man soꞌ ado̱nj.

Efesios 5:29 ပူးပေါင်းရင်းမြစ်များ

San Mateo 23:37

Ga̱a ne̱ cataj uún Jesús a: ―Nanó uxrá raj cheꞌé soj si̱j ma̱n chumanꞌ Jerusalén nihánj na̱nj á. Dan me se ticaviꞌ soj man nij síí nataꞌ snana̱ Yaꞌanj, ne̱ goꞌ soj yahij man nij síí caꞌnéé Yaꞌanj cuchi̱ꞌ rihaan soj ado̱nj. Guun queꞌe̱e̱ ndoꞌo guun rá ꞌu̱nj naquiꞌya̱j chre̱ꞌ ꞌu̱nj man soj tu̱mé ꞌu̱nj man soj, tza̱j ne̱ taj se quiꞌyáꞌ caꞌve̱e maꞌ. Dan me se ase vaa ꞌyaj xee naquiꞌyaj chre̱ꞌ xee man taꞌníí xoꞌ ca̱ráán xoꞌ xcóó xoꞌ xráá taꞌníí xoꞌ roꞌ, da̱nj guun raj qui̱ꞌyáj man soj, tza̱j ne̱ ne caꞌve̱j rá soj qui̱ꞌyáj da̱nj a̱ maꞌ.

San Mateo 6:26

’Xca̱j soj cuentá da̱j ꞌyaj nij xtâj va̱j xta̱ꞌ, ne̱ ne unô nij xoꞌ ꞌnúú, ne̱ ne rii nij xoꞌ naa̱, ne̱ ne araa nij xoꞌ ꞌnúú rá cuchruu̱, tza̱j ne̱ Rej soj síí nicu̱nꞌ xta̱ꞌ roꞌ, aꞌvee rqué se chá nij xoꞌ na̱nj á. Ne̱ táá a̱ soj, ne̱ sa̱ꞌ doj vaa soj rihaan xtâj neꞌen Yaꞌanj na̱nj ado̱nj.

Romanos 1:31

Síí niꞌyón rmaꞌa̱n do̱ꞌ, síí naꞌvej quiꞌya̱j se ataꞌ tuꞌva do̱ꞌ, síí ne ꞌe̱e̱ rá man tuviꞌ do̱ꞌ, síí ꞌyaj ndoꞌo sayuun do̱ꞌ, síí ne ꞌyaj se lu̱j ga̱ tuviꞌ do̱ꞌ, me nij soꞌ a.

Efesios 5:28

Dan me se ase vaa ꞌyaj Cristó cheꞌé níꞌ roꞌ, da̱nj quiꞌya̱j uún nij snóꞌo cheꞌé nica̱ snóꞌo, ne̱ ase vaa ꞌe̱e̱ rá snóꞌo man nee̱ man maꞌa̱n soꞌ roꞌ, da̱nj ga̱a̱ ꞌe̱e̱ rá soꞌ man nica̱ soꞌ uún á. Dan me se ase vaa nee̱ man maꞌa̱n níꞌ roꞌ, da̱nj vaa chana̱ nica̱ níꞌ rihaan níꞌ, ne̱ cheꞌé dan me se sese ꞌe̱e̱ rá snóꞌo man nica̱ snóꞌo, ne̱ síí ꞌe̱e̱ rá man maꞌa̱n me uún soꞌ na̱nj chugua̱nj.

Efesios 5:30

Dan me se ase vaa nee̱ man maꞌa̱n Cristó roꞌ, da̱nj vaa da̱j a̱ níꞌ si̱j noco̱ꞌ xꞌneꞌ nij síí noco̱ꞌ man soꞌ ado̱nj.

Efesios 5:31

Ne̱ nihánj me nana̱ no̱ rihaan Danj Yaꞌanj a: “Cheꞌé dan ta̱náj snóꞌo man rej soꞌ do̱ꞌ, man nii soꞌ do̱ꞌ, ne̱ cunu̱u rucuaꞌa̱a̱n snóꞌo ga̱ chana̱ nica̱ soꞌ, ne̱ ase vaa o̱rúnꞌ yuvii̱ roꞌ, da̱nj ga̱a̱ ro̱j soꞌ a”, taj Danj Yaꞌanj a.