Efesios 4:27 - Triqui de San Juan Copala

²⁷ Se̱ gaa yaꞌnúj rihaan Síí Chre̱e caxri̱i̱ Síí Chre̱e chrej chiꞌi̱i̱ rque soj, quiꞌya̱j soj maꞌ.

Efesios 4:27 ပူးပေါင်းရင်းမြစ်များ

Hechos 5:3

Ga̱a ne̱ caꞌmii Pedró rihaan Ananías, cataj soꞌ a: ―Me cheꞌé catúj Síí Chre̱e nimán so̱ꞌ, ne̱ caꞌmii ne̱ so̱ꞌ nda̱a rihaan Nimán Yaꞌanj, ne̱ taꞌaa so̱ꞌ taꞌa̱j saꞌanj quiríꞌ so̱ꞌ ga̱a cutuꞌvéj so̱ꞌ yoꞌóó yoꞌ ga̱.

Romanos 12:19

Se̱ quiꞌyaj maꞌa̱n soj sayuun man yuvii̱ ꞌyaj sayuun man soj maꞌ. Ma̱an se caꞌne̱ꞌ rá soj, ne̱ Yaꞌanj me síí na̱ruꞌvee rihaan nij yuvii̱ quiꞌyaj sayuun, ne̱ vaa güii quiꞌya̱j Yaꞌanj sayuun man nij soꞌ a. Da̱nj me raj quiꞌya̱j nij soj, tinu̱j, nocoj. ꞌO̱ se Danj Yaꞌanj taj a: “Ma̱ꞌanj me síí no̱ xcúún na̱ruꞌvee sayuun rihaan yuvii̱, ne̱ ya̱ na̱ruꞌvee ꞌu̱nj rihaan yuvii̱”, taj Yaꞌanj a.

Efesios 6:11

Dan me se nu̱ꞌ se nucua̱j rqué Yaꞌanj man soj roꞌ, caꞌne̱j soj se nucua̱j yoꞌ nimán soj, ne̱ gu̱un nucua̱j soj quiꞌya̱j canaán soj rihaan Síí Chre̱e ga̱a me rá soꞌ tiha̱ꞌ yuꞌunj soꞌ man soj ado̱nj.

Efesios 6:16

Ne̱ niga̱nj ga̱a̱ nucua̱j uxrá rá soj man Cristó, ga̱a ne̱ ase vaa tanuu noco̱ꞌ rcuchra̱ꞌ ma̱nj raꞌa roꞌ, da̱nj ga̱a̱ maꞌa̱n soj uún, ne̱ sese go̱ꞌ Síí Chre̱e chruun ta̱j tanj raa̱ acoꞌ yaꞌan man soj, ne̱ gu̱un nucua̱j soj ti̱naꞌáj soj yaꞌan yoꞌ chugua̱nj.

Santiago 4:7

Cheꞌé dan cuno̱ soj rihaan Yaꞌanj á. Naquiꞌya̱j soꞌo̱ soj xréé soj rihaan Síí Chre̱e, ne̱ cuna̱nj Síí Chre̱e rihaan soj na̱nj ado̱nj.

1 Pedro 5:8

Ga̱a̱ sca̱ꞌ rá soj, ne̱ tu̱mé soj man soj da̱j quiꞌya̱j soj á. ꞌO̱ se vaa síí ta̱j riꞌyunj niꞌya̱j man soj, ne̱ Síí Chre̱e me soꞌ, ne̱ ase ꞌyaj chuvaa̱ aguáj chéé nanoꞌ xcuu cha̱ roꞌ, da̱nj ꞌyaj Síí Chre̱e, chéé soꞌ nanoꞌ soꞌ man síí caꞌve̱e tiri̱ꞌ soꞌ man chugua̱nj.