Efesios 4:24 - Triqui de San Juan Copala24 Ne̱ caꞌve̱j soj gu̱un soj yuvii̱ naca̱ quiꞌya̱j Yaꞌanj á. Dan me se Yaꞌanj me síí quiꞌya̱j cunu̱u nica̱ ya̱ nimán soj, ne̱ cunu̱u sa̱ꞌ ya̱ nimán soj, quiꞌya̱j soꞌ ado̱nj. အခန်းကိုကြည့်ပါ။ |
Se̱ quiꞌyaj soj nda̱a vaa tucuáán noco̱ꞌ nij yuvii̱ ma̱n chumii̱ nihánj maꞌ. Tana̱nj caꞌve̱j rá soj cunu̱u sa̱ꞌ nimán soj quiꞌya̱j Yaꞌanj, ne̱ xca̱j naca̱ soj cuentá da̱j quiꞌya̱j soj ga̱a yáán soj rihaan chumii̱ nihánj, ga̱a ne̱ nari̱ꞌ soj da̱j me rá Yaꞌanj quiꞌya̱j soj, ne̱ xca̱j soj cuentá me se me se sa̱ꞌ niꞌya̱j Yaꞌanj á. Dan me se xca̱j soj cuentá me suun sa̱ꞌ me rá Yaꞌanj quiꞌya̱j soj ado̱nj.
Dan me se ase vaa quiranꞌ Cristó ga̱a cachinꞌ nii man soꞌ roꞌ, da̱nj quiranꞌ níꞌ ga̱a cataꞌ ne níꞌ a. Ne̱ ase vaa ne cache̱e̱ soꞌ rihaan yoꞌóó rque vaꞌnu̱j güii roꞌ, da̱nj ga̱a̱ níꞌ cuano̱ cheꞌé se cataꞌ ne níꞌ, ne̱ se̱ cachéé níꞌ chrej chiꞌi̱i̱ cuano̱ maꞌ. Ga̱a ne̱ ase vaa cunuu iꞌna̱ꞌ uún Cristó ga̱a caviꞌ soꞌ, quiꞌyaj snucua̱j Rej soꞌ Yaꞌanj roꞌ, da̱nj ga̱a̱ cunu̱u naca̱ nimán níꞌ, ne̱ veꞌé uxrá quiꞌya̱j níꞌ ca̱yáán níꞌ ga̱ tuviꞌ níꞌ, quiꞌya̱j Yaꞌanj ado̱nj.
Dan me se ga̱a naá canocoꞌ uxrá níꞌ tucuáán yoꞌ tucuáán no̱ rihaan yanj, ne̱ no̱ xcúún níꞌ canoco̱ꞌ níꞌ tucuáán yoꞌ, rá níꞌ ga̱a rque̱, tza̱j ne̱ ya̱j nihánj me se taj cheꞌé canoco̱ꞌ níꞌ tucuáán yoꞌ a̱ maꞌ. ꞌO̱ se a̱j cunuu sa̱ꞌ nimán níꞌ, ne̱ racuíj Nimán Yaꞌanj man níꞌ quiꞌya̱j níꞌ se‑su̱u̱n Yaꞌanj cuano̱ ado̱nj.
Ga̱a naá me se queneꞌen Yaꞌanj se vaa canoco̱ꞌ níꞌ man soꞌ vaa güii, ga̱a ne̱ ꞌo̱ guun rá Yaꞌanj se vaa naquiꞌya̱j sa̱ꞌ Yaꞌanj nimán níꞌ a. Ne̱ ase vaa Taꞌníí Yaꞌanj síí cuꞌna̱j Jesucristó roꞌ, da̱nj ga̱a̱ níꞌ uún, ne̱ vaa güii cuma̱n ndoꞌo tinúú Jesucristó do̱ꞌ, raꞌvij Jesucristó do̱ꞌ, ne̱ soꞌ gu̱un síí chava̱ꞌ rihaan cunuda̱nj níꞌ a.
Ne̱ taj se aráán rihaan ta̱ranꞌ níꞌ maꞌ. ꞌO̱ se uun nucua̱j níꞌ neꞌen níꞌ man Síí ꞌNi̱j Raꞌa man níꞌ, se vaa niꞌndaj ya̱ veꞌé vaa soꞌ, ne̱ ase vaa soꞌ roꞌ, da̱nj ga̱a̱ uún maꞌa̱n níꞌ, cheꞌé se niꞌya̱j níꞌ man soꞌ ado̱nj. Dan me se do̱ꞌ do̱ꞌ naquiꞌyaj sa̱ꞌ Nimán Yaꞌanj Si̱j ꞌNi̱j Raꞌa man níꞌ nimán níꞌ, ne̱ dan me se ne̱ soꞌ nimán níꞌ, ne̱ ase vaa maꞌa̱n soꞌ roꞌ, da̱nj ga̱a̱ ta̱ranꞌ níꞌ uún ado̱nj.
ne̱ dan me se chingá yoꞌ roꞌ, me stucua̱nj Moisés, ne̱ quisíj rii taꞌngaꞌ rihaan níꞌ ꞌo̱ ꞌo̱ suun cunii no̱ rihaan tucuáán yoꞌ, quiꞌyaj Cristó ga̱a caviꞌ soꞌ na̱nj ado̱nj. Da̱nj quiꞌyaj Cristó cheꞌé yan naquiꞌya̱j rcuaꞌa̱a̱n soꞌ man yuvii̱ israelitá ga̱ yuvii̱ yaníj, ne̱ nahuun nij soꞌ o̱rúnꞌ ꞌo̱ xꞌneꞌ naca̱ yuvii̱ ado̱nj. Soꞌ me síí ꞌyaj se vaa dínj ma̱n rcuaꞌa̱a̱n ro̱j xꞌneꞌ yuvii̱ ado̱nj.
Ase vaa me ndoꞌo rá leé no̱ cutzi̱i leé no̱ too roꞌ, da̱nj gu̱un ndoꞌo rá soj tu̱cuꞌyón soj snana̱ Yaꞌanj nana̱ ya̱ na̱nj á. Ase vaa racuíj too man leé no̱ achij leé no̱ roꞌ, da̱nj ga̱a̱ ra̱cuíj snana̱ Yaꞌanj man soj cunu̱u sca̱ꞌ nimán soj chugua̱nj. Dan, ga̱a ne̱ nani̱i̱ soj rihaan sayuun ne̱ cavi̱i̱ sa̱ꞌ ndoꞌo soj, quiꞌya̱j Yaꞌanj ado̱nj.