Efesios 4:20 - Triqui de San Juan Copala

²⁰ Tza̱j ne̱ ino̱ uxrá vaa nana̱ nariꞌ soj asi̱j guun cheꞌe̱ soj canocoꞌ soj man Cristó ado̱nj.

Efesios 4:20 ပူးပေါင်းရင်းမြစ်များ

San Mateo 11:29

Dan me se canoco̱ꞌ soj manj, ne̱ quiꞌya̱j soj tucuáán tu̱cuꞌyón ꞌu̱nj man soj á. ꞌO̱ se síí vaa nica̱ꞌ nimán mej, ne̱ nari̱ꞌ soj chrej nara̱a̱n rá nimán soj ado̱nj.

San Lucas 24:47

Ga̱a ne̱ vaa cheꞌé caꞌmi̱i̱ natáj nii se vaa cheꞌé se‑chuvi̱i Síí Caꞌnéé Yaꞌanj Ti̱nanii man Yuvii̱ rihaan Sayuun roꞌ, no̱ xcúún yuvii̱ ca̱nica̱j nimán yuvii̱ ne̱ ta̱náj yuvii̱ chrej chiꞌi̱i̱, ne̱ tinavi̱j Yaꞌanj cacunꞌ tumé nij soꞌ a. Asino ya̱a̱n vaa cheꞌé caꞌmi̱i̱ natáj nii chumanꞌ Jerusalén, ga̱a ne̱ caꞌmi̱i̱ natáj nii rihaan ta̱ranꞌ nij xꞌneꞌ yuvii̱ ino̱ vaa stucua̱nj ado̱nj.

San Juan 6:45

Dan me se vaa ꞌo̱ síí nataꞌ snana̱ Yaꞌanj cachrón nana̱ nihánj rihaan yanj ga̱a naá a: “Ne̱ maꞌa̱n Yaꞌanj tu̱cuꞌyón man ta̱ranꞌ nij soꞌ ado̱nj”, taj síí nataꞌ yoꞌ a. Dan me se ta̱ranꞌ nij síí uno rihaan Réj ne̱ nariꞌ snana̱ Réj roꞌ, me síí ꞌnaꞌ rihanj ado̱nj.

Efesios 4:21

Cuno nij soj snana̱ soꞌ, ne̱ nariꞌ nij soj cheꞌé soꞌ nda̱a vaa taj nana̱ ya̱ tihaa̱n Jesús man níꞌ ado̱nj.

1 Juan 2:27

Ne̱ xa̱ꞌ soj, tza̱j ne̱ cheꞌé se nu̱u̱ Nimán Yaꞌanj nimán soj quiꞌyaj Cristó, ne̱ cheꞌé dan ꞌo̱ nocoꞌ soj man Cristó, ne̱ taj cheꞌé tu̱cuꞌyón nii doj nana̱ man soj a̱ maꞌ. Tana̱nj cheꞌé se nu̱u̱ Nimán Yaꞌanj nimán soj, cheꞌé dan a̱j nariꞌ soj nana̱ cheꞌé nu̱ꞌ rasu̱u̱n, ne̱ ina̱nj nana̱ ya̱ nariꞌ soj ado̱nj. Né na̱na̱ ne̱ me nana̱ nariꞌ soj, quiꞌyaj Nimán Yaꞌanj maꞌ. Dan me se ꞌo̱ canoco̱ꞌ soj man Cristó, nda̱a vaa tucuꞌyón ya̱ Nimán Yaꞌanj man soj ado̱nj.