Efesios 4:15 - Triqui de San Juan Copala

¹⁵ Ma̱an ina̱nj nana̱ ya̱ caꞌmi̱i̱ níꞌ rihaan tinúú níꞌ, cheꞌé se ꞌe̱e̱ rá níꞌ man tinúú níꞌ, ga̱a ne̱ sa̱ꞌ doj queneꞌe̱n níꞌ canoco̱ꞌ níꞌ man Cristó nu̱ꞌ se vaa quiꞌya̱j níꞌ ado̱nj. Dan me se ase vaa rii taꞌngaꞌ cúú yave̱ yuvii̱ rihaan nu̱ꞌ nee̱ man yuvii̱ roꞌ, da̱nj vaa rii taꞌngaꞌ Cristó rihaan níꞌ ado̱nj.

Efesios 4:15 ပူးပေါင်းရင်းမြစ်များ

San Juan 1:47

Veé dan, ne̱ queneꞌen Jesús se vaa caꞌnaꞌ Natanael rihaan soꞌ, ne̱ caꞌmii soꞌ ꞌo̱ nana̱ cheꞌé Natanael, cataj soꞌ a: ―Ni̱ꞌyaj soj á. Ya̱ si̱j israelitá me síí ꞌnaꞌ cuano̱ na̱nj á. Nica̱ aꞌmii soꞌ, ne̱ ne aꞌmii soꞌ nana̱ tihaꞌ yuꞌunj maꞌ ―taj Jesús niꞌya̱j soꞌ man Natanael a.

Romanos 12:9

Se̱ cataj soj se vaa ꞌe̱e̱ rá soj man tinúú soj, sese ne ya̱ ꞌe̱e̱ rá soj tinúú soj maꞌ. Se̱ tuꞌva rmaꞌa̱n soj da̱nj maꞌ. Tana̱nj ya̱ ga̱a̱ ꞌe̱e̱ rá soj tinúú soj á. Nachri̱ꞌ soj ni̱ꞌyaj soj se chiꞌi̱i̱, ne̱ ina̱nj se sa̱ꞌ canoco̱ꞌ xraan soj á.

1 Corintios 11:3

Me raj xca̱j soj cuentá se vaa uun chij Cristó rihaan nu̱ꞌ snóꞌo, ne̱ snóꞌo uun chij rihaan chana̱ nica̱ soꞌ, ne̱ uun chij Yaꞌanj rihaan Cristó a.

2 Corintios 4:2

Tana̱nj a̱ ꞌo̱ tanáj xco̱ núj nu̱ꞌ nij rasu̱u̱n naꞌa̱j chiꞌi̱i̱ ꞌyaj yuve̱ nii ado̱nj. Ne aꞌmii núj nana̱ tihaꞌ yuꞌunj maꞌ. Ne aꞌmii ne̱ núj cheꞌé snana̱ Yaꞌanj maꞌ. Ina̱nj nana̱ ya̱ aꞌmii núj cuno̱ cunuda̱nj yuvii̱, ne̱ xca̱j maꞌa̱n nij yuvii̱ cuentá se vaa ya̱ vaa nana̱ aꞌmii núj, ne̱ Yaꞌanj me síí uno nu̱ꞌ nana̱ aꞌmii núj na̱nj á.

2 Corintios 8:8

Se̱ caꞌnéꞌ ꞌu̱nj suun rihaan soj da̱j quiꞌya̱j soj maꞌ. Ma̱an se me rá ꞌu̱nj xca̱j ꞌu̱nj cuentá sese ya̱ ya̱ ꞌe̱e̱ rá soj tinúú soj nda̱a vaa ꞌe̱e̱ rá nij síí ma̱n Macedonia tinúú nij soꞌ a.

Efesios 1:22

Ne̱ uun chij Cristó rihaan cunuda̱nj rasu̱u̱n, quiꞌyaj Yaꞌanj, ne̱ dan me se Yaꞌanj me síí quiꞌyaj rii taꞌngaꞌ Cristó rihaan cunuda̱nj rasu̱u̱n cheꞌé xꞌneꞌ cunuda̱nj níꞌ si̱j noco̱ꞌ man soꞌ ado̱nj.

Efesios 1:4

Asi̱j ataa quiꞌya̱j Yaꞌanj chumii̱ nihánj me narii soꞌ man níꞌ cunu̱u sa̱ꞌ nimán níꞌ rihaan maꞌa̱n soꞌ, ne̱ se̱ tumé níꞌ cacunꞌ, rá soꞌ a̱ maꞌ. Ne̱ dan me se cunuu ꞌe̱e̱ rá soꞌ man níꞌ,

Efesios 2:21

Dan me se ꞌo̱ chre̱ꞌ ga̱a̱ níꞌ si̱j noco̱ꞌ man Cristó, ga̱a ne̱ ꞌo̱ cuya̱a̱n na̱xcaj ꞌo̱ nuvií gue̱e̱ á. Ne̱ nuvií yoꞌ roꞌ, me nu̱ꞌ níꞌ si̱j noco̱ꞌ man Síí ꞌNi̱j Raꞌa man níꞌ na̱nj ado̱nj.

Efesios 4:25

Cheꞌé dan caꞌne̱ꞌ rá soj ga̱ nana̱ ne̱, ne̱ ina̱nj nana̱ ya̱ caꞌmi̱i̱ soj rihaan tinúú soj, cheꞌé se ase vaa nee̱ man maꞌa̱n soj roꞌ, vaa nee̱ man ta̱ranꞌ nij tinu̱j níꞌ ado̱nj.

Efesios 5:23

Dan me se Cristó me Síí Tinanii rihaan Sayuun man xꞌneꞌ níꞌ si̱j noco̱ꞌ man soꞌ, ne̱ uun chij soꞌ rihaan níꞌ, ne̱ cheꞌé dan da̱j se uun rá níꞌ niꞌya̱j níꞌ man soꞌ roꞌ, da̱nj ina̱nj gu̱un rá chana̱ ni̱ꞌyaj noꞌ man nica̱ noꞌ á.

1 Pedro 1:22

Dan me se uno soj snana̱ Yaꞌanj nana̱ ya̱, ne̱ cheꞌé dan cunuu sa̱ꞌ nimán soj, ne̱ cheꞌé dan no̱ xcúún soj ga̱a̱ ꞌe̱e̱ rá soj man tuviꞌ soj ado̱nj. Se̱ cataj rmaꞌa̱n soj se vaa ꞌe̱e̱ rá soj man tuviꞌ soj maꞌ. Ya̱ ga̱a̱ ꞌe̱e̱ ndoꞌo rá soj man tuviꞌ soj á.

1 Pedro 2:2

Ase vaa me ndoꞌo rá leé no̱ cutzi̱i leé no̱ too roꞌ, da̱nj gu̱un ndoꞌo rá soj tu̱cuꞌyón soj snana̱ Yaꞌanj nana̱ ya̱ na̱nj á. Ase vaa racuíj too man leé no̱ achij leé no̱ roꞌ, da̱nj ga̱a̱ ra̱cuíj snana̱ Yaꞌanj man soj cunu̱u sca̱ꞌ nimán soj chugua̱nj. Dan, ga̱a ne̱ nani̱i̱ soj rihaan sayuun ne̱ cavi̱i̱ sa̱ꞌ ndoꞌo soj, quiꞌya̱j Yaꞌanj ado̱nj.

2 Pedro 3:18

Cheꞌé dan ꞌo̱ gu̱un rá soj ni̱ꞌyaj soj se lu̱j quiꞌyaj Yaꞌanj ga̱ soj, ne̱ ꞌo̱ gu̱un rá soj xca̱j soj cuentá sa̱ꞌ doj cheꞌé Jesucristó Si̱j ꞌNi̱j Raꞌa man níꞌ, Si̱j Tinanii man níꞌ rihaan Sayuun ado̱nj. Cata̱j níꞌ se vaa niꞌndaj ya̱ sa̱ꞌ veꞌé vaa soꞌ cuano̱ do̱ꞌ, nu̱ꞌ cavii nu̱ꞌ caꞌanj do̱ꞌ á. Veé da̱nj ga̱a̱ ya̱ ado̱nj.

1 Juan 3:18

Dan me se ase vaa taꞌníj vaa soj chugua̱nj. Dan me se se̱ guun cata̱j u̱u̱n níꞌ nana̱ u̱u̱n se vaa ꞌe̱e̱ rá níꞌ man tuviꞌ níꞌ maꞌ. Tana̱nj quiꞌya̱j níꞌ se sa̱ꞌ nda̱a vaa taj nana̱ ya̱ a.