Efesios 3:14 - Triqui de San Juan Copala

¹⁴ Cheꞌé se cavii sa̱ꞌ ndoꞌo nij soj ga̱ núj, cheꞌé dan yáán ru̱j ꞌu̱nj, ne̱ achíín ni̱ꞌyáá ꞌu̱nj rihaan Rej níꞌ Yaꞌanj cheꞌé soj ado̱nj.

Efesios 3:14 ပူးပေါင်းရင်းမြစ်များ

San Lucas 22:41

Ga̱a ne̱ naxuun soꞌ man soꞌ rihaan nij síí tucuꞌyón snana̱ soꞌ, ne̱ caꞌanj soꞌ rej yaníj do̱j, ne̱ cayáán ru̱j soꞌ, ne̱ cachíín niꞌya̱j soꞌ rihaan Yaꞌanj,

Hechos 20:36

Dan me se ga̱a quisíj caꞌmii Pabló nu̱ꞌ nana̱ yoꞌ, ga̱a ne̱ cayáán ru̱j soꞌ ga̱ nij soꞌ, ne̱ cachíín niꞌya̱j Pabló rihaan Yaꞌanj ga̱ ta̱ranꞌ nij soꞌ a.

Hechos 21:5

Dan me se ga̱a quisíj chi̱j güii yoꞌ, ne̱ curiha̱nj núj caꞌanj núj rej ta̱j rihoo rihaan na, ne̱ cachéé cunuda̱nj nij tucua̱ nij síí tucuꞌyón snana̱ Jesucristó ga̱ núj nda̱a se cuchiꞌ núj tuꞌva chumanꞌ a. Ga̱a ne̱ cayáán ru̱j núj rihaan yoꞌóó chru̱u̱ na̱j tuꞌva na yaꞌa̱nj rej yoꞌ, ne̱ cachíín niꞌya̱j núj rihaan Yaꞌanj a.

Hechos 7:60

Ga̱a ne̱ canicunꞌ ru̱j soꞌ, ne̱ nucua̱j ndoꞌo caguáj soꞌ, cataj soꞌ a: ―Señor, se̱ caraá so̱ꞌ cacunꞌ nihánj xráá nij soꞌ maꞌ ―taj soꞌ, ga̱a ne̱ caviꞌ soꞌ a.

Hechos 9:40

Dan me se quirii Pedró man cunuda̱nj nij noꞌ xeꞌ, ga̱a ne̱ canicunꞌ ru̱j soꞌ, ne̱ cachíín niꞌya̱j ndoꞌo soꞌ rihaan Yaꞌanj a. Ga̱a ne̱ canica̱j soꞌ, cataj soꞌ rihaan cúú man chana̱ a: ―Na̱xaga̱a̱ so̱ꞌ, Tabita ―taj soꞌ rihaan noꞌ a. Ga̱a ne̱ naxraꞌ rihaan noꞌ, ne̱ ga̱a queneꞌen noꞌ man Pedró, ne̱ caꞌanj ca̱yáán caya̱ noꞌ,

Efesios 1:3

Cata̱j níꞌ se vaa ina̱nj sa̱ꞌ uxrá vaa Yaꞌanj Rej Jesucristó Si̱j ꞌNi̱j Raꞌa man níꞌ, ne̱ veꞌé ndoꞌo quiꞌyaj soꞌ cheꞌé níꞌ a. Ne̱ rqué soꞌ da̱j a̱ se sa̱ꞌ man níꞌ, ne̱ se sa̱ꞌ cavii rej xta̱ꞌ cavii maꞌa̱n ya̱ Nimán Yaꞌanj me rqué Yaꞌanj man níꞌ, cheꞌé se síí noco̱ꞌ man Cristó me níꞌ a.

Efesios 3:15

Dan me se Yaꞌanj me Rej nu̱ꞌ ta̱ranꞌ nij xꞌneꞌ nij síí ma̱n rej xta̱ꞌ do̱ꞌ, Rej nu̱ꞌ ta̱ranꞌ nij xꞌneꞌ níꞌ si̱j ma̱n rihaan chumii̱ nihánj do̱ꞌ,

Filipenses 2:10

Cheꞌé dan vaa güii, ne̱ caꞌa̱nj ca̱yáán ru̱j cunuda̱nj nij síí ma̱n xta̱ꞌ do̱ꞌ, nij síí ma̱n rihaan chumii̱ do̱ꞌ, nij síí ma̱n rej rque yoꞌóó do̱ꞌ, cheꞌé se‑chuvi̱i Jesús,