Colosenses 4:3 - Triqui de San Juan Copala

³ Dan me se cachi̱nj niꞌya̱j uún soj rihaan Yaꞌanj cheꞌé núj se vaa ga̱a̱ yaꞌnúj rihaan núj caꞌmi̱i̱ núj snana̱ Cristó nana̱ sa̱ꞌ yuve̱ tihaa̱n naca̱ Yaꞌanj rihaan níꞌ á. Cheꞌé nana̱ yoꞌ me ꞌnij ꞌu̱nj tagaꞌ nihánj cuano̱ ado̱nj.

Colosenses 4:3 ပူးပေါင်းရင်းမြစ်များ

San Mateo 13:11

Ga̱a ne̱ cataj Jesús rihaan nij soꞌ a: ―Xa̱ꞌ soj, tza̱j ne̱ tihaa̱n Yaꞌanj nana̱ sa̱ꞌ yuve̱ rihaan soj cheꞌé da̱j vaa uun chij Yaꞌanj ado̱nj. Dan me se nana̱ ne neꞌen cunuda̱nj yuvii̱ me nana̱ tihaa̱n Yaꞌanj rihaan soj ado̱nj.

Hechos 14:27

Dan me se ga̱a nucuiꞌ ro̱j soꞌ, ne̱ canacúún ro̱j soꞌ man xꞌneꞌ nij síí noco̱ꞌ man Jesucristó se vaa cunu̱u chre̱ꞌ nij soꞌ a. Ga̱a ne̱ cataj xnaꞌanj ro̱j soꞌ nu̱ꞌ se vaa quiꞌyaj Yaꞌanj ga̱ ro̱j soꞌ, ne̱ cataj ro̱j soꞌ se vaa ya̱ xꞌnúj rihaan nij yuvii̱ yaníj cuchuma̱n rá nij soꞌ ni̱ꞌyaj nij soꞌ man Jesucristó, quiꞌyaj Yaꞌanj a.

Romanos 16:25

Uun nucua̱j Yaꞌanj ra̱cuíj Yaꞌanj man soj nari̱ꞌ soj nu̱ꞌ nana̱ sa̱ꞌ caꞌmij rihaan soj a. Nana̱ sa̱ꞌ yuve̱ cheꞌé Jesucristó me nana̱ yoꞌ a. Ga̱a naá me se ne caꞌve̱e xca̱j yuvii̱ cuentá cheꞌé snana̱ Yaꞌanj maꞌ. Tza̱j ne̱ ya̱j roꞌ, tihaa̱n Yaꞌanj snana̱ Yaꞌanj rihaan níꞌ a.

1 Corintios 16:9

ꞌO̱ se vaa ndoꞌo rej veꞌé qui̱ꞌyáá ꞌu̱nj se‑su̱u̱n Yaꞌanj, tza̱j ne̱ ꞌo̱ se ma̱n ndoꞌo síí ta̱j riꞌyunj man níꞌ chumanꞌ yoꞌ na̱nj ado̱nj.

1 Corintios 4:1

Dan me se me rá núj xca̱j cunuda̱nj yuvii̱ cuentá se vaa si̱j nu̱u̱ rihaan Cristó me núj, ne̱ no̱ xcúún núj nata̱ꞌ núj nana̱ sa̱ꞌ yuve̱ me rá Yaꞌanj ti̱haa̱n naca̱ Yaꞌanj man yuvii̱ na̱nj á.

2 Corintios 2:12

Dan me se caꞌanj ꞌu̱nj chumanꞌ cuꞌna̱j Troas caꞌmi̱i̱ natáj ꞌu̱nj nana̱ sa̱ꞌ cheꞌé Cristó, ne̱ dan me se vaa yaꞌnúj rihaan ꞌu̱nj caꞌmi̱i̱ natáj ꞌu̱nj nana̱ sa̱ꞌ, quiꞌyaj Síí ꞌNi̱j Raꞌa man níꞌ,

Efesios 3:1

Neꞌen nij soj se vaa ꞌni̱j ꞌu̱nj tagaꞌ cheꞌé se nocóꞌ ꞌu̱nj man Cristó Jesús, ne̱ aꞌmii natáj ꞌu̱nj rihaan nij soj si̱j yaníj cheꞌé soꞌ,

Efesios 3:3

Dan me se tihaa̱n naca̱ Yaꞌanj nana̱ sa̱ꞌ yuve̱ rihanj, ne̱ a̱j cachrón ꞌu̱nj do̱j nana̱ cheꞌé se vaa tihaa̱n Yaꞌanj manj rihaan yanj cartá caꞌnéé ꞌu̱nj rihaan soj ga̱a rque̱ ado̱nj.

Efesios 3:4

Naya̱a̱ soj yanj cartá yoꞌ, ne̱ xca̱j soj cuentá cheꞌé nu̱ꞌ nana̱ naríꞌ ꞌu̱nj nana̱ sa̱ꞌ yuve̱ cheꞌé nu̱ꞌ se vaa quiꞌyaj Cristó cheꞌé yuvii̱ a.

Efesios 3:9

Ne̱ me rá Yaꞌanj nata̱ꞌ yá ꞌu̱nj rihaan yuvii̱ nu̱ꞌ nana̱ sa̱ꞌ yuve̱ cheꞌé se vaa quiꞌya̱j soꞌ cheꞌé nij yuvii̱ a. Dan me se Yaꞌanj me síí quiꞌyaj nu̱ꞌ rasu̱u̱n, tza̱j ne̱ ne nata̱ꞌ ya̱ soꞌ nana̱ sa̱ꞌ yuve̱ yoꞌ rihaan yuvii̱ nu̱ꞌ cavii nu̱ꞌ caꞌnaꞌ maꞌ.

Efesios 4:1

Síí ꞌni̱j tagaꞌ cheꞌé se nocóꞌ ꞌu̱nj man Síí ꞌNi̱j Raꞌa man níꞌ mé ꞌu̱nj, ne̱ cheꞌé dan rqueé ꞌu̱nj man nij soj se vaa veꞌé canoco̱ꞌ soj man Yaꞌanj ga̱a chéé soj rihaan chumii̱ nihánj á. ꞌO̱ se Yaꞌanj me síí canacúún man soj canoco̱ꞌ soj man soꞌ a.

Filipenses 1:19

ꞌO̱ se neꞌén ꞌu̱nj se vaa cavi̱i̱ sa̱ꞌ ꞌu̱nj doj vaa güii, cheꞌé nu̱ꞌ se vaa ránꞌ ꞌu̱nj nihánj ado̱nj. Cavi̱i̱ sa̱ꞌ yá ꞌu̱nj doj cheꞌé se achíín niꞌya̱j soj rihaan Yaꞌanj cheꞌé ꞌu̱nj, ne̱ cheꞌé se racuíj ya̱ Nimán Jesucristó manj ado̱nj.

Filipenses 1:7

Ne̱ ya̱ ya̱ vaa cheꞌé caꞌmij da̱nj cheꞌé ta̱ranꞌ nij soj chugua̱nj. Dan me se ya̱ caráyaꞌa̱nj uxrá soj manj, ne̱ ga̱a ꞌni̱j ꞌu̱nj tagaꞌ do̱ꞌ, ga̱a caꞌmii ꞌu̱nj rihaan nij síí naꞌvej rá cuno̱ nana̱ sa̱ꞌ cheꞌé Cristó cheꞌé rej xca̱j nij soꞌ cuentá do̱ꞌ, ga̱a tucuꞌyón ꞌu̱nj nana̱ sa̱ꞌ yoꞌ man yuvii̱ do̱ꞌ, ne̱ racuíj ndoꞌo cunuda̱nj nij soj manj, ne̱ cheꞌé dan me se soj si̱j ꞌyaj se‑su̱u̱n Yaꞌanj ga̱j roꞌ, me ndoꞌo ya̱ raj que̱neꞌenj man soj ado̱nj.

Colosenses 1:26

ꞌO̱ vaa yuve̱ snana̱ Yaꞌanj nana̱ sa̱ꞌ nihánj ga̱a naá, tza̱j ne̱ nda̱a ya̱j me tinaruviꞌ sa̱ꞌ Yaꞌanj nu̱ꞌ snana̱ Yaꞌanj nana̱ sa̱ꞌ rihaan níꞌ si̱j noco̱ꞌ man soꞌ ya̱j ado̱nj.

Colosenses 4:18

Rej navij yanj cartá nihánj roꞌ, raꞌa ma̱ꞌanj si̱j cuꞌna̱j Pabló cachrón nana̱ nihánj ado̱nj. Se̱ niꞌyón soj se vaa ꞌni̱j ꞌu̱nj tagaꞌ maꞌ. Me rá ꞌu̱nj quiꞌya̱j ndoꞌo Yaꞌanj se lu̱j cheꞌé nij soj ado̱nj.

1 Tesalonicenses 5:25

Ne̱ cachi̱nj niꞌya̱j soj rihaan Yaꞌanj cheꞌé núj, tinu̱j, nocoj.

2 Timoteo 1:16

Me rá ꞌu̱nj ga̱a̱ ꞌe̱e̱ rá Yaꞌanj man nij tucua̱ síí cuꞌna̱j Onesíforo a. ꞌO̱ se a̱j guun queꞌe̱e̱ ndoꞌo racuíj soꞌ manj, ne̱ nda̱a nuu cui̱j nimán ꞌu̱nj quiꞌyaj soꞌ, ne̱ ne gu̱un naꞌa̱j soꞌ se vaa ꞌni̱j ꞌu̱nj tagaꞌ maꞌ.

2 Timoteo 2:9

Cheꞌé nana̱ nihánj ránꞌ ꞌu̱nj sayuun, ne̱ nda̱a ꞌni̱j ꞌu̱nj tagaꞌ, nda̱ꞌ rá se vaa ranꞌ síí tumé cacunꞌ chugua̱nj. ꞌO̱ se taj se ꞌyaj maꞌ. Xa̱ꞌ snana̱ Yaꞌanj, tza̱j ne̱ se̱ caꞌvee nu̱míj nii man yoꞌ do̱ꞌ, se̱ caꞌvee caxri̱i̱ nii tagaꞌ man nana̱ yoꞌ do̱ꞌ maꞌ.

2 Timoteo 4:2

se vaa caꞌmi̱i̱ natáj so̱ꞌ nana̱ sa̱ꞌ á. Taj se ꞌyaj sese vaa yaꞌnúj rihaan so̱ꞌ do̱ꞌ, sese ne vaa yaꞌnúj rihaan so̱ꞌ do̱ꞌ, taj se ꞌyaj maꞌ. Ma̱an se caꞌmi̱i̱ natáj yá so̱ꞌ á. Cata̱j xnaꞌanj so̱ꞌ rihaan yuvii̱ cheꞌé cacunꞌ tumé nij yuvii̱, ne̱ cata̱j so̱ꞌ se vaa nij ndoꞌo ꞌyaj nij soꞌ, ne̱ nago̱ꞌ so̱ꞌ chrej nucua̱j man nij soꞌ quiꞌya̱j nij soꞌ ina̱nj se sa̱ꞌ á. Tza̱j ne̱ se̱ gaa raꞌya̱nj rá so̱ꞌ caxri̱i̱ yuva̱a̱ so̱ꞌ man nij yuvii̱ maꞌ. Tana̱nj ꞌo̱ ga̱a̱ ina̱j nimán so̱ꞌ, ne̱ veꞌé tu̱cuꞌyón so̱ꞌ man nij soꞌ á.

Filemón 1:22

Ne̱ me rá ꞌu̱nj naquiꞌya̱j chu̱vií so̱ꞌ veꞌ ca̱ránꞌ ꞌu̱nj do̱j ga̱ so̱ꞌ á. ꞌO̱ se guun ya̱ raj se vaa cheꞌé se achíín niꞌya̱j soj rihaan Yaꞌanj cheꞌej roꞌ, cheꞌé dan ra̱cuíj Yaꞌanj manj cuchi̱j rihaan soj, raj ado̱nj.