Colosenses 4:16 - Triqui de San Juan Copala

¹⁶ Asa̱ꞌ navij nayaa soj yanj cartá nihánj, ne̱ caꞌne̱j soj yanj nihánj caꞌa̱nj yoꞌ rihaan xꞌneꞌ yuvii̱ noco̱ꞌ man Cristó ya̱nj chumanꞌ Laodicea, ne̱ naya̱a̱ nij soꞌ uún á. Ne̱ caꞌne̱j nij soꞌ yanj caꞌnéé ꞌu̱nj rihaan nij soꞌ, naya̱a̱ soj uún a.

Colosenses 4:16 ပူးပေါင်းရင်းမြစ်များ

Colosenses 2:1

Me rá ꞌu̱nj queneꞌe̱n nij soj se vaa ꞌyaj ndoꞌoj se‑su̱u̱n Cristó cheꞌé soj do̱ꞌ, cheꞌé nij síí noco̱ꞌ man Cristó ya̱nj chumanꞌ Laodicea do̱ꞌ, cheꞌé ꞌó nij yuvii̱ noco̱ꞌ man Cristó yuvii̱ ataa queneꞌe̱n manj do̱ꞌ a.

Colosenses 4:13

Ne̱ ꞌu̱nj me síí neꞌen ya̱ se vaa quiꞌyaj uxrá Epafras se‑su̱u̱n Cristó cheꞌé soj ga̱ nij yuvii̱ noco̱ꞌ man Cristó ya̱nj chumanꞌ Laodicea do̱ꞌ, chumanꞌ Hierápolis do̱ꞌ a.

Colosenses 4:15

Cata̱j soj rihaan nij yuvii̱ noco̱ꞌ man Cristó ya̱nj chumanꞌ Laodicea do̱ꞌ, rihaan chana̱ cuꞌna̱j Ninfas do̱ꞌ, rihaan xꞌneꞌ yuvii̱ noco̱ꞌ man Cristó nuu chre̱ꞌ tucuá noꞌ do̱ꞌ, se vaa veꞌé cuma̱n nij soꞌ, rá ꞌu̱nj ado̱nj.

1 Tesalonicenses 5:27

Ma̱an cheꞌé se Síí ꞌNi̱j Raꞌa man níꞌ rqué suun manj, cheꞌé dan me no̱ xcúnj cata̱j xnaꞌanj ꞌu̱nj rihaan soj se vaa naya̱a̱ soj yanj cartá nihánj rihaan cunuda̱nj nij tinúú níꞌ síí noco̱ꞌ man Cristó ado̱nj.

2 Tesalonicenses 3:14

Sese ꞌo̱ tuviꞌ soj naꞌvej rá cuno̱ nana̱ cachrón núj rihaan yanj nihánj, ne̱ xca̱j soj cuentá me síí naꞌvej rá cuno̱ nana̱, ne̱ se̱ nica̱j tuviꞌ rcuaꞌa̱a̱n soj ga̱ soꞌ maꞌ. Nda̱a síj, ga̱a ne̱ gu̱un naꞌa̱j soꞌ a.