Colosenses 4:1 - Triqui de San Juan Copala

¹ Dan me se veꞌé quiꞌya̱j soj si̱j ruꞌvee rihaan se‑mo̱zó soj á. Se̱ tihaꞌ yuꞌunj soj si̱j ruꞌvee man se‑mo̱zó soj maꞌ. Xca̱j soj si̱j ruꞌvee cuentá se vaa ase vaa mozó rihaan soj roꞌ, da̱nj vaa maꞌa̱n soj rihaan Yaꞌanj uún ado̱nj.

Colosenses 4:1 ပူးပေါင်းရင်းမြစ်များ

San Mateo 20:4

Ga̱a ne̱ cataj soꞌ rihaan nij soꞌ a: “Caꞌa̱nj soj quiꞌya̱j suun soj rihaan toꞌój, ne̱ na̱ruꞌvee ꞌu̱nj rihaan soj cheꞌé nu̱ꞌ suun quiꞌya̱j suun soj ado̱nj”, taj soꞌ rihaan nij mozó a. Dan me se caꞌanj nij snóꞌo yoꞌ quiꞌyaj suun nij soꞌ uún toꞌóó síí toꞌo̱j yoꞌ a.

San Lucas 19:15

’Dan me se ya̱ quiꞌyaj canaán síí xnaꞌa̱nj ruꞌvee yoꞌ guun chij soꞌ chiháán soꞌ, ga̱a ne̱ ga̱a namán soꞌ, ne̱ cataj xnaꞌanj soꞌ se vaa nacu̱nj nii man chi̱ꞌ nij se‑mo̱zó soꞌ nij síí rqué soꞌ saꞌanj rihaan a. ꞌO̱ se guun rá soꞌ xca̱j soꞌ cuentá me daj saꞌanj quiꞌyaj canaán ꞌo̱ ꞌo̱ nij soꞌ a.

Santiago 2:13

ꞌO̱ se asa̱ꞌ caꞌne̱ꞌ Yaꞌanj cacunꞌ cheꞌé yuvii̱, ne̱ se̱ gaa ꞌe̱e̱ rá Yaꞌanj ni̱ꞌyaj Yaꞌanj man síí ne ꞌe̱e̱ rá man tuviꞌ maꞌ. Tza̱j ne̱ se niꞌya̱nj rá me se yoꞌ me quiꞌya̱j canaán rihaan sayuun ado̱nj.

Santiago 5:4

Xca̱j soj cuentá á. Ne na̱ruꞌvee soj tuꞌvee se‑mo̱zó soj síí rii xnaa̱ soj, ne̱ aguáj ndoꞌo nij mozó yoꞌ achíín niꞌya̱j nij soꞌ rihaan Yaꞌanj cheꞌé se‑saꞌa̱nj nij soꞌ chugua̱nj. Ne̱ catúj snana̱ nij soꞌ xréé Yaꞌanj si̱j uun chij ndoꞌo rej xta̱ꞌ na̱nj á.

Apocalipsis 17:14

Ga̱a ne̱ cunu̱ꞌ ta̱ranꞌ nij soꞌ ga̱ Matzinj Leꞌe̱j, tza̱j ne̱ quiꞌya̱j canaán doj Matzinj Leꞌe̱j rihaan nij soꞌ ado̱nj. ꞌO̱ se Matzinj Leꞌe̱j roꞌ, me síí nica̱j suun noco̱o doj rihaan ꞌó da̱nj nij síí nica̱j suun, ne̱ rey uun chij doj rihaan ꞌó da̱nj nij rey me uún soꞌ ado̱nj. Ne̱ nij tuviꞌ soꞌ roꞌ, me nij síí canacúún soꞌ canoco̱ꞌ man soꞌ, ne̱ dan me se a̱j narii soꞌ man nij soꞌ, ne̱ ꞌo̱ amán rá nij soꞌ niꞌya̱j nij soꞌ man soꞌ na̱nj ado̱nj ―taj se‑mo̱zó Yaꞌanj rihanj a.

Apocalipsis 19:16

Ne̱ rihaan saga̱nꞌ soꞌ ne̱ rihaan taꞌmaa̱n soꞌ roꞌ, nó se‑chuvi̱i soꞌ, ne̱ “Rey uun chij doj rihaan ꞌó da̱nj rey, ne̱ Síí nica̱j suun noco̱o doj rihaan ꞌó da̱nj síí nica̱j suun”, me se‑chuvi̱i soꞌ a.