Colosenses 3:6 - Triqui de San Juan Copala

⁶ Ne̱ cheꞌé cacunꞌ yoꞌ roꞌ, cuya̱nj uxrá rá Yaꞌanj, ne̱ quiꞌya̱j ndoꞌo Yaꞌanj sayuun man nij síí ꞌyaj cacunꞌ yoꞌ ado̱nj.

Colosenses 3:6 ပူးပေါင်းရင်းမြစ်များ

Romanos 1:18

A̱j cataj xnaꞌanj Yaꞌanj si̱j nicu̱nꞌ xta̱ꞌ rihaan níꞌ se vaa uyanj uxrá rá Yaꞌanj niꞌya̱j Yaꞌanj cunuda̱nj se chiꞌi̱i̱ ꞌyaj nij yuvii̱, ne̱ me rá Yaꞌanj xca̱j nij yuvii̱ cuentá da̱j vaa soꞌ, ne̱ cheꞌé dan quiꞌyaj Yaꞌanj da̱j a̱ rasu̱u̱n ma̱n rihaan chumii̱ nihánj ni̱ꞌyaj yuvii̱ a. A̱j neꞌen yuvii̱ rasu̱u̱n, ne̱ xcaj nij yuvii̱ cuentá da̱j vaa Yaꞌanj, tza̱j ne̱ ina̱nj cacunꞌ ꞌyaj nij yuvii̱, ne̱ cheꞌé dan taj se ꞌyáꞌ cuno̱ nij yuvii̱ nana̱ ya̱ a̱ maꞌ. Cheꞌé dan me uyanj rá Yaꞌanj niꞌya̱j Yaꞌanj man nij yuvii̱ a.

Efesios 5:6

Se̱ caꞌvej rá soj caꞌmi̱i̱ yuvii̱ nana̱ ne̱ rihaan soj ne̱ tiha̱ꞌ yuꞌunj nij yuvii̱ man soj maꞌ. Se̱ quiꞌyaj soj se chiꞌi̱i̱ me rá nij yuvii̱ quiꞌya̱j soj maꞌ. ꞌO̱ se yoꞌ me se ꞌyaj nij síí naꞌvej rá cuno̱ rihaan Yaꞌanj, ne̱ cheꞌé dan uyanj rá Yaꞌanj, ne̱ ꞌyaj Yaꞌanj sayuun man nij soꞌ ado̱nj.

1 Pedro 1:14

Ase vaa xnii uno sa̱ꞌ rihaan rej roꞌ, taꞌngaꞌ da̱nj gu̱un soj síí uno sa̱ꞌ rihaan Yaꞌanj ado̱nj. Ga̱a naá me se ne queneꞌe̱n soj da̱j vaa Yaꞌanj, ne̱ ina̱nj guun rá soj quiꞌya̱j soj se nij, tza̱j ne̱ ya̱j me se se̱ guun quiꞌya̱j uún soj da̱nj maꞌ.

2 Pedro 2:14

Ina̱nj me rá nij síí narqué tucuáán ne̱ quiꞌya̱j nij soꞌ cacunꞌ ga̱ me maꞌa̱n chana̱ ni̱ꞌyaj nij soꞌ, ne̱ ne aꞌneꞌ rá nij soꞌ ga̱ suun ꞌyaj cacunꞌ a̱ maꞌ. Tihaꞌ yuꞌunj nij soꞌ man nij síí ne nica̱j xraan stucua̱nj Yaꞌanj, ne̱ ꞌo̱ vaa nimán nij soꞌ me rá nij soꞌ ga̱a̱ ndoꞌo rasu̱u̱n rihaan nij soꞌ ado̱nj. Ase vaa xnii mañá ndoꞌo roꞌ, da̱nj vaa nij soꞌ, ne̱ ya̱ quira̱nꞌ ndoꞌo nij soꞌ sayuun vaa güii chugua̱nj.

Apocalipsis 22:15

Tza̱j ne̱ xeꞌ quina̱j nij síí ꞌyaj nda̱a vaa ꞌyaj chuvee do̱ꞌ, nij síí ꞌyaj chre̱e do̱ꞌ, nij síí otoj ga̱ ꞌó yuvii̱ sese né ni̱ca̱ nij soꞌ me do̱ꞌ, nij síí ticaviꞌ man tuviꞌ do̱ꞌ, nij síí aráj gue̱e̱ rihaan yaꞌanj quiꞌyaj maꞌa̱n yuvii̱ do̱ꞌ, nij síí niha̱ꞌ rá caꞌmi̱i̱ nana̱ ne̱ do̱ꞌ a.