Colosenses 3:11 - Triqui de San Juan Copala

¹¹ Ya̱j me se taj se ꞌyaj sese na̱j guun yuvii̱ me soj maꞌ. Caꞌve̱e se si̱j israelitá do̱ꞌ, caꞌve̱e se si̱j yaníj do̱ꞌ, caꞌve̱e se si̱j ta̱j taꞌngaꞌ man do̱ꞌ, caꞌve̱e se né si̱j ta̱j taꞌngaꞌ man do̱ꞌ, caꞌve̱e se si̱j ma̱n ꞌó chumanꞌ do̱ꞌ, caꞌve̱e se mozó siꞌyaj ꞌó yuvii̱ do̱ꞌ, caꞌve̱e se si̱j chéé maꞌa̱n do̱ꞌ, taj se ꞌyaj maꞌ. O̱rúnꞌ Cristó me se achiin man ꞌo̱ ꞌo̱ xꞌneꞌ yuvii̱, ne̱ ꞌo̱ cuya̱a̱n yáán soꞌ nimán ꞌo̱ ꞌo̱ nij soꞌ ado̱nj.

Colosenses 3:11 ပူးပေါင်းရင်းမြစ်များ

San Juan 14:23

Ga̱a ne̱ cataj Jesús rihaan soꞌ a: ―Síí aráj cochro̱j rihanj me se cuno̱ soꞌ snana̱j, ne̱ cunu̱u ꞌe̱e̱ rá Réj Yaꞌanj man soꞌ, ga̱a ne̱ cuchi̱ꞌ rój rihaan soꞌ, ne̱ ꞌo̱ ca̱yáán rój ga̱ soꞌ ado̱nj.

San Juan 15:5

’Dan me se ꞌu̱nj nihánj me maꞌa̱n chruun uvá, ne̱ soj me raꞌa catu̱u̱n avii xráá raꞌa ma̱nj na̱nj á. Ne̱ sese ꞌo̱ cuno̱ soj rihanj, ne̱ sese ꞌo̱ cu̱nuû ꞌu̱nj nimán soj, ne̱ quiꞌya̱j uxrá soj se vaa me rá Yaꞌanj quiꞌya̱j soj chugua̱nj. ꞌO̱ se sese se̱ racuíj ꞌu̱nj man soj, ne̱ se̱ guun nucua̱j soj quiꞌya̱j soj a̱ doj suun sa̱ꞌ maꞌ.

San Juan 17:23

Dan me se ca̱yáán ꞌu̱nj ga̱ nij soꞌ nda̱a vaa yáán so̱ꞌ ga̱ ꞌu̱nj, cheꞌé rej ga̱a̱ cuya̱a̱n nu̱ꞌ nimán ta̱ranꞌ nij soꞌ á. Nda̱a síj, ga̱a ne̱ queneꞌe̱n nij síí noco̱ꞌ se‑chre̱j chumii̱ nihánj se vaa ma̱ꞌán so̱ꞌ caꞌnéé mán ꞌu̱nj, ne̱ queneꞌe̱n nij soꞌ se vaa ꞌe̱e̱ rá so̱ꞌ man nij síí rqué so̱ꞌ mán ꞌu̱nj da̱j se vaa ꞌe̱e̱ rá so̱ꞌ mán ꞌu̱nj ado̱nj.

Hechos 15:17

Da̱nj qui̱ꞌyáj cheꞌé rej caꞌve̱e nano̱ꞌ ꞌó nij yuvii̱ yaníj mán ꞌu̱nj Si̱j ꞌNi̱j Raꞌa man nij soꞌ a. Da̱nj quiꞌya̱j cunuda̱nj nij yuvii̱ yaníj cheꞌé se ata̱ nij soꞌ se‑chu̱vií ꞌu̱nj, taj ꞌu̱nj Si̱j ꞌNi̱j Raꞌa man soj, síí ꞌyaj rasu̱u̱n nihánj,

Hechos 28:2

Ne̱ nij síí chiha̱nj yoꞌóó yoꞌ roꞌ, veꞌé uxrá quiꞌyaj nij soꞌ ga̱ núj a. ꞌO̱ se nica̱j tuviꞌ ndoꞌo nij soꞌ ga̱ núj, ne̱ cheꞌé se camanꞌ maa̱n ne̱ acoj tihaꞌ, ne̱ cheꞌé dan naranꞌ nij soꞌ yaꞌan cunu̱u gu̱u̱n núj a.

Hechos 28:4

Ne̱ ga̱a queneꞌen nij síí ma̱n rej yoꞌ se vaa noco̱ꞌ xcuáá raꞌa Pabló, ne̱ cataj nij soꞌ rihaan tuviꞌ nij soꞌ a: ―Ya̱ ya̱ si̱j ticaviꞌ yuvii̱ me síí nihánj na̱nj á. ꞌO̱ se nda̱ꞌ se nanii soꞌ rihaan na yaꞌa̱nj, tza̱j ne̱ cheꞌé se tumé soꞌ cacunꞌ, ne̱ cheꞌé dan ne no̱ xcúún soꞌ ga̱a̱ iꞌna̱ꞌ soꞌ maꞌ ―taj nij soꞌ rihaan tuviꞌ nij soꞌ a.

Romanos 1:14

Dan me se cheꞌé se no̱ xcúún ꞌu̱nj nata̱ꞌ ꞌu̱nj rihaan cunuda̱nj nij yuvii̱ yaníj roꞌ, cheꞌé dan nata̱ꞌ ꞌu̱nj rihaan nij síí yaníj aꞌmii xnaꞌánj griego do̱ꞌ, rihaan nij síí yaníj ne aꞌmii xnaꞌánj griego do̱ꞌ, rihaan nij síí avii raa̱ do̱ꞌ, rihaan nij síí ne nica̱j cuentá do̱ꞌ, rihaan cunuda̱nj nij soꞌ natáꞌ ꞌu̱nj a.

Romanos 10:12

ꞌO̱ se ꞌo̱ cuya̱a̱n vaa nij yuvii̱ israelitá do̱ꞌ, nij yuvii̱ yaníj do̱ꞌ, cheꞌé se maꞌa̱n Síí ꞌNi̱j Raꞌa man níꞌ me se ꞌnij raꞌa soꞌ man cunuda̱nj nij soꞌ, ne̱ uxrá ra̱cuíj soꞌ man cunuda̱nj yuvii̱ achíín niꞌya̱j rihaan soꞌ a.

Romanos 3:22

cuchuma̱n rá yuvii̱ ni̱ꞌyaj yuvii̱ Jesucristó, ga̱a ne̱ tinavi̱j Yaꞌanj cacunꞌ tumé nij yuvii̱, ne̱ cunu̱u sa̱ꞌ nimán nij yuvii̱ rihaan Yaꞌanj a. Taj a̱ ꞌó yuvii̱ ino̱ vaa rihaan Yaꞌanj maꞌ.

Romanos 3:29

Taꞌanj ina̱nj nij síí israelitá me Yaꞌanj naꞌ. Né Taꞌa̱nj nij síí yaníj me uún soꞌ naꞌ. Ya̱ uxrá Taꞌanj nij síí yaníj me uún soꞌ chugua̱nj.

1 Corintios 12:13

Dan me se ga̱a cataꞌ ne níꞌ, ne̱ cunuu rcuaꞌa̱a̱n ta̱ranꞌ níꞌ, quiꞌyaj Nimán Yaꞌanj, ne̱ cheꞌé dan ase vaa nee̱ man o̱rúnꞌ yuvii̱ roꞌ, vaa ta̱ranꞌ níꞌ cuano̱ na̱nj chugua̱nj. Ino̱ vaa taꞌa̱j ꞌo̱ ꞌo̱ níꞌ, ne̱ veé dan me se taꞌa̱j níꞌ me yuvii̱ israelitá do̱ꞌ, taꞌa̱j níꞌ me yuvii̱ yaníj do̱ꞌ, taꞌa̱j níꞌ me mozó do̱ꞌ, taꞌa̱j níꞌ ne uun mozó do̱ꞌ, tza̱j ne̱ ase vaa nee̱ man o̱rúnꞌ yuvii̱ roꞌ, vaa ta̱ranꞌ níꞌ cuano̱, ne̱ ya̱nj ndoꞌo Nimán Yaꞌanj ga̱ cunuda̱nj níꞌ cuano̱ ado̱nj.

1 Corintios 14:11

tza̱j ne̱ sese caꞌmi̱i̱ ꞌo̱ soꞌ xnaꞌánj aꞌmii maꞌa̱n soꞌ rihanj, ne̱ sese se̱ cunoj nana̱ caꞌmi̱i̱ soꞌ, ga̱a ne̱ ase vaa síí yaníj vaa soꞌ rihanj, ne̱ ma̱ꞌán ꞌu̱nj gu̱un si̱j ꞌnaꞌ ꞌó chumanꞌ rihaan soꞌ a.

1 Corintios 7:19

Dan me se caꞌve̱e se ta̱j taꞌngaꞌ man níꞌ, caꞌve̱e se nuviꞌ taꞌngaꞌ táá man níꞌ, caꞌve̱e, tza̱j ne̱ taj se ꞌyaj maꞌ. Tana̱nj no̱ xcúún níꞌ cuno̱ níꞌ nij suun caꞌneꞌ Yaꞌanj rihaan níꞌ na̱nj ado̱nj.

Gálatas 2:20

Canó rcuaꞌa̱a̱n ꞌu̱nj rihaan rcutze̱ ga̱ Cristó vaa ga̱a na̱nj ado̱nj. Ya̱j me se né ꞌu̱nj me síí ya̱nj cuano̱ maꞌ. ꞌO̱ se Cristó me síí ya̱nj nimanj, ne̱ cheꞌé dan vaa iꞌna̱ꞌ ꞌu̱nj cuano̱ ado̱nj. Cheꞌé se amán rá ꞌu̱nj niꞌya̱j ꞌu̱nj man Taꞌníí Yaꞌanj roꞌ, cheꞌé dan ina̱nj nocóꞌ ꞌu̱nj man soꞌ ga̱a chéé ꞌu̱nj rihaan chumii̱ nihánj ado̱nj. Ne̱ dan me se ma̱an cheꞌé se cunuu ꞌe̱e̱ uxrá rá soꞌ mán ꞌu̱nj roꞌ, cheꞌé dan caꞌneꞌ gue̱e̱ rá soꞌ caviꞌ soꞌ rihaan rcutze̱ cheꞌé ꞌu̱nj na̱nj ado̱nj.

Gálatas 5:6

Xa̱ꞌ níꞌ si̱j noco̱ꞌ man Cristó Jesús me se taj se ꞌyaj sese quita̱j taꞌngaꞌ man níꞌ, taj se ꞌyaj sese se̱ quitáá taꞌngaꞌ man níꞌ, rá Yaꞌanj maꞌ. Tana̱nj me rá Yaꞌanj cuchuma̱n rá níꞌ ni̱ꞌyaj níꞌ man Cristó, ne̱ cheꞌé dan ga̱a̱ ꞌe̱e̱ rá níꞌ ni̱ꞌyaj níꞌ man tinúú níꞌ ado̱nj.

Efesios 1:23

Ne̱ ase vaa nee̱ man Cristó roꞌ, da̱nj vaa níꞌ, uno níꞌ rihaan soꞌ a. Ne̱ dan me se soꞌ me Síí ꞌNi̱j Raꞌa man cunuda̱nj rasu̱u̱n ma̱n rihaan nu̱ꞌ cachra̱ꞌ chumii̱ a. Ne̱ soꞌ me síí rqué nu̱ꞌ se vaa achiin man nu̱ꞌ nij rasu̱u̱n ma̱n rihaan chumii̱ nihánj ado̱nj.

Efesios 2:14

Ne̱ Cristó roꞌ, me síí naquiꞌyaj dínj man núj si̱j israelitá ga̱ soj si̱j yaníj, ga̱a ne̱ o̱rúnꞌ ya̱ chumanꞌ me ta̱ranꞌ níꞌ cuano̱, quiꞌyaj soꞌ a. ꞌO̱ se tiriꞌ soꞌ chingá caꞌneꞌ tanu̱u̱ man níꞌ ga̱ tuviꞌ níꞌ, ga̱a caviꞌ maꞌa̱n soꞌ rihaan rcutze̱,

Efesios 2:15

ne̱ dan me se chingá yoꞌ roꞌ, me stucua̱nj Moisés, ne̱ quisíj rii taꞌngaꞌ rihaan níꞌ ꞌo̱ ꞌo̱ suun cunii no̱ rihaan tucuáán yoꞌ, quiꞌyaj Cristó ga̱a caviꞌ soꞌ na̱nj ado̱nj. Da̱nj quiꞌyaj Cristó cheꞌé yan naquiꞌya̱j rcuaꞌa̱a̱n soꞌ man yuvii̱ israelitá ga̱ yuvii̱ yaníj, ne̱ nahuun nij soꞌ o̱rúnꞌ ꞌo̱ xꞌneꞌ naca̱ yuvii̱ ado̱nj. Soꞌ me síí ꞌyaj se vaa dínj ma̱n rcuaꞌa̱a̱n ro̱j xꞌneꞌ yuvii̱ ado̱nj.

Efesios 3:17

Ne̱ achíín ni̱ꞌyáj se vaa cuchuma̱n doj rá soj ni̱ꞌyaj soj man Cristó, ne̱ ꞌo̱ natu̱u̱ Cristó nimán soj quiꞌya̱j Yaꞌanj, ga̱a ne̱ ꞌo̱ cunu̱u ꞌe̱e̱ rá soj man ta̱ranꞌ tinúú soj ado̱nj.

Efesios 3:6

Dan me se tihaa̱n soꞌ nana̱ se vaa cuno̱ nij soj si̱j yaníj nana̱ sa̱ꞌ cheꞌé Cristó, ne̱ cunu̱u sa̱ꞌ nimán soj rihaan Yaꞌanj ga̱ núj si̱j israelitá ado̱nj. Ne̱ nana̱ cataꞌ tuꞌva Yaꞌanj cheꞌé nij síí canoco̱ꞌ man Cristó Jesús roꞌ, quisíj ya̱ nu̱ꞌ nana̱ yoꞌ cheꞌé nij soj si̱j yaníj ga̱ núj si̱j israelitá na̱nj chugua̱nj.

Efesios 6:8

Xca̱j soj cuentá se vaa sese quiꞌya̱j níꞌ suun sa̱ꞌ, ne̱ taj se ꞌyaj sese mozó me níꞌ do̱ꞌ, sese né mo̱zó me níꞌ do̱ꞌ, taj se ꞌyaj maꞌ. Dan me se ya̱ na̱ruꞌvee Yaꞌanj Si̱j ꞌNi̱j Raꞌa man níꞌ cheꞌé suun sa̱ꞌ ꞌyaj níꞌ na̱nj ado̱nj.

Colosenses 2:10

Ne̱ Cristó me síí uun chij rihaan nu̱ꞌ nij nana̱ chre̱e ma̱n rihaan chumii̱ nihánj, ne̱ ya̱nj Cristó ga̱ soj, ne̱ cheꞌé dan taj se achiin man soj cuano̱ maꞌ.

1 Juan 5:20

Ne̱ neꞌen níꞌ se vaa a̱j caꞌnaꞌ Taꞌníí Yaꞌanj, ne̱ caꞌvee xcaj níꞌ cuentá cheꞌé Yaꞌanj ya̱ quiꞌyaj Taꞌníí Yaꞌanj, ne̱ neꞌen níꞌ se vaa me níꞌ síí noco̱ꞌ man maꞌa̱n ya̱ Taꞌníí soꞌ Jesucristó, ne̱ Jesucristó roꞌ, maꞌa̱n Yaꞌanj ya̱ me soꞌ, ne̱ soꞌ me síí quiꞌya̱j ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.

2 Juan 1:9

Ne̱ me maꞌa̱n síí tanáj stucua̱nj Cristó roꞌ, nuviꞌ Yaꞌanj yáán ga̱ soꞌ maꞌ. Tza̱j ne̱ síí noco̱ꞌ xraan stucua̱nj Cristó me se soꞌ me síí ꞌo̱ yáán ro̱j Taꞌni̱j Yaꞌanj ga̱ soꞌ ado̱nj.