Colosenses 2:5 - Triqui de San Juan Copala

⁵ Nda̱ꞌ se nuvíꞌ ꞌu̱nj nicunꞌ niꞌya̱j soj, tza̱j ne̱ nicu̱nꞌ nimán ꞌu̱nj ga̱ soj chugua̱nj. ꞌO̱ se uun niha̱ꞌ uxrá ya̱ raj se vaa ꞌo̱ veꞌé sa̱ꞌ mán soj, ne̱ ꞌo̱ Cristó nucua̱j rá soj, mán soj ado̱nj.

Colosenses 2:5 ပူးပေါင်းရင်းမြစ်များ

Hechos 2:42

Dan me se ꞌo̱ canocoꞌ xraan nij síí noco̱ꞌ man Jesús tucuáán tucuꞌyón nij síí ata̱ suun caꞌa̱nj nata̱ꞌ snana̱ Jesús rihaan yuvii̱ rihaan nij soꞌ, ne̱ ꞌo̱ guun tuvi̱ꞌ cunuda̱nj nij soꞌ a. Ne̱ ꞌo̱ cuxraꞌ taꞌa̱j nij soꞌ rachrúún chá nij soꞌ, ne̱ ꞌo̱ chre̱ꞌ cachíín niꞌya̱j nij soꞌ rihaan Yaꞌanj a.

Hechos 20:21

Ne̱ ꞌo̱ xraan ina̱nj cataj xnaꞌanj ꞌu̱nj rihaan nij yuvii̱ israelitá do̱ꞌ, rihaan nij yuvii̱ yaníj aꞌmii xnaꞌánj griego do̱ꞌ, se vaa no̱ xcúún nij soꞌ ca̱nica̱j nimán nij soꞌ canoco̱ꞌ nij soꞌ man Yaꞌanj ne̱ cuchuma̱n rá nij soꞌ ni̱ꞌyaj nij soꞌ man Jesús Si̱j ꞌNi̱j Raꞌa man níꞌ a.

1 Corintios 11:34

Sese naꞌaan ndoꞌo rque ꞌo̱ tuviꞌ soj ta̱ꞌ asuun, ne̱ cha̱ soꞌ tucuá soꞌ, ga̱a ne̱ se̱ quiranꞌ soj sayuun cheꞌé se vaa ꞌyaj soj ga̱a nuu chre̱ꞌ soj maꞌ. Ne̱ ꞌó nana̱ xnáꞌanj soj manj roꞌ, cata̱j xnaꞌanj ꞌu̱nj nana̱ yoꞌ rihaan soj asa̱ꞌ cuchij chiháán soj ado̱nj.

1 Corintios 14:40

Tza̱j ne̱ veꞌé ina̱nj quiꞌya̱j soj nu̱ꞌ se vaa ꞌyaj soj, ne̱ chij ina̱nj quiꞌya̱j soj nu̱ꞌ se‑su̱u̱n Yaꞌanj á.

1 Corintios 15:58

Neꞌen soj se vaa ꞌe̱e̱ raj man soj, tinu̱j, nocoj. Cheꞌé se vaa cataj ꞌu̱nj rihaan soj roꞌ, cheꞌé dan xraan canoco̱ꞌ soj man Cristó á. Se̱ caꞌneꞌ rá soj maꞌ. ꞌO̱ se niga̱nj quiꞌya̱j ndoꞌo soj se‑su̱u̱n Síí ꞌNi̱j Raꞌa man níꞌ á. Neꞌen soj se vaa suun ꞌyaj soj cheꞌé Síí ꞌNi̱j Raꞌa man níꞌ roꞌ, né su̱u̱n snúú rmaꞌa̱n me yoꞌ maꞌ.

1 Corintios 16:13

ꞌO̱ tu̱mé soj man soj á. Raan canoco̱ꞌ soj man Jesucristó á. Ga̱a̱ nucua̱j nimán soj, ne̱ ꞌo̱ caꞌne̱j nimán soj quiꞌya̱j soj se‑su̱u̱n Yaꞌanj á.

Colosenses 2:1

Me rá ꞌu̱nj queneꞌe̱n nij soj se vaa ꞌyaj ndoꞌoj se‑su̱u̱n Cristó cheꞌé soj do̱ꞌ, cheꞌé nij síí noco̱ꞌ man Cristó ya̱nj chumanꞌ Laodicea do̱ꞌ, cheꞌé ꞌó nij yuvii̱ noco̱ꞌ man Cristó yuvii̱ ataa queneꞌe̱n manj do̱ꞌ a.

1 Tesalonicenses 2:17

Xa̱ꞌ ya̱j me se guun ga̱nꞌ ya̱ núj do̱j rihaan chiháán soj do̱j güii nihánj, tza̱j ne̱ ꞌo̱ nuû rá núj man soj, ne̱ cheꞌé dan me ndoꞌo rá núj queneꞌe̱n raꞌya̱nj núj man soj a.

1 Tesalonicenses 3:8

Dan me se cheꞌé se xraan nocoꞌ soj man Síí ꞌNi̱j Raꞌa man níꞌ, cheꞌé dan nariꞌ nucuaj rá núj ca̱yáán núj rihaan chumii̱ nihánj ado̱nj.

Hebreos 3:14

ꞌO̱ se ya̱j me se guun níꞌ síí cavi̱i̱ sa̱ꞌ ga̱ Cristó, ne̱ cavi̱i̱ sa̱ꞌ ya̱ níꞌ ga̱ soꞌ sese ꞌo̱ cuchuma̱n rá níꞌ cuno̱ níꞌ nana̱ ya̱, nda̱a vaa quiꞌyaj níꞌ ga̱a guun cheꞌe̱ níꞌ canocoꞌ níꞌ man Cristó chugua̱nj.

Hebreos 6:19

Ne̱ sese ꞌo̱ gu̱un ya̱ rá níꞌ, ne̱ ga̱a̱ sca̱ꞌ nimán níꞌ, ne̱ xraan cuchuma̱n rá níꞌ ado̱nj. ꞌO̱ se ya̱ uxrá vaa nana̱ amán rá níꞌ, ne̱ cheꞌé nana̱ yoꞌ caꞌve̱e cache̱n níꞌ yatzíj mantá cortiná ne̱ catu̱u̱ níꞌ rej nicu̱nꞌ maꞌa̱n Yaꞌanj ado̱nj.

1 Pedro 5:9

ꞌO̱ xraan canoco̱ꞌ soj man Yaꞌanj, ne̱ daj chiha̱a̱ míj se̱ cuno soj rihaan Síí Chre̱e maꞌ. Xca̱j soj cuentá se vaa ase vaa sayuun ranꞌ soj roꞌ, da̱nj vaa gue̱e̱ sayuun ranꞌ ta̱ranꞌ nij síí noco̱ꞌ man Cristó ma̱n rihaan chumii̱ nihánj chugua̱nj.