Colosenses 2:22 - Triqui de San Juan Copala

²² Me cheꞌé uno rmaꞌa̱n soj suun vaa da̱nj ga̱. ꞌO̱ se rasu̱u̱n yoꞌ me se navi̱j yoꞌ vaa güii ado̱nj. Ne̱ xa̱ꞌ suun vaa da̱nj, tza̱j ne̱ suun avii u̱u̱n raa̱ yuvii̱ me suun yoꞌ, ne̱ niha̱ꞌ rá nij yuvii̱ caꞌne̱ꞌ nij yuvii̱ suun vaa da̱nj rihaan tuviꞌ nij yuvii̱ na̱nj ado̱nj.

Colosenses 2:22 ပူးပေါင်းရင်းမြစ်များ

San Juan 6:27

’Se̱ guun quiꞌya̱j suun soj cheꞌé ina̱nj se cha̱ soj maꞌ. ꞌO̱ se vaa güii, ne̱ navi̱j nu̱ꞌ nij rasu̱u̱n yoꞌ na̱nj ado̱nj. Cheꞌé dan quiꞌya̱j suun soj cheꞌé se vaa quiꞌya̱j cavi̱i̱ sa̱ꞌ nimán soj, ga̱a ne̱ ga̱a̱ iꞌna̱ꞌ ya̱ nimán soj nu̱ꞌ cavii nu̱ꞌ caꞌanj á. ꞌU̱nj Si̱j Caꞌnéé Yaꞌanj Ni̱caj Yuꞌunj man Yuvii̱ me síí rque̱ se sa̱ꞌ yoꞌ rihaan soj na̱nj ado̱nj. ꞌO̱ se Réj Yaꞌanj me síí cataj se vaa caꞌve̱e qui̱ꞌyáj da̱nj cheꞌé soj ado̱nj ―taj Jesús rihaan nij yuvii̱ a.

1 Corintios 6:13

Dan me se taj ya̱ uún nii a: “Vaa rque níꞌ a. Cheꞌé dan cha̱ níꞌ a. Ina̱nj cheꞌé rque níꞌ roꞌ, vaa se chá yoꞌ a. Ne̱ cheꞌé se chá yoꞌ vaa rque níꞌ uún a”, taj uún nii a. Dan me se ya̱ uxrá ado̱nj. Da̱nj vaa ro̱j yoꞌ na̱nj á. Tza̱j ne̱ Yaꞌanj quiꞌya̱j navi̱j ro̱j yoꞌ na̱nj chugua̱nj. Dan me se xa̱ꞌ nee̱ man níꞌ, tza̱j ne̱ né se quiꞌya̱j cacunꞌ ga̱ chana̱ me yoꞌ maꞌ. Se ca̱yáán ga̱ Síí ꞌNi̱j Raꞌa man níꞌ me yoꞌ, ne̱ rej ya̱nj soꞌ me uún yoꞌ chugua̱nj.

Colosenses 2:21

vaa rasu̱u̱n se̱ guun cha̱ soj do̱ꞌ, vaa rasu̱u̱n se̱ guun xca̱j tuꞌva soj da̱j chá yoꞌ do̱ꞌ, vaa rasu̱u̱n se̱ guun cano̱ raꞌa soj do̱ꞌ ga̱.

Tito 1:14

Dan me se da̱nj qui̱ꞌyáá so̱ꞌ, ga̱a ne̱ se̱ gaa na̱nj xca̱j nij soꞌ cuentá cheꞌé nij cuentó u̱u̱n nanó nij yuvii̱ israelitá á. Ne̱ se̱ cuno nij soꞌ suun caꞌneꞌ nij síí naꞌvej rá canoco̱ꞌ tucuáán ya̱ rihaan nij soꞌ maꞌ.

2 Pedro 2:12

Ne acaj nij síí narqué tucuáán ne̱ cuentá da̱j vaa nij síí me nana̱ nucua̱j, tza̱j ne̱ aꞌmii nij soꞌ nana̱ nij cheꞌé nij nana̱ nucua̱j yoꞌ ado̱nj. Ase vaa nij xcuu qui̱j ne acaj cuentá vaa nij síí narqué tucuáán ne̱ yoꞌ a. Caꞌngaa nij xcuu qui̱j, na̱nj cheꞌé yan ta̱ꞌaa nii man xcuu ticavi̱ꞌ nii man nij xoꞌ a. Taꞌngaꞌ da̱nj quira̱nꞌ nij soꞌ chugua̱nj.

Apocalipsis 17:18

Ne̱ maꞌa̱n chana̱ queneꞌén so̱ꞌ roꞌ, noꞌ me chumanꞌ noco̱o ꞌni̱j raꞌa man nij síí nica̱j suun rey uun chij rihaan chumii̱ a ―taj se‑mo̱zó Yaꞌanj rihanj a.