ꞌO̱ se caꞌna̱ꞌ uxrá síí ne̱ síí cata̱j se vaa Síí Caꞌnéé Yaꞌanj Ti̱nanii man Yuvii̱ rihaan Sayuun me nij soꞌ, ne̱ caꞌna̱ꞌ uxrá síí ne̱ síí cata̱j se vaa nataꞌ nij soꞌ snana̱ Yaꞌanj, ne̱ quiꞌya̱j nij soꞌ da̱j a̱ suun noco̱o, ne̱ tiha̱ꞌ yuꞌunj nij soꞌ man cunuda̱nj nij yuvii̱ ma̱n rihaan chumii̱ na̱nj ado̱nj. Nda̱a nij síí narii Yaꞌanj man roꞌ, sese taj va̱j Yaꞌanj tu̱mé man nij soꞌ, ne̱ cuchuma̱n rá nij soꞌ ni̱ꞌyaj nij soꞌ man nij síí tihaꞌ yuꞌunj yoꞌ na̱nj ado̱nj.
Colosenses 2:18 - Triqui de San Juan Copala18 Se̱ caꞌvej soj quiri̱ꞌ soj quiꞌya̱j nij síí taj se vaa nica̱ꞌ ndoꞌo aꞌmii nij soꞌ maꞌ. Caꞌve̱e se cata̱j nij soꞌ se vaa aráj gue̱e̱ nij soꞌ rihaan se‑mo̱zó Yaꞌanj do̱ꞌ, caꞌve̱e se nucuiꞌ ndoꞌo rá nij soꞌ se vaa neꞌen nij soꞌ rasu̱u̱n tihaa̱n Yaꞌanj rihaan nij soꞌ taj nij soꞌ do̱ꞌ, tza̱j ne̱ tuꞌva rmaꞌa̱n nij soꞌ, ne̱ ma̱an rasu̱u̱n avii raa̱ maꞌa̱n nij soꞌ me yoꞌ na̱nj ado̱nj. အခန်းကိုကြည့်ပါ။ |
Colosenses 2:18
42 ပူးပေါင်းရင်းမြစ်များ
ne̱ snana̱ Yaꞌanj nana̱ ya̱ roꞌ, ne caꞌve̱j nij soꞌ cuno̱ nij soꞌ a̱ maꞌ. Tana̱nj nana̱ ne̱ cuno nij soꞌ na̱nj ado̱nj. Ne̱ caráj gue̱e̱ nij soꞌ rihaan nij rasu̱u̱n quiꞌyaj Yaꞌanj, tza̱j ne̱ rihaan maꞌa̱n Yaꞌanj ne cara̱a̱ gue̱e̱ nij soꞌ maꞌ. Ne̱ xa̱ꞌ Yaꞌanj, tza̱j ne̱ no̱ xcúún níꞌ cata̱j níꞌ se vaa sa̱ꞌ uxrá vaa soꞌ nu̱ꞌ cavii nu̱ꞌ caꞌanj ado̱nj. Veé da̱nj ga̱a̱ ya̱ ado̱nj.
Ne ꞌyaj suun nij soꞌ rihaan Cristó Si̱j ꞌNi̱j Raꞌa man níꞌ maꞌ. Tana̱nj ꞌyaj nij soꞌ se‑su̱u̱n maꞌa̱n nij soꞌ na̱nj ado̱nj. ꞌO̱ se veꞌé ndoꞌo vaa nana̱ aꞌmii nij soꞌ cheꞌé yuvii̱, ne̱ da̱nj ꞌyaj nij soꞌ tihaꞌ yuꞌunj nij soꞌ man yuvii̱, ne̱ nda̱a yuvii̱ ne tumé cacunꞌ tihaꞌ yuꞌunj nij soꞌ man na̱nj ado̱nj.
Dan me se a̱j cataj xnaꞌanj ꞌu̱nj rihaan soj, tinu̱j, nocoj, se vaa maꞌa̱n Cristó naquiꞌya̱j cu̱u cheꞌé rój ga̱ Apolos, ne̱ me raj queneꞌe̱n soj man rój, ne̱ xca̱j soj cuentá se vaa no̱ xcúún soj cuno̱ soj ina̱nj nana̱ a̱j cataj xnaꞌanj Yaꞌanj rihaan níꞌ nana̱ no̱ rihaan yanj á. Dan me se se̱ cataj soj se vaa sa̱ꞌ doj vaa ꞌo̱ tuviꞌ núj rihaan ꞌó tuviꞌ núj maꞌ.
Ne̱ cata̱j xnaꞌanj ꞌu̱nj rihaan soj cheꞌé nee̱ a̱j cutaꞌ nii rihaan yaꞌanj quiꞌyaj maꞌa̱n yuvii̱ a. Neꞌen níꞌ se vaa síí acaj cuentá me cunuda̱nj níꞌ, ne̱ né se yaꞌa̱nj tihaꞌ me neꞌen níꞌ, ne̱ caꞌmi̱i̱ xta̱ꞌ níꞌ maꞌ. ꞌO̱ se nij ndoꞌo vaa sese da̱nj quiꞌya̱j níꞌ ado̱nj. Tza̱j ne̱ sese ꞌe̱e̱ rá níꞌ man tinúú níꞌ, ne̱ ra̱cuíj níꞌ man tinúú níꞌ, ga̱a ne̱ doj a̱ cavi̱i̱ sa̱ꞌ níꞌ á.
ꞌO̱ se chuꞌvíꞌ ꞌu̱nj do̱j tzínꞌ se vaa cuchi̱ꞌ ꞌu̱nj chiháán soj ne̱ que̱neꞌenj se vaa ne ꞌyaj soj nda̱a vaa no̱ xcúún soj quiꞌya̱j soj, ne̱ cata̱j soj se vaa ne ꞌyáá ꞌu̱nj nda̱a vaa me rá soj qui̱ꞌyáá ꞌu̱nj a. Chuꞌvíꞌ ꞌu̱nj se vaa que̱neꞌén ꞌu̱nj se vaa aꞌmii unuꞌ soj ga̱ tinúú soj do̱ꞌ, se vaa uun xco̱j ruva̱a̱ rá soj niꞌya̱j soj tinúú soj do̱ꞌ, se vaa aꞌmaan rá soj niꞌya̱j soj tinúú soj do̱ꞌ, se vaa uxraꞌ taꞌa̱j soj man maꞌa̱n soj ne̱ uun rá soj cunu̱ꞌ soj do̱ꞌ, se vaa nanó soj cuentó ne̱ cheꞌé tinúú soj do̱ꞌ, se vaa aꞌmii soj nana̱ nij cheꞌé tinúú soj do̱ꞌ, se vaa aꞌmii xta̱ꞌ soj do̱ꞌ, se vaa vaa sayuun scaꞌnúj soj do̱ꞌ chugua̱nj.
Ne̱ avii raa̱ yuvii̱ uno suun yoꞌ, taj nii, ne̱ sa̱ꞌ uxrá nariꞌ nij soꞌ chrej canoco̱ꞌ nij soꞌ Yaꞌanj, taj nii, ne̱ síí niꞌya̱nj aꞌmii me nij soꞌ, taj nii, tza̱j ne̱ ne ya̱ ya̱ si̱j noco̱ꞌ man Yaꞌanj me nij soꞌ maꞌ. Ma̱an se cheꞌé nana̱ noco̱ꞌ nij soꞌ roꞌ, ꞌyaj ndoꞌo nij soꞌ na̱j guun cacunꞌ me rá nee̱ man nij soꞌ quiꞌya̱j nij soꞌ na̱nj ado̱nj.
Tu̱mé soj man soj se̱ gaa na̱nj tiha̱ꞌ yuꞌunj yuvii̱ man soj maꞌ. Me rá nij yuvii̱ canoco̱ꞌ soj stucua̱nj nij soꞌ, tza̱j ne̱ nuviꞌ yuꞌvee nó stucua̱nj nij soꞌ rihaan tucuáán sa̱ꞌ noco̱ꞌ níꞌ maꞌ. Ma̱an se tucuáán yoꞌ roꞌ, nana̱ tucuꞌyón na̱nj tuviꞌ nij yuvii̱ rihaan nij yuvii̱ me nana̱ yoꞌ, ne̱ snana̱ nij nana̱ chre̱e ma̱n rihaan chumii̱ nihánj me nana̱ yoꞌ, tza̱j ne̱ né sna̱na̱ Cristó me nana̱ yoꞌ maꞌ.
Ina̱nj me rá nij síí narqué tucuáán ne̱ quiꞌya̱j nij soꞌ cacunꞌ ga̱ me maꞌa̱n chana̱ ni̱ꞌyaj nij soꞌ, ne̱ ne aꞌneꞌ rá nij soꞌ ga̱ suun ꞌyaj cacunꞌ a̱ maꞌ. Tihaꞌ yuꞌunj nij soꞌ man nij síí ne nica̱j xraan stucua̱nj Yaꞌanj, ne̱ ꞌo̱ vaa nimán nij soꞌ me rá nij soꞌ ga̱a̱ ndoꞌo rasu̱u̱n rihaan nij soꞌ ado̱nj. Ase vaa xnii mañá ndoꞌo roꞌ, da̱nj vaa nij soꞌ, ne̱ ya̱ quira̱nꞌ ndoꞌo nij soꞌ sayuun vaa güii chugua̱nj.
Dan me se quiꞌyaj xoꞌ suun noco̱o rihaan xcuu yuva̱a̱ cavii rque na yaꞌa̱nj yoꞌ, quiꞌyaj maꞌa̱n xoꞌ, ne̱ cheꞌé suun noco̱o yoꞌ me se tihaꞌ yuꞌunj ndoꞌo xoꞌ man nij síí ma̱n rihaan chumii̱ a. Ne̱ cataj xoꞌ rihaan nij soꞌ se vaa quiꞌya̱j nij soꞌ ꞌo̱ se tinanga̱ꞌ xcuu cavii rque na yaꞌa̱nj yoꞌ xcuu quiranꞌ chiꞌii̱ quiꞌyaj neê espadá ne̱ cunuu iꞌna̱ꞌ uún a.
Ne̱ caráj gue̱e̱ cunuda̱nj nij yuvii̱ ma̱n rihaan chumii̱ man soꞌ a. Ne̱ nij síí caráj gue̱e̱ man soꞌ me se nuviꞌ se‑chuvi̱i nij soꞌ nó rihaan danj Matzinj Leꞌe̱j ticaviꞌ nii man a. Ne̱ danj Matzinj Leꞌe̱j roꞌ, me yanj taj me síí ca̱yáán ga̱ Yaꞌanj nu̱ꞌ cavii nu̱ꞌ caꞌanj, ne̱ no̱ se‑chuvi̱i nij soꞌ rihaan yanj asi̱j ataa quiꞌya̱j Yaꞌanj chumii̱ na̱nj ado̱nj.
Ga̱a ne̱ cayáán ru̱j ꞌu̱nj rihaan soꞌ cara̱a̱ gue̱e̱ ꞌu̱nj rihaan soꞌ a. Tza̱j ne̱ cataj soꞌ rihanj a: ―Se̱ quiꞌyáá so̱ꞌ da̱nj maꞌ. ꞌO̱ se ꞌu̱nj roꞌ, me síí nu̱u̱ rihaan Yaꞌanj ga̱ nij tinu̱j nij soj si̱j nataꞌ snana̱ Jesús rihaan yuvii̱ a. Rihaan o̱rúnꞌ Yaꞌanj cara̱a̱ gue̱e̱ so̱ꞌ á. ꞌO̱ se nu̱ꞌ nana̱ caꞌmii nij síí nataꞌ snana̱ Yaꞌanj roꞌ, me nana̱ rqué Nimán Yaꞌanj rihaan nij soꞌ, ne̱ snana̱ Jesús me nana̱ yoꞌ ado̱nj ―taj soꞌ rihanj a.
ကြော်ငြာတွေ