Colosenses 2:14 - Triqui de San Juan Copala

¹⁴ Ne̱ dan me se ase vaa tinavij nii ꞌo̱ yanj actá cheꞌé ꞌo̱ síí naruꞌvee cheꞌé scacu̱nꞌ soꞌ roꞌ, taꞌngaꞌ da̱nj tinavij Yaꞌanj cacunꞌ tumé níꞌ cheꞌé se ne cuno̱ níꞌ nu̱ꞌ stucua̱nj Moisés a. Da̱nj quiꞌyaj Yaꞌanj ga̱a goꞌ nii caquíí raꞌa Cristó ne̱ cachrón nii man soꞌ rihaan rcutze̱ a.

Colosenses 2:14 ပူးပေါင်းရင်းမြစ်များ

San Lucas 1:6

ne̱ síí ya̱nj sa̱ꞌ rihaan Yaꞌanj me ro̱j ni̱ca̱ ro̱j soꞌ, ne̱ sa̱ꞌ uxrá ꞌyaj ro̱j soꞌ nda̱a vaa taj nu̱ꞌ nij tucuáán cuchruj Yaꞌanj canoco̱ꞌ níꞌ, ne̱ nuviꞌ cacunꞌ tumé ro̱j soꞌ a̱ doj a̱ maꞌ.

Hechos 3:19

’Cheꞌé dan ca̱nica̱j nimán soj canoco̱ꞌ soj chrej sa̱ꞌ, ga̱a ne̱ caꞌve̱e tinavi̱j Yaꞌanj cacunꞌ tumé soj á. Ga̱a ne̱ caꞌve̱e quisi̱j güii cunu̱u cui̱j rá ta̱ranꞌ níꞌ si̱j israelitá, quiꞌya̱j Síí ꞌNi̱j Raꞌa man níꞌ a.

Colosenses 2:20

Cheꞌé se caviꞌ Cristó cheꞌé nij soj roꞌ, cheꞌé dan ne nó xcúún soj daj chiha̱a̱ míj cuno̱ soj suun aꞌneꞌ nij nana̱ chre̱e ma̱n rihaan chumii̱ nihánj a̱ maꞌ. Cheꞌé dan, me cheꞌé ꞌyaj ndoꞌo soj se vaa ꞌyaj nij yuvii̱ ma̱n u̱u̱n rihaan chumii̱ nihánj ga̱. Dan me se me cheꞌé niha̱ꞌ rá soj cuno̱ soj suun taj se vaa

2 Tesalonicenses 2:7

Cuano̱ nihánj a̱j vaa ndoꞌo cacunꞌ ꞌyaj se nucua̱j yuve̱, tza̱j ne̱ ataa queneꞌe̱n níꞌ da̱j ga̱a̱ nu̱ꞌ cacunꞌ quiꞌya̱j síí chiꞌi̱i̱ yoꞌ á. Ne̱ xa̱ꞌ síí aráán chrej caꞌna̱ꞌ síí chiꞌi̱i̱, tza̱j ne̱ vaa güii naxu̱u̱n Yaꞌanj man maꞌa̱n soꞌ ado̱nj.

Hebreos 7:18

ꞌO̱ se ne gu̱un nucua̱j tucuáán nga̱ yoꞌ ra̱cuíj yoꞌ man yuvii̱ a̱ maan chugua̱nj. Cheꞌé dan navij tucuáán nga̱ yoꞌ, quiꞌyaj Yaꞌanj na̱nj ado̱nj.

Hebreos 8:13

Veé da̱nj caꞌmii Yaꞌanj cheꞌé nana̱ naca̱ yoꞌ, ne̱ cheꞌé dan neꞌen níꞌ se vaa guun nga̱ nana̱ cataj xnaꞌanj soꞌ rihaan síí cuꞌna̱j Moisés, ne̱ nichrunꞌ güii navi̱j nana̱ nga̱ yoꞌ na̱nj ado̱nj.

1 Pedro 2:24

Cacunꞌ tumé níꞌ roꞌ, nataꞌ xráá Cristó ga̱a caviꞌ soꞌ rihaan rcutze̱, cheꞌé rej caꞌne̱ꞌ rá níꞌ ga̱ suun ꞌyaj cacunꞌ ne̱ ina̱nj tucuáán sa̱ꞌ canoco̱ꞌ níꞌ a. Ne̱ cheꞌé se goꞌ nii cuartá xráá soꞌ roꞌ, cheꞌé dan nahuun sa̱ꞌ nimán soj a.